ஒருங்கிணைந்த தெற்கு நுழைவாயில்

ஒருங்கிணைந்த தெற்கு நுழைவாயில்
Southern Integrated Gateway
ஒருங்கிணைந்த தெற்கு நுழைவாயில்; Southern Integrated Gateway
பொதுவான தகவல்கள்
வகை	எல்லைக் கட்டுப்பாடு
இடம்	ஜொகூர் பாரு, ஜொகூர், மலேசியா
ஆள்கூற்று	1°27′49″N 103°45′51″E / 1.46361°N 103.76417°E
அடிக்கல் நாட்டுதல்	14 பெப்ரவரி 2003; 22 ஆண்டுகள் முன்னர்
கட்டுமான ஆரம்பம்	2 திசம்பர் 2003; 21 ஆண்டுகள் முன்னர்
திறக்கப்பட்டது	16 திசம்பர் 2008; 16 ஆண்டுகள் முன்னர்

ஒருங்கிணைந்த தெற்கு நுழைவாயில் (மலாய்: Gerbang Selatan Bersepadu; ஆங்கிலம்: Southern Integrated Gateway (SIG); என்பது மலேசியா, ஜொகூர், ஜொகூர் பாரு, புக்கிட் சாகர் பகுதியில் அமைந்துள்ள போக்குவரத்து வளாகத்தைக் குறிப்பிடுவதாகும். இந்த வளாகம் ஜொகூர் பாரு நகரின் ஜொகூர் பாரு சென்ட்ரல் தொடருந்து நிலையம்; மற்றும் சுல்தான் இசுகந்தர் சுங்கம், குடி நுழைவு மற்றும் தனிமைப் படுத்துதல் வளாகம்; சுல்தான் இசுகந்தர் கட்டிடம் ஆகியவற்றை உள்ளடக்கியது.^[1]

ஜொகூர் சுல்தான் இப்ராகிம் இசுகந்தர் அவர்களின் பெயரில் இந்த வளாகத்திற்குப் பெயரிடப்பட்டது. ஜொகூர் பாரு சென்ட்ரல் நிலையமும்; சுல்தான் இசுகந்தர் கட்டிட வளாகமும்; ஜொகூர் பாரு மற்றும் தெற்கு தீபகற்ப மலேசியாவின் முக்கிய போக்குவரத்து மையமாக விளங்குகின்றன.^[2]

பொது

ஒருங்கிணைந்த தெற்கு நுழைவாயில் திட்டம் என்பது இசுகந்தர் மலேசியா மேம்பாட்டுத் திட்டத்தின் ஒரு பகுதியாகும். இந்தத் திட்டத்தின் வடிவமைப்பு மற்றும் கட்டுமானத்திற்கு மலேசிய பொதுப்பணித் துறை பொறுப்பேற்றது.^[3]

சுல்தான் இசுகந்தர் சுங்கம், குடி நுழைவு மற்றும் தனிமைப் படுத்துதல் வளாகம் (Customs Immigration Quarantine Complex) வளாகம் 16 டிசம்பர் 2008-ஆம் தேதி, வாகனங்களின் போக்குவரத்திற்காகத் திறக்கப்பட்டது.

அக்டோபர் 2010-இல் ஜொகூர் பாரு சென்ட்ரல் தொடருந்து நிலையத்தின் செயல்பாட்டுச் சேவைகள் இணைக்கப்பட்டன. அத்துடன் பழைய ஜொகூர் பாரு தொடருந்து நிலையத்தின் சேவைகளும் நிறுத்தப்பட்டன.