Слабодка (Пухавіцкі раён)

Вёска Слабодка Краіна Беларусь Вобласць Мінская Раён Пухавіцкі Сельсавет Блужскі Каардынаты 53°21′38″ пн. ш. 28°20′38″ у. д.HGЯO Водныя аб’екты Талька Насельніцтва ▼57 чал. (2019) Часавы пояс UTC+3 Тэлефонны код +375 1713 Паштовыя індэксы 222860 Аўтамабільны код 5 Слабодка на карце Беларусі ±

Слабо́дка^[1] (трансліт.: Slabodka, руск.: Слободка) — вёска ў Пухавіцкім раёне Мінскай вобласці. Уваходзіць у склад Блужскага сельсавета. Месціцца за 19,5 км на паўднёвы ўсход ад Мар’інай Горкі, 73,5 км ад Мінска, 0,5 км ад чыгуначнай станцыі Талька.

У XVIII стагоддзі паселішча ў Менскім павеце Менскага ваяводства Вялікага Княства Літоўскага, адносілася да маёнтка Арэшкавічы.

У выніку другога падзелу Рэчы Паспалітай 1793 года тэрыторыя апынулася ў складзе Расійскай імперыі. У Ігуменскім павеце Мінскай губерні. У сярэдзіне XIX стагоддзя ў Блужскай воласці Ігуменскага павета. У канцы XIX стагоддзя ў Амяльнянскай воласці.

З канца лютага 1918 года тэрыторыя акупаваная войскамі Германскай імперыі. 25 сакавіка 1918 года згодна з Трэцяй Устаўной граматай абвяшчалася часткай Беларускай Народнай Рэспублікі. Жыхары Амяльнянскай воласці накіроўвалі звароты ў Народны Сакратарыят Беларусі са скаргамі на дзеянні нямецкіх акупацыйных улад^[2]. У снежні 1918 года занята Чырвонай Арміяй, з 1 студзеня 1919 года ў адпаведнасці з пастановай І з’езда КП(б) Беларусі яна ўвайшла ў склад Савецкай Беларусі, з 27 лютага 1919 года — у ЛітБел ССР. У час польска-савецкай вайны ў жніўні 1919 — ліпені 1920 гадоў пад акупацыяй Польшчы (Мінская акруга ГУУЗ).

З 31 ліпеня 1920 года ў Беларускай ССР. У 1920 годзе адкрыта школа 1-й ступені (у 1922 годзе было 62 вучні).

У Другую сусветную вайну з канца чэрвеня 1941 года да пачатку ліпеня 1944 года вёска пад акупацыяй Германіі.

Да 30 кастрычніка 2009 года вёска ўваходзіла ў склад Талькаўскага сельсавета^[3].

• 1800 год — 9 двароў, 72 жыхары
• 1858 год — 62 жыхары
• 1897 год — 51 двор, 312 жыхароў; сядзіба, 4 двары, 30 жыхароў
• 1907 год — 32 двары, 148 жыхароў
• 1917 год — вёска, 45 двароў, 261 жыхар; засценак, 5 двароў, 24 жыхары
• 1960 год — 237 жыхароў
• 2002 год — 53 гаспадаркі, 99 жыхароў
• 2007 год — 83 жыхары
• 2010 год — 39 гаспадарак, 69 жыхароў
• 2012 год — 31 гаспадарка, 57 жыхароў
• 2019 год — 57 жыхароў^[4]

• Слабодка // Гарады і вёскі Беларусі. Т. 8 : Мінская вобласць, кн. 4 / Т.У. Бялова (галоўны рэдактар) і інш. — Мінск: Беларуская энцыклапедыя імя Петруся Броўкі, 2013. — С. 183—184. — 528 с. — 2 000 экз. — ISBN 978-985-11-0735-9.

• На Вікісховішчы пакуль няма медыяфайлаў па тэме, але Вы можаце загрузіць іх