ஜொகூர் பாரு கிழக்கு இணைப்பு நெடுஞ்சாலை

மலேசிய கூட்டரசு சாலை 38 ; Malaysia Federal Route 38 ; Laluan Persekutuan Malaysia 38
	ஜொகூர் பாரு கிழக்கு இணைப்பு நெடுஞ்சாலை; Johor Bahru Eastern Dispersal Link Expressway ; Lebuhraya Penyebaran Timur Johor Bahru
வழித்தடத் தகவல்கள்
	AH2- இன் பகுதி
	பராமரிப்பு மலேசிய பொதுப்பணித் துறை
நீளம்:	8.1 km (5.0 mi)
பயன்பாட்டு; காலம்:	2007 –
வரலாறு:	கட்டுமானம் 2012
முக்கிய சந்திப்புகள்
வடக்கு முடிவு:	மலேசிய தெற்கு வழித்தடம்; பாண்டான் ஜெயா, ஜொகூர்
	தெப்ராவ் நெடுஞ்சாலை; ஜொகூர் பாரு கிழக்கு கடற்கரை நெடுஞ்சாலை; J5 ஜொகூர் பாரு கிழக்கு கடற்கரை நெடுஞ்சாலை; ஜொகூர் பாரு உள்வட்டச் சாலை
தெற்கு முடிவு:	புக்கிட் தீமா விரைவுச்சாலை மலேசியா-சிங்கப்பூர் தரைப்பாலம்
அமைவிடம்
முதன்மை; இலக்குகள்:	பெர்மாஸ் ஜெயா, கம்போங் பாக்கார் பத்து, பாசிர் பெலாங்கி, இசுதுலாங்
நெடுஞ்சாலை அமைப்பு
	மலேசிய நெடுஞ்சாலைகள்; விரைவுச் சாலை; கூட்டரசு; மாநிலம்;

ஜொகூர் பாரு கிழக்கு இணைப்பு நெடுஞ்சாலை அல்லது மலேசிய கூட்டரசு சாலை 38 (ஆங்கிலம்: Malaysia Federal Route 38; அல்லது Johor Bahru Eastern Dispersal Link Expressway); மலாய்: Laluan Persekutuan Malaysia 38 அல்லது Lebuhraya Penyebaran Timur Johor Bahru) என்பது மலேசியா, ஜொகூர், ஜொகூர் பாரு மாநகரத்தில் உருவாக்கப்பட்ட மிக நவீன நெடுஞ்சாலை ஆகும்.^[1]

ஜொகூர் பாரு கிழக்கு இணைப்பு நெடுஞ்சாலை என்பது 8.1 கிலோமீட்டர் (5.0-மைல்) நீளம் கொண்ட அதிவேக நெடுஞ்சாலை என அறியப்படுகிறது.

இந்தச் சாலை, மலேசிய வடக்கு-தெற்கு விரைவுச்சாலை, தெற்கு வழித்தடத்தின் இறுதிக் கட்டத்தில் பாண்டான் நகர மையத்தில் உள்ள மலேசியா-சிங்கப்பூர் தரைப்பாலத்துடன் இணைகிறது.

பொது

சிங்கப்பூருக்குள் எல்லை தாண்டிச் செல்லும் வாகனப் போக்குவரத்துகள், ஜொகூர் பாரு நகர மையத்தை எளிதாகக் கடந்து செல்லவும்; தெப்ராவ் நெடுஞ்சாலையில் (Johor Bahru–Kota Tinggi Highway) நெரிசலைக் குறைக்கவும் இந்த அதிவேக நெடுஞ்சாலை கட்டப்பட்டது.^[2]

இந்த அதிவேக நெடுஞ்சாலையின் கட்டுமானச் செலவு ரிங்கிட் RM 1 பில்லியன் ஆகும்.^[3]

ஒன்பதாவது மலேசியா திட்டம்

இந்தச் சாலையின் கிலோமீட்டர் 0; மலேசியா-சிங்கப்பூர் எல்லையில் சுல்தான் இசுகந்தர் கட்டிடத்திற்கு முன்; ஜொகூர் பாரு சுங்கம், குடியேற்றம் மற்றும் தனிமைப் படுத்துதல் (Customs, Immigration and Quarantine (CIQ) Complex) வளாகத்திற்கு அடுத்ததாக அமைந்துள்ளது.

2004-ஆம் ஆண்டில், ஒன்பதாவது மலேசியா திட்டத்தின் (Ninth Malaysia Plan) (2006-2010) கீழ், ஜொகூர் பாரு கிழக்குப் பரவல் இணைப்பின் (Johor Bahru Eastern Dispersal Link) கட்டுமானம் முன்மொழியப்பட்டது.

ஜொகூர் பாரு கிழக்கு இணைப்பு நெடுஞ்சாலையின் கட்டுமானம் 1 அக்டோபர் 2007-இல் தொடங்கி; 20 மார்ச் 2012-இல் நிறைவடைந்தது. 1 ஏப்ரல் 2012 அன்று, நெடுஞ்சாலை பொதுமக்களுக்கு திறக்கப்பட்டது.^[4]

விளக்கம்

மலேசிய கூட்டரசு சாலை (ஆங்கிலம்: Malaysia Federal Route; மலாய்: Laluan Persekutuan Malaysia)
மலேசிய நெடுஞ்சாலை: (ஆங்கிலம்: Malaysian Highway; மலாய்: Laluan Malaysia)
மலேசிய விரைவுச்சாலை: (ஆங்கிலம்: Malaysian Expressway; மலாய்: Lebuhraya Malaysia)