Прналија (Радовишко)

**Прналија**
	Прналија
	Поглед на селото;
	Прналија Местоположба на Прналија во Македонија Прналија на карта
	Координати 41°40′49″N 22°25′40″E / 41.68028°N 22.42778°E
Регион	Југоисточен
Општина	Радовиш
Област	Јуруклак
Население	153 жит.; (поп. 2021)
Пошт. бр.	2420
Повик. бр.	032
Шифра на КО	22036
	Прналија на општинската карта ; Атарот на Прналија во рамките на општината
	Прналија на Ризницата

За други истоимени места, погледајте Прналија.

Прналија (поретко: Парналија) — село во Општина Радовиш, во областа Јуруклак, во околината на градот Радовиш.

Според пописот од 2002 година, селото имало население од 122 жители,^[2] со што селото се вбројува во мали села во областа на Конче и Радовиш.^[3]

Географија и местоположба

Селото се наоѓа во северозападниот дел на територијата на Општина Радовиш, сместено во областа Јуруклак, под северозападната падина на Плачковица.^[4] Селото е планинско, сместено на надморска височина од 660 метри. Од градот Радовиш е оддалечено 6 километри.^[4]

До селото води асфалтен пат.

Стопанство

Атарот на селото зафаќа простор од 10,2 км², при што преовладуваат пасиштата со површина од 504 хектари, на шумите отпаѓаат 367 хектари, а на обработливото земјиште 146 хектари.^[4]

Во основа, селото има полјоделско-сточарска функција.^[4]

Население

Население во минатото

Година	Нас.	±%
1948	190	—
1953	224	+17.9%
1961	194	−13.4%
1971	153	−21.1%
1981	192	+25.5%

Година	Нас.	±%
1991	168	−12.5%
1994	136	−19.0%
2002	122	−10.3%
2021	153	+25.4%

Според статистиката на Васил К’нчов („Македонија, Етнографија и статистика“) од 1900 година, во Прналија живееле 280 жители, сите Турци.^[5]

Според Димитар Гаџанов во 1916 година во Прналија живееле 188 Турци.^[6]

Според германска карта издадена во 1941 година, а заснована на пописот на Кралството Југославија од 1931 година, селото имало 200 Турци.^[7]

Прналија е мало село, населено со турско население, од групата Јуруци. Во 1961 година селото броело 194 жители, а во 1994 година 136 жители.^[4]

Според пописот од 2002 година, во селото Прналија живееле 122 жители, сите Турци.^[2]

Според последниот попис од 2021 година, во селото живееле 153 жители, од кои 1 Албанец, 149 Турци и 3 лица без податоци.^[8]

Во табелата во продолжение е направен преглед на населението во сите пописни години:

Година	1900	1905	1948	1953	1961	1971	1981	1991	1994	2002	2021
Население	280	—	190	224	194	153	192	168	136	122	153

Извор за 1900 г.: Македонија. Етнографија и статистика.^[9]; за 1905 г.: La Macédoine et sa Population Chrétienne.^[10]; за 1948-2002 г.: Државен завод за статистика на РМ.^[11]; за 2021 г.: Државен завод за статистика на РМ.^[12]

Општествени установи

Основно училиште „Никола Карев“, подрачно петгодишно основно училиште во состав на ОУ „Никола Карев“ - Радовиш
Месна заедница

Самоуправа и политика

Во XIX век, Прналија било село во Радовишката каза на Отоманското Царство.

Селото влегува во рамките на Општина Радовиш, која била проширена по новата територијална поделба на Македонија во 2004 година со Општина Подареш. Во периодот од 1996-2004 година, селото било исто така во рамките на Општина Радовиш.

Во периодот од 1955 до 1996 година, селото се наоѓало во рамките на големата општина Радовиш.

Во периодот 1952-1955, селото било во рамките на тогашната Радовишка градска општина, во која покрај селото Прналија, се наоѓале градот Радовиш и селата Али Коч, Козбунар, Коџалија, Раклиш, Супурѓе и Шипковица. Во периодот 1950-1952, селото се наоѓало во некогашната Општина Тополница, во која влегувале селата Али Коч, Бучим, Коџалија, Прналија, Супурѓе и Тополница.

Избирачко место

Во селото постои избирачкото место бр. 1600 според Државната изборна комисија, сместено во просториите на основното училиште.^[13]

На претседателските избори во 2019 година, на ова избирачко место биле запишани вкупно 122 гласачи.^[14] На локалните избори во 2021 година, на ова избирачко место биле запишани вкупно 128 гласачи.^[15]