பாசிர் கூடாங்-பெர்மாஸ் ஜெயா நெடுஞ்சாலை அல்லது மலேசிய கூட்டரசு சாலை 35 (ஆங்கிலம்: Malaysia Federal Route 35; அல்லது Permas Jaya-Pasir Gudang Highway); மலாய்: Laluan Persekutuan Malaysia 35 அல்லது Lebuhraya Permas Jaya-Pasir Gudang) என்பது மலேசியா, ஜொகூர், ஜொகூர் பாரு மாநகரத்தில் உள்ள ஒரு முக்கியமான நெடுஞ்சாலை ஆகும். [1]
இந்தச் சாலை ஒரு கட்டணமில்லா நெடுஞ்சாலை; மற்றும் இசுகந்தர் மலேசியா(Iskandar Malaysia) திட்டத்தின் ஒரு பகுதியாகும்.
பண்டார் பாரு பெர்மாஸ் ஜெயா (Bandar Baru Permas Jaya) மற்றும் தாமான் ரிந்திங் (Taman Rinting) வழியாகச் செல்லும் இந்த 13.4 கிமீ (8.3 மைல்) நெடுஞ்சாலை, ஜொகூர் பாரு மாநகரின் மையத்தில் உள்ள பாக்கார் பத்து புறநகர்ப் பகுதியை பாசிர் கூடாங் நகரத்துடன் இணைக்கிறது.
பொது
பாசிர் கூடாங்-பெர்மாஸ் ஜெயா நெடுஞ்சாலை, பெர்மாஸ் ஜெயா பாலம் வழியாகவும் செல்கிறது; மற்றும் பாசிர் கூடாங்கிற்கான மாற்று வழியாகவும் அமைகிறது.
பாசிர் கூடாங் நெடுஞ்சாலை(Pasir Gudang Highway),இரண்டாவது இணைப்பு விரைவுச்சாலையின்(Second Link Expressway) பொந்தியான்-ஜொகூர் பாரு இணைப்பு (Pontian–Johor Bahru Link); மற்றும் செனாய்-தெசாரு விரைவுச்சாலைக்குப் (Senai–Desaru Expressway) பிறகு, இசுகந்தர் மலேசியா பகுதியில் நான்காவது கிழக்கு-மேற்கு விரைவுச்சாலை ஆகும்.
இந்தச் சாலையின் கிலோமீட்டர் 0; ஜொகூர் பாரு மாநகரத்தின் பாக்கார் பத்து பகுதியில் தொடங்குகிறது. ஜொகூர் பாரு கிழக்கு கடற்கரை பார்க்வே (Johor Bahru East Coast Parkway) எனும் பெயரில் இருந்த இந்த நெடுஞ்சாலை, 2014-ஆம் ஆண்டில், மலேசிய கூட்டரசு சாலை 35 என மலேசிய பொதுப்பணித் துறையினால் உறுதி செய்யப்பட்டு மலேசிய அரசிதழில் வெளியிடப்பட்டது.
சாலைத் தரம்
இந்த நெடுஞ்சாலையின் பெரும்பாலான பகுதி, ஜேகேஆர் R5(JKR R5) சாலைத் தரத்தின் கீழ் அமைக்கப்பட்டுள்ளது.
மேலும் அதிகபட்ச வேக வரம்பு 90 கி.மீ. (56 மைல்) வரை அனுமதிக்கப் படுகிறது. அத்துடன், சில பிரிவுகளில் விசையுந்து பாதைகளும் உள்ளன.[2]
விளக்கம்
மலேசிய கூட்டரசு சாலை (ஆங்கிலம்: Malaysia Federal Route; மலாய்: Laluan Persekutuan Malaysia)
மலேசிய நெடுஞ்சாலை: (ஆங்கிலம்: Malaysian Highway;மலாய்: Laluan Malaysia)
மலேசிய விரைவுச்சாலை: (ஆங்கிலம்: Malaysian Expressway;மலாய்: Lebuhraya Malaysia)
