காளி ஆறு (கர்நாடகம்)
காளி ஆறு (Kali River) என்பது இந்தியாவின் கர்நாடக மாநிலத்தின் வடகன்னட மாவட்டத்தில் பாயும் ஒரு ஆறாகும். இது வட கன்னட மாவட்டத்தில் உள்ள குசாவலி என்ற சிறிய கிராமத்திற்கு அருகில் உற்பத்தியாகிறது. இந்த ஆறு வட கன்னட மாவட்டத்தில் சுமார் 400,000 மக்களுக்கு வாழ்வாதாரமாக உள்ளது. மேலும், கார்வார் கடற்கரையில் உள்ள மீனவர்கள் உட்பட பல்லாயிரக்கணக்கான மக்களின் வாழ்வாதாரத்தை ஆதரிக்கிறது. இந்த ஆற்றின் குறுக்கே மின்சாரம் உற்பத்திக்காக ஏராளமான அணைகள் கட்டப்பட்டுள்ளன. கணேஷ்குடியில் உள்ள சுபா அணை காளி ஆற்றின் குறுக்கே கட்டப்பட்டுள்ள அணைகளில் முக்கியமான ஒன்றாகும். ஆறு அரபிக்கடலில் சேர்வதற்கு முன் 184 கிலோமீட்டர்கள் ஓடுகிறது. குறிப்பிடத்தக்க மற்றும் அழகிய, சதாசிவ படித்துறை கோட்டை இப்போது ஒரு பிரபலமான சுற்றுலா தலமாக உள்ளது. இது காளி ஆற்றுப் பாலத்தின் அருகே கடற்கரை நெடுஞ்சாலையில் அமைந்துள்ளது, இது ஆறு மற்றும் அரபிக்கடலின் சங்கமத்திற்கு மேலே கட்டப்பட்டுள்ளது.  தேசிய நெடுஞ்சாலை தேசிய நெடுஞ்சாலை 17 காளி ஆற்றின் மீது கட்டப்பட்ட காளி பாலத்தில் தொடர்கிறது. மேலும் சாலையானது சதாசிவ படித்துறை பாறை மலையைப் பிளந்து கர்நாடகாவை கோவாவுடன் இணைக்கிறது. ஆகஸ்ட் 2019 இல், இப்பகுதியில் அதிக மழை பெய்ததால், ஏற்பட்ட வெள்ளம் காரணமாக சொத்துக்கள் மற்றும் கால்நடைகள் இழப்பு ஏற்பட்டது. பலர் தங்கள் வீடுகளை இழந்து அரசு வழங்கும் மறுவாழ்வு முகாம்களுக்கு சென்றனர். தோற்றம்காளி ஆறு ஜோய்டா வட்டத்தின் குசாவலி கிராமத்திற்கு அருகில்உற்பத்தியாகிறது. 2011 மக்கள்தொகைக் கணக்கெடுப்பு கிராமக் குறியீடு 602664 என்பதாகும். மேற்குத் தொடர்ச்சி மலையில் கிழக்கு நோக்கிப் பாய்ந்து சுபா அணை நீர்த்தேக்கத்தில் இடமிருந்து (வடக்கில்) இருந்து பாண்டிரி ஆற்றுடன் இணைகிறது. குரண்டி அருகே உள்ள சுபா அணையில் இருந்து வெளியேறி கிழக்கே தண்தேலியை நோக்கி பாய்கிறது.[1] தாந்தேலிக்கு தெற்கே கடந்து, காளி ஆறு தென்கிழக்கே பொம்மனநல்லி நீர்த்தேக்கத்தில் சேருகிறது.[2] [3] காத்ராவிலிருந்து, காளி சதுப்பு நிலம் வழியாக மேற்கு நோக்கிப் பாய்ந்து கார்வார் நகருக்கு அருகில் அரபிக்கடலில் இணைகிறது. இந்த நதி முழுக்க முழுக்க வடகன்னட மாவட்டத்தில் பாய்கிறது.
மாசுபாடும் சூழலியலும்தொழிற்சாலைகள் மற்றும் சுபா அணை பகுதியில் சட்டவிரோத மணற்கொள்ளை மூலம் ஆற்றில் நேரடியாக சுத்திகரிக்கப்பட்ட கழிவுகள் ஆற்றின் சுற்றுச்சூழலுக்கு கடுமையான இடையூறுகளை ஏற்படுத்தியது. சட்டவிரோத மணற்கொள்ளையினால் ஏற்படும் மாசுபாட்டைக் கட்டுப்படுத்தும் அரசின் உத்தி, தூய்மையான ஆற்றை உருவாக்கியுள்ளது உருவாக்கியுள்ளது. [4] இங்கிருக்கும் ஒரு காகித ஆலையின் கழிவுகள் முதலைகளை அன்ஷி தேசியப் பூங்காவிற்குள் இழுத்துச் சென்றன. [5] அதன் முகத்துவாரத்திற்கு அருகில் உள்ள இரசாயன மற்றும் பெட்ரோலிய நிறுவனங்கள் பல தசாப்தங்களாக பாதரசம் உள்ளிட்ட நச்சுக் கழிவுகளை காளி ஆற்றில் கலந்து வருகின்றன. தொலைக்காட்சியில்
இதனையும் பார்க்கவும்
சான்றுகள்
வெளி இணைப்புகள் |
||||||||||||||||||||||||||||||||
Portal di Ensiklopedia Dunia
