Оксфард (тканіна)

Оксфард
Названа ад	Оксфард[1]
Краіна паходжання	Шатландыя[1]
Матэрыял	бавоўна[1] і blend[d][1]
Метад вырабу	палатно[d][1] і basketweave[d][1]

Оксфард (англ.: oxford) — від тканіны, традыцыйна выкарыстоўванай для пашыву мужчынскіх кашуль. Выконваецца ткацкім перапляценнем «рагожка  (руск.) (бел.». Існуе вялікая колькасць цалкам розных тканін, якія распаўсюджваюцца пад гандлёвай маркай «Оксфард»; іх не варта блытаць з класічнай тканінай дадзенага тыпу.

Тканіна оксфард (Oxford) дзеліцца на некалькі відаў у залежнасці ад таўшчыні ніткі, якая ляжыць у аснове палатна: 210den, 240den, 300den, 420den, 600den. Для вырабу чахлоў-тэнтаў для аўтамабіляў, матацыклаў, скутэраў, квадрацыклаў, снегаходаў, гідрацыклаў, прымяняецца тканіна 240-300den пры стаяначным захоўванні. Для транспарціроўкі тэхнікі (квадрацыклаў, снегаходаў, гідрацыклаў) выкарыстоўваецца больш шчыльны поліэстэр 600den, каб пазбегнуць разрыву чахла пры перавозцы.

Тканіны оксфард выкарыстоўваюцца ў вытворчасці тэнтаў, намётаў, полагаў, заплечнікаў, абутку, сумак, спецадзення і спецназаўскага адзення.

Гэтая тканіна была названая ў гонар англійскага горада Оксфард, дзе яе стварыў фламандскі ткач, вымушаны іміграваць у Англію пасля адмены Нанцкага эдыкта, у 1685 годзе. Зрэшты, у іншай крыніцы згадваецца, што яе стваральнікам быў шатландскі драпіроўшчык XX стагоддзя, які прадаваў баваўняныя тканіны, кожная з якіх насіла назву буйных універсітэтаў: Гарварда, Кембрыджа, Еля і Оксфарда.

Дадзеная тканіна мае тып пляцення «рагожка  (руск.) (бел.» (англ.: Basketweave: basket — кошык, weave — пляценне), якое таксама называюць «панамскім пляценнем».

Шчыльнасць оксфарда абумоўлена таўшчынёй ніткі, якая пазначаецца ў den (дэнье). Чым больш d, тым таўсцей нітка выкарыстоўваецца пры вытворчасці, тым больш выразная структура оксфарда. Прапанаваныя разнавіднасці оОксфарда: 210den, 240den, 300den, 420den, 600den.

Пакрыццё: PU (поліўрэтан) — Унутранае бясколернае пакрыццё, якое забяспечвае воданепранікальнасць і ветраахоўныя ўласцівасці тканіны. Валодае устойлівасцю да арганічных растваральнікаў. Водатрываласць тканіны з PU пакрыццём вар’іруецца ад 200 да 5000 мм воднага слупа.

Вынік выпрабаванняў: Разрыўная нагрузка для розных відаў Оксфарда — 80-160 кгс (пры норме не менш за 50 кгс) па аснове, 45-120 кгс (пры норме не менш за 30 кгс) па ўтку. Водатрываласць для розных PU пакрыццяў — 450 мм; 800 мм; 1000 мм; 3000 мм воднага слупа. Марозаўстойлівасць — оксфард PU (-60 °C).

• Пінпойнт (Pinpoint) — рагожка, у якой рапарт па аснове і ўтку роўны або больш 6.
• Роял Оксфард (Royal Oxford) — выконваецца з больш якаснай пражы.

Разнавіднасці PU пакрыццяў (водатрываласць у мм вадзянога слупа):

• 200—300 мм — для звычайнага адзення (забяспечвае мінімальную абарону);
• 400—500 мм — для звычайнага адзення (пачынае змакаць на згінах праз 1 гадзіну);
• 800 мм — спецвопратка для працы ў вільготных умовах;
• 1000-3000 мм — для тэнтаў на аўтамабілі, чахлы на матацыклы, скутары, снегаходы, квадрацыклы, гідрацыклы і намёткі.

• Андреева Р. П. Оксфорд // Энциклопедия моды. — СПб.: Издательство «Литера», 1997. — С. 264. — ISBN 5-86617-030-2.