Горно Количани

**Горно Количани**
	Горно Количани
	Поглед на селото Горно Количани;
	Горно Количани Местоположба на Горно Количани во Македонија Горно Количани на карта
	Координати 41°52′49″N 21°28′20″E / 41.88028°N 21.47222°E
Регион	Скопски
Општина	Студеничани
Област	Торбешија
Население	248 жит.; (поп. 2021)
Пошт. бр.	1050
Повик. бр.	02
Шифра на КО	25052
Надм. вис.	620 м
	Горно Количани на општинската карта ; Атарот на Горно Количани во рамките на општината
	Горно Количани на Ризницата

Спомен-куќа за соборот на скопските партизански одреди

Горно Количани — село во Општина Студеничани, во областа Торбешија, во околината на градот Скопје.

Географија и местоположба

Селото се наоѓа во областа Торбешија, во сливот на Маркова Река, на околу 1,5 км југозападно од Долно Количани и на 18 километри јужно од градот Скопје. Лежи во ридски предел, а атарот зафаќа површина од 6,8 км².^[2]

Историја

Во XIX век, селото е дел од нахијата Каршијак во Скопската каза во Отоманското Царство. Според статистиката на Васил К’нчов во 1900 г. Горно Куличани се состоело од 460 Арнаути муслимани^[3].

На етничката карта од 1927 г. Леонард Шулце Јена го покажува Горно Количане (Grn.-Količane) како албанско село.^[4]

Население

Население во минатото

Година	Нас.	±%
1948	825	—
1953	872	+5.7%
1961	715	−18.0%
1971	808	+13.0%
1981	654	−19.1%

Година	Нас.	±%
1991	0	−100.0%
1994	413	—
2002	309	−25.2%
2021	248	−19.7%

Според опширните османлиски дефтери за населението на Скопската Каза од 1832/33 година, селото било муслиманско, со 35 муслимански домаќинствa. На овој попис биле забележани 140 мажи муслимани, со 4 новороденчиња. Се проценува дека селото во тој период имало 288 жители.^[5]

Стефан Верковиќ во 1857 година го забележува со 229 жители.^[6]

Според статистиката на Васил К'нчов („Македонија, Етнографија и статистика“) од 1900 година, во Горно Количани живееле 460 жители, сите Албанци^[7].^[8]

После Втората балканска војна, 1913 г. селото влегува во границите на Србија, како центар на истоимената општина и има 608 жители.^[9]

Според германска карта издадена во 1941 година, а заснована на пописот на Кралство Југославија во 1931 година, селото имало 800 Албанци.^[10]

Населението на Горно Количани речиси се удвоило во првите децении на XX век, но во наредните периодио постепено опаднало. Во следните неколку пописи делови од населението наизменично се изјаснувале како „Турци“ или „Албанци“. Почнувајќи од 1981 г. целото население почнало да се изјаснува како албанско.

Горно Количани е едно од селата во Општина Студеничани и воопшто во Скопскиот Регион, кое е населено исклучиво со муслимански Албанци, кое забележало значаен пораст на бројот на жители во однос на пописот од 1994 кога во селото живееле 413 жители.

Според пописот од 2002 година, селото имало население од 309 жители, од кои 306 Албанци, 1 Македонец и 2 други.^[11]

Според последниот попис од 2021 година, во селото живееле 248 жители, од кои 195 Албанци и 53 лица без податоци.^[12]

Во табелата во продолжение е направен преглед на населението во сите пописни години:

Година	1900	1905	1948	1953	1961	1971	1981	1991	1994	2002	2021
Население	460	—	825	872	715	808	654	0	413	309	248

Извор за 1900 г.: Македонија. Етнографија и статистика.^[13]; за 1905 г.: La Macédoine et sa Population Chrétienne.^[14]; за 1948-2002 г.: Државен завод за статистика на РМ.^[15]; за 2021 г.: Државен завод за статистика на РМ.^[16]

Културни и природни знаменитости

Спомен куќа на НОБ, прогласена за културно наследство на Македонија

Стопанство

Горно Количани има полјоделско-шумарско стопанство. Според податок од 1998 г. селото располага со 327,6 ха обработливо земјиште, 174,3 ха пасишта и 458,2 ха шуми^[2]

Општествени установи

Селска џамија
Основно училиште

Иселеништво

Со истражувањето од 1950 г. е утврдено дела во селото Батинци живеат родовите Рушитоски (5 куќи) и Саитоски (2 куќи) доселени во 1946 г. од Дресница, а таму дошле од Горно Количани, каде припаѓале на родот Чајан.^[17]