Горасанли

Горасанли Γκουράντζαλη
Горасанли
Местоположба во областа Горасанли Местоположба на Горасанли во Серскиот округ и областа Централна Македонија
Координати: 41°0′N 23°24′E / 41.000°N 23.400°E / 41.000; 23.400
Земја	Грција
Област	Централна Македонија
Округ	Серски
Општина	Визалтија
Општ. единица	Визалтија
Надм. вис.	&1000000000000001500000015 м
Час. појас	EET (UTC+2)
• Лето (ЛСВ)	EEST (UTC+3)

Горасанли или Курасанли (грчки: Γκουράντζαλη, Гуранѕанли) — поранешно село во Нигритско, Егејска Македонија, на територијата на денешната општина Визалтија во областа Централна Македонија, Грција.

Селото се наоѓало во Серско Поле, помеѓу селата Макеш и Димитрич, северозападно од гратчето Нигрита, на надморска височина од 15 м.^[1]

Во XIX век Горасанли било турско село во Серската каза на Серскиот санџак. Во „Етнографија на вилаетите Адријанопол, Монастир и Салоника“ се вели дека во 1873 г. во Горасанли имало 40 домаќинства и 118 жители муслимани.^[2]

Според податоците на Васил К’нчов („Македонија. Етнографија и статистика“) од 1900 г., во селото Грозанли имало 140 жители Турци.^[3]

По Балканските војни во 1913 г. селото е припоено кон Грција согласно Букурешкиот договор. Таа година селото броело 178 жители. Бидејќи селото настрадало во Првата светска војна, тоа не се спомнува како населба во наредните пописи. Последен пат се спомнува во 1926 г. при формирањето на општината Орљак (денес дел од Општина Долна Џумаја). Подоцна Горасанли било избришано од евиденција.^[1]

1. ↑ ^{1,0 1,1} Симовски, Тодор (1998). Населените места во Егејска Македонија : географски, етнички и стопански одлики. II дел. Скопје: Институт за национална историја. стр. 232.
2. ↑ Македония и Одринско : Статистика на населението от 1873 г. София: Македонски научен институт – София, Македонска библиотека № 33. 1995. стр. 122–123. ISBN 954-8187-21-3.
3. ↑ Кѫнчовъ, Василъ (1900). Македония. Етнография и статистика. София: Българското книжовно дружество. стр. 178. ISBN 954430424X.