Вртекица

Вртекица
Влезот во селото Вртекица
Вртекица Местоположба на Вртекица во Македонија Вртекица на карта
Координати 41°53′6″N 21°30′38″E / 41.88500°N 21.51056°E / 41.88500; 21.51056
Општина	Студеничани
Население	90 жит. (поп. 2021)[1]
Шифра на КО	25140
Надм. вис.	587 м
Вртекица на општинската карта Атарот на Вртекица во рамките на општината
Вртекица на Ризницата

Вртекица — село во Општина Студеничани, во околината на градот Скопје.

Вртекица се наоѓа во областа Торбешија, во долниот слив на Маркова Река.

Подрачјето на Вртекица е населено уште од доцната антика, за што сведочат остатоците од утврдена населба на наоѓалиштето Исар југоисточно од селото.

Во XIX век, селото е дел од нахијата Каршијак во Скопската каза во Отоманското Царство.

Според опширните османлиски дефтери за населението на Скопската Каза од 1832/33 година, селото било муслиманско, со 38 муслимански домаќинства. На овој попис биле забележани 125 мажи муслимани, со 20 новороденчиња. Се проценува дека селото во тој период имало 292 жители.^[2]

Според статистиката на Васил К’нчов („Македонија, Етнографија и статистика“) од 1900 година, во Вртекица живееле 360 жители, сите Албанци муслимани.^[3]

Според германска карта издадена во 1941 година, а заснована на пописот на Кралството Југославија во 1931 година, селото имало 550 Албанци.^[4]

Според пописот од 2002 година, селото имало население од 111 жители, сите Албанци.^[5]

Според последниот попис од 2021 година, во селото живееле 90 жители, сите Албанци.

Во табелата во продолжение е направен преглед на населението во сите пописни години:

Извор за 1900 г.: Македонија. Етнографија и статистика.^[6]; за 1905 г.: La Macédoine et sa Population Chrétienne.^[7]; за 1948-2002 г.: Државен завод за статистика на РМ.^[8]; за 2021 г.: Државен завод за статистика на РМ.^[9]

Вртекица е албанско село.

Според истражувањата од 1950 година. Родови во селото биле:

• Доселеници: Мали Цок (15 к.) доселени се од северна Албанија. Овде живеат од втората половина на XVIII век; Дервише (25 к.) доселени се од северна Албанија; Кале или Шеелар (18 к.) доселени се од местото Чаје во Љума, северна Албанија. Го знаат следното родословие: Имер (жив на 48 г. во 1950 година) Шукри-Џемаил-Муарем-Дурмиш, кој се доселил; Дибран (12 к.) доселени се од околината на Пешкопеја (Долен Дебар) во северна Албанија. Овде живеат од почетокот на XIX век; Укалар (17 к.) доселени се од северна Албанија; Ѓец (1 к.) потекнуваат од фисот Тсач во северна Албанија. Имаат роднини во селото Рамни Габер.^[10]

• Исар — населба од доцноантичкото време. На границата од атарите на селата Вртекица и Рамни Габер се гледаат остатоци од утврдена населба.

• Св. Димитрија — средновековен сакрален објект. Во Шелско Маало се наоѓа текија со девет гробови која била изградена пред во последните децении на XVIII век врз темели на средновековна црква која, според преданието, била посветена на св. Димитрија. Дека селото било населено од христијанско македонско население сведочи податокот на листот 42 од Кодикот на манастирот Матка од 1570-1580 година, во кој како приложник од ова село е заведена „рабинката божја Тода“. Денешните муслимански жители започнале да се населуваат во селото кон крајот на XVII век.

Околу 26 семејства се иселени во Скопје до 1950 година. Припаѓале на разни селски родови.^[10]

• Торбешија
• Општина Студеничани
• Студеничани

• Сателитска снимка на Вртекица на Карти на Гугл

Оваа статија за место во Македонија е никулец. Можете да помогнете со тоа што ќе ја проширите. п р у

п р у Населени места во Општина Студеничани Батинци Вртекица Горно Количани Долно Количани Драчевица Елово Малчиште Маркова Сушица Морани Пагаруша Рамни Габер Студеничани Цветово Црвена Вода Црн Врв Раселени Алдинци Калдирец Осинчани Умово Историски Дресница Љубош