Бистрица (Егејска Македонија)

Бистрица; Αλιάκμονας
	Поглед на Бистрица
Местоположба
Земји	Грција
Област	Егејска Македонија
Физички особености
Извор
• место	Грамошта
• координати	40°21′00″N 20°47′34″E / 40.3499°N 20.7927°E
• надм. вис.	2.075 м
Устие
• место	Егејско Море, југоисточно од Либаново
• координати	40°27′57″N 22°39′14″E / 40.4659°N 22.654°E
• надм. вис.	0 м
Должина	297 км
Големина на сливот	6.971,7 км2
Особености на сливот
Притоки
• десни	Чрчишка Река

Оваа статија се однесува на река во Егејска Македонија. За истоимени географски поими на други места, погл. Бистрица.

Бистрица или Белица (грчки: Αλιάκμονας, Алијакмонас) — најдолгата река во Егејска Македонија и во цела денешна Грција, со вкупна должина од 297 км. Тече низ областа Западна Македонија (Костурскиот, Гребенскиот и Кожанскиот округ и Централна Македонија (Берско и Катеринско). Сливот зафаќа површина од 6.971,7 км².^[1]

Течение

Реката извира во планината Грамошта (Грамос), близу границата со Албанија. Во горното течение, реката се движи на исток, а потоа кај Костур врти на југоисток. Опишува крива линија околу планината Црвена Гора, па свртува на североисток кај с. Земњач. Потоа влегува го големото вештачко Витивјанско Езеро. Југоисточно од Бер, Бистрица навлегува во Солунското Поле, подрачје од голема важност за земјоделството. На крај се влева во Солунскиот Залив западно од устието на Вардар, а источно од с. Либаново.

Бистрица минува крај следниве градови (по низводен редослед): Нестрам, Рупишта, Лапчишта, Земњач, Велвендо и Гида.

Слив и притоки

На југоисток и југ, сливот на Бистрица се граничи со сливот на Пенеј (од Егејскиот слив), на југозапад и запад со сливовите на Војуша и Семан (од Јадранскиот слив), а на север и северосзток со сливовите на Вардар и Колудеј (од Егејскиот слив) и други помали реки кои се влеваат во бессливното подрачје во северозападот на земјата.^[2]

Река Бистрица има поголем број притоки, од кои највеќето се кратки: → лева притока, ← десна притока

→ Рулска Река
- → Дреновска Река
- ← Четирска Река
← Галешово
← Питарова Река
→ Ѓоле
← Беливод
→ Богатска Река
→ Лошничка Река (Порос)
← Праморица
→ Коничка Река
← Гребенска Река
← Венетик
→ Мегленица
- ← Вода
- ← Арапица

Историја

Според Јулиј Цезар, Бистрица претставувала граница помеѓу Македонија и Тесалија. Во горното течение одела во југоисточен правец низ Елимеја, и продолжувала на североисток, образувајќи ја границата помеѓу Пиерија, Еордеја и Иматија. Во времето на Херодот, нејзина притока била Колудеј (Лудија)^[3] која се одлевала од езерото на Пела. Денес Колудеј не се спојува со Бистрица, туку се влева право во Егејското Море.