Юрый Вітольдавіч Шулейка

Юрый Вітольдавіч Шулейка
Юрый Вітольдавіч Шулейка
старшыня Брэсцкага абласнога выканаўчага камітэта
	26 студзеня 2021 — 27 чэрвеня 2024
намеснік Прэм’ер-міністра Рэспублікі Беларусь[d]
	з 27 чэрвеня 2024
Папярэднік	Леанід Канстанцінавіч Заяц
Нараджэнне	31 сакавіка 1968 (57 гадоў); Казлоўшчына, Казлоўшчынскі пасялковы савет, Дзятлаўскі раён, Гродзенская вобласць, БССР, СССР;
Адукацыя	Магілёўскі тэхналагічны інстытут (1992); Акадэмія кіравання пры Прэзідэнце Рэспублікі Беларусь (2002);
Месца працы	Брэсцкі абласны выканаўчы камітэт;

Ю́рый Вітольдавіч Шуле́йка (нар. 31 сакавіка 1968, Казлоўшчына, Дзятлаўскі раён, Гродзенская вобласць) — беларускі дзяржаўны дзеяч. Старшыня Брэсцкага аблвыканкама (2021—2024). Фігурант Чорнага спісу ЕС і санкцыйных спісаў шэрагу іншых краін.

Біяграфія

Скончыў Магілёўскі тэхналагічны інстытут (1992) і Акадэмію кіравання пры Прэзідэнце Рэспублікі Беларусь (2002).

Працоўную дзейнасць пачаў у 1992 годзе майстрам па рамонце тэхналагічнага абсталявання і выканаўцам абавязкаў галоўнага энергетыка Гродзенскага мясакамбіната. У 1994 годзе заняў пасаду начальніка мяснога цэха сельгаспрадпрыемства «Абухова» Гродзенскай вобласці, у 1996 годзе — намесніка дырэктара — начальніка перапрацоўчага комплекса Зэльвенскай цеплаэлектрасеткі.

У 1996—2005 гадах працаваў начальнікам аддзела механізацыі і аўтаматызацыі вытворчых працэсаў Гродзенскага мясакамбіната, затым на працягу двух гадоў узначальваў Лідскі мясакамбінат. У 2007—2008 гадах — генеральны дырэктар прадпрыемства «Гродзенскія мясамалочныя прадукты», у 2008—2012 гадах — генеральны дырэктар аб’яднання «Гроднамясамалпрам».

У 2012 годзе прызначаны першым намеснікам старшыні Гродзенскага гарвыканкама, у 2013 годзе — намеснікам старшыні Гродзенскага аблвыканкама.

12 мая 2017 года прызначаны памочнікам прэзідэнта Беларусі — інспектарам па Гомельскай вобласці^[2].

26 студзеня 2021 года прызначаны старшынёй Брэсцкага абласнога выканаўчага камітэта^?!^[3].

27 чэрвеня 2024 года прызначаны намеснікам прэм’ер-міністра Рэспублікі Белаусь, які курыруе сельскую гаспадарку^[4].

Міжнародныя санкцыі

25 лютага 2022 года ўключаны ў Чорны спіс Еўрасаюза за садзейнічанне за расійскай агрэсіі супраць Украіны^[5]. Тым жа годам таксама трапіў пад санкцыі Швейцарыі, Вялікабрытаніі, Украіны, Канады^[6].