Спанч

Спанч Σπανός
Местоположба
Земји	Грција
Крај	Кукушко, Егејска Македонија
Физички особености
Извор
• место	Круша
• координати	41°11′41″N 22°56′08″E / 41.1947°N 22.9356°E / 41.1947; 22.9356
Устие
• место	Галик кај Сеслово
• координати	40°59′07″N 22°56′09″E / 40.9853°N 22.9358°E / 40.9853; 22.9358
Должина	31 км
Особености на сливот
извор утока

Спанч (грчки: Σπανός, Спанос) — река во Кукушко, Егејска Македонија, лева притока на Галик.^[1] Долга е 31 км.

Реката извира од источните падини на планината Круша (планина), на надморска висина од 640 м североисточно над селото Фанарли. Зазема југозападен правец, минува јужно од селото, а потоа тече низ Шемница. Потоа се упатува на југ, и откако ќе ги одмине Алексово и Касамли од исток, проаѓа источно и јужно од Грамадна. Проаѓа низ Стрезово од исток и Сеслово од северозапад, и тука меѓу овие две села се влева во Галик.

Спанч е најголема притока на Галик според количината на вода. Полноводноста на Спанч е сезонски зависна од количината на врнежи од дожд и стопен снег од планината Круша. Често пресушува во летниот период, но набргу почнува да тече кога ќе почнат врнежите.^[2] На брегот на Спанч, североисточно од Кукуш се наоѓа манастирот „Св. Нектариј Спанчовски“, наречен по реката.

Високо над Стрезово крај Спанч се терените за обука за теренско возење и специјални испити. Оваа обука подразбира преминување на реката и поминување на бројни специјални крајречни препреки.