Юрый Тышкевіч (біскуп віленскі)

Юрый Тышкевіч
біскуп жамойцкі з 19 снежня 1633
Дыяцэзія	Жамойская дыяцэзія
Папярэднік	Мельхіёр Эляшэвіч-Гейш[d]
Пераемнік	Пётр Парчэўскі
біскуп віленскі з 9 снежня 1649
Дыяцэзія	Віленскае біскупства
Папярэднік	Абрагам Война
Пераемнік	Ян Караль Даўгяла Завіша
тытулярны біскуп метонскі[d] з 17 мая 1627
Дыяцэзія	Methone titular see[d]
дапаможны біскуп з 17 мая 1627
Дыяцэзія	Віленскае біскупства
Нараджэнне	1596[1][2] Віштынец[d], Вількавішкі, Літва
Смерць	7 студзеня 1656(1656-01-07) ці 17 студзеня 1656(1656-01-17)[3] Домнау[d], Герцагства Прусія
Месца пахавання	Кафедральны сабор Святога Станіслава
Род	Тышкевічы
Бацька	Ян Яўстах Тышкевіч
Маці	Соф’я з Вішнявецкіх[d]
Веравызнанне	Каталіцкая Царква[4]
Адукацыя	Віленскі ўніверсітэт Люблінскі езуіцкі калегіум[d]
Медыяфайлы на Вікісховішчы

Юрый Тышкевіч (1596, Вішцянец — 17 студзеня 1656, Домнаў, цяпер Калінінградская вобласць Расіі) — рэлігійны і дзяржаўны дзеяч Вялікага Княства Літоўскага.

З лагойскай лініі роду Тышкевічаў, сын Яна Яўстаха і Соф’і з Вішнявецкіх.

Навучаўся ў езуіцкіх акадэміях у Вільні, Любліне, Познані й Кракаве.

Канонік кракаўскі, з 1626 віленскі. З 17 мая 1627 г. тытулярны біскуп метонскі і біскуп-суфраган віленскі. З 19 снежня 1633 ардынары жамойцкі, біскуп — з 25 чэрвеня 1634. Дбаў пра развіццё школ, праводзіў візытацыю дыяцэзіі, чатыры разы праводзіў дыяцэзіяльныя сінод (1636, 1639, 1643, 1647). У 1637 заснаваў кальварыю ў мястэчку, названым Жамойцкая Кальварыя, заснаваў там кляштар дамініканаў. У 1632 кансакраваў касцёл дамініканаў у Сейнах.

У 1638 быў легатам Уладзіслава Вазы да папы Урбана VIII, ад якога атрымаў тытул прэлата дамовага. У 1644 кіраваў каталіцкай дэлегацыяй у Торуні на Colloquium Charitativum — дыскусіі пратэстантаў і каталікоў пра яднанне вызнанняў.

З 9 снежня 1649 біскуп віленскі, зладзіў сінод дыяцэзіяльны, правёў візытацыю парафій. У вайну са Швецыяй знаходзіўся ў Караляўцы. Даў згоду на падпісанне Кейданскага дагавора.

• 
  Невядомы мастак, XVII ст.
• 
  Невядомы мастак, XVII ст.
• 
  Невядомы мастак, XIX ст.

• Nitecki P. Biskupi Kościoła w Polsce: w latach 965—1999 // Słownik biograficzny. Wyd. 2. — Warszawa, 2000. ISBN 83-211-1311-7. — S. 458—459. (польск.)
• Wileński słownik biograficzny. — Bydgoszcz, 2002. ISBN 83-87865-28-1. — S. 412. (польск.)