Сяргей Васілевіч Рублеўскі

Сяргей Васілевіч Рублеўскі (нар. 24 снежня 1954, в. Бабча, Лепельскі раён, Віцебская вобласць — 13 мая 2025) — беларускі паэт, празаік, публіцыст.

Вучыўся ў Бароўскай сярэдняй школе, скончыў фізіка-матэматычны факультэт Віцебскага педінстытута. Пасля вучобы працаваў настаўнікам у Капыльскім раёне. З 1978 года ў журналістыцы. Працаваў у Бешанковіцкай раённай газеце «Зара», у Талачынскай — «Сцяг Ільіча», у абласной — «Віцебскі рабочы». З 1990 года, з дня заснавання, да 2008 года — галоўны рэдактар абласной газеты «Народнае слова». З 2008 па 2013 гады — намеснік начальніка галоўнага ўпраўлення юстыцыі Віцебскага аблвыканкама — начальнікам аддзела па архівах і справаводстве. Сябра Саюза беларускіх пісьменнікаў з 2001 года.

• «Апостраф» (2000)
• «Азярод» (2003)
• «Абмытыя валуны» (2005)
• «Ў, тое, што мы скарацілі». (2008).
• «Маўчанне на ўвесь Божы свет». (2011).
• «Святло лускі». (2012).
• «Паспець надыхацца». (2012).
• «Мамін шэпт пад абразамі». (2016).

• прэмія «Гліняны Вялес» (2012) за кнігу «Паспець надыхацца»^[1].
• прэмія «Залаты апостраф» (2020) за найлепшыя празаічныя творы ў 2020 годзе^[2].

• Пісьменнікі Віцебшчыны. Даведнік. — Віцебск, 2001. — С. 65.