Двориште (Велешко)

Двориште
Двориште Местоположба на Двориште во Македонија Двориште на карта
Координати 41°34′42″N 21°50′10″E / 41.57833°N 21.83611°E / 41.57833; 21.83611
Регион	Вардарски
Општина	Градско
Област	Клепа
Население	0 жит. (поп. 2021)[1]
Пошт. бр.	1420
Повик. бр.	043
Шифра на КО	29020
Надм. вис.	459 м
Двориште на општинската карта Атарот на Двориште во рамките на општината
Двориште на Ризницата

Двориште — село во Општина Градско, во средишното Повардарие,^[2] централна Македонија. Денес нема жители.^[3]

Селото се наоѓа во областа Клепа, меѓу планинските села во југозападниот дел на општината. Седиштето Градско е источно од Двориште, во плодната долина на Вардар.

Подрачјето на Двориште е населено уште од доцната антика, зашто сведочи наоѓалиштето Кале (или Клепа) источно од селото.^[4]

Во XIX век Двориште било чисто македонско село во нахијата Клепа од Велешката каза на Отоманското Царство. Во „Етнографија на вилаетите Адријанопол, Монастир и Салоника“ се вели дека во 1873 г. Дворишти (Dvorishti) имало 24 домаќинства со 106 жители Македонци.^[5][6] Според статистиката на Васил К’нчов („Македонија. Етнографија и статистика“) во 1900 г. Дворишта имало 150 жители, сите Македонци христијани.^[5][7]

На почетокот на XX век жителите на селото веќе потпаднале под врховенството на Бугарската егзархија. По податоци на егзархискиот секретар Димитар Мишев („La Macédoine et sa Population Chrétienne“) во 1905 г. во Дворишта (Dvorichta) имало 120 Македонци под егзархијата и работело бугарско училиште.^[5][8]

На етничката карта од 1927 г. Леонард Шулце Јена го укажува Дворишта (Dvorišta) како македонско христијанско село.^[5][9]

Според германска карта издадена во 1941 година, а заснована на пописот на Кралството Југославија од 1931 година, селото имало 25 до 50 Македонци.^[10]

Селото почнало масовно да се раселува некаде во 1960-тите и е сосема напуштено во 1980-тите. Така, во 1961 година најпрво броело 34 жители Македонци, за после многу брзо да се исели. Последно во 1981 година имало само 2 жители.

Според пописот од 2002 година, во селото Двориште немало жители.^[3] Истото било потврдено и на пописот од 2021 година.

Во табелата во продолжение е направен преглед на населението во сите пописни години:

Извор за 1900 г.: Македонија. Етнографија и статистика.^[11]; за 1905 г.: La Macédoine et sa Population Chrétienne.^[12]; за 1948-2002 г.: Државен завод за статистика на РМ.^[13]; за 2021 г.: Државен завод за статистика на РМ.^[14]

Двориште било македонско село.

Според истражувањата од 1920-1924, родови во селото биле:

• Староседелци: Илијовци (7 к.)
• Доселеници: Матовци (9 к.) доселени биле во почетокот на 19 век од селото Водоврати; Најдовци (1 к.) доселени биле во 1885 година од селото Долно Чичево; Мацини (1 к.) доселени биле во 1898 година од селото Долно Чичево.^[15]

Археолошки наоѓалишта

• Кале (или Клепа) — градиште од доцноантичко време

• Камен Лазаров — револуционер, влешки војвода на ВМРО

Селото е целосно иселено, а најголем број од населението е иселено во Велес.^[15]

• Двориште (Велешко) на Ризницата

п р у Населени места во Општина Градско Виничани Водоврати Горно Чичево Градско Грнчиште Долно Чичево Кочилари Ногаевци Подлес Уланци Раселени Двориште Згрополци Куридере Свеќани Скачинци Убого Историски Мушанци Хаџи Јусуфли