சமுனாமரத்தூர்

இந்தக் கட்டுரையில் மேற்கோள்கள் அல்லது உசாத்துணைகள் எதுவும் இல்லை. நடுநிலையான மேற்கோள்கள் அல்லது உசாத்துணைகளைக் கொடுத்து இந்தக் கட்டுரையை மேம்படுத்த நீங்களும் உதவலாம். உசாத்துணைகள் இல்லாத கட்டுரைகள் விக்கிப்பீடியாவிலிருந்து நீக்கப்படலாம்.

சமுனாமரத்தூர்
மலைவாழிடம்
சமுனாமரத்தூர் தமிழ்நாட்டில் அமைவிடம்
ஆள்கூறுகள்: 12°35′50.3″N 78°53′16.1″E / 12.597306°N 78.887806°E / 12.597306; 78.887806
நாடு	இந்தியா
மாநிலம்	தமிழ்நாடு
மாவட்டம்	திருவண்ணாமலை
ஏற்றம்	780 m (2,560 ft)
மக்கள்தொகை  (2001)
• மொத்தம்	9,861
மொழிகள்
• அதிகாரப்பூர்வமாக	தமிழ்
நேர வலயம்	ஒசநே+5:30 (இந்திய சீர் நேரம்)
தொலைபேசி குறியீடு	04181

சமுனாமரத்தூர் (Jamunamarathoor) என்பது தென்னிந்தியாவின், தமிழ்நாட்டின் சவ்வாது மலையில் இருக்கும் புகழ் பெற்ற ஊராகும். இது ஜவ்வாது மலையின் முக்கிய சந்தைப் பகுதியும், மக்கள் கூடும் இடமும் ஆகும்.

சமுனாமரத்தூர் மாவட்ட தலைமையிடமான திருவண்ணாமலையிலிருந்து 76 கி.மீ. தொலைவிலும், போளூரிலிருந்து 44 கி.மீ. தொலைவிலும், ஆரணியிலிருந்து 68 கி.மீ. தொலைவிலும், செங்கத்திலிருந்து 48 கி.மீ. தொலைவிலும், கலசப்பாக்கத்திலிருந்து 52 கி.மீ. தொலைவிலும், வேலூரிலிருந்து 83 கி.மீ. தொலைவிலும், திருப்பத்தூரிலிருந்து 53 கி.மீ. தொலைவிலும், வாணியம்பாடியிலிருந்து 40 கி.மீ. தொலைவிலும் அமைந்துள்ளது.

சமுனாமரத்தூர் நகரம் கலசப்பாக்கம் (சட்டமன்றத் தொகுதி)க்கும், திருவண்ணாமலை மக்களவைத் தொகுதிகற்கும் உட்பட்டதாகும். இந்த நகரம் கோவிலூர் ஊராட்சியின் மூலம் நிர்வகிக்கப்படுகிறது.

திருவண்ணாமலை மாவட்டத்தில் உள்ள 12 வட்டங்களில் சமுனாமரத்தூர் வட்டமும் ஒன்றாகும். 2016 ஆம் ஆண்டு போளூர் வட்டத்தின் மேற்குப் பகுதிகளையும், செங்கம் வட்டத்தின் வடக்கு பகுதிகளையும் கொண்டு இந்த வட்டம் உருவாக்கப்பட்டது. இந்த வட்டம் 42 வருவாய் கிராமங்களையும், 47,271 மக்கள்தொகையும் கொண்டது. இந்த வட்டத்தில் சமுனாமரத்தூர் மற்றும் சவ்வாது மலை ஊராட்சி ஒன்றியம் ஆகியவை அமைந்துள்ளது. இது ஆரணி வருவாய் கோட்டத்தின் கீழ் உள்ள வருவாய் வட்டமாகும்.

சமுனாமரத்தூரில் சாலை வசதிகள் பொறுத்த வரை மலைகளின் நடுவே வலைப் பின்னலாக அமைந்துள்ளது.

• சமுனாமரத்தூர் - அமிர்தி சாலை
• சமுனாமரத்தூர் - அமிர்தி-கீழ்அரசம்பட்டு- கண்ணமங்கலம் சாலை
• சமுனாமரத்தூர் - அமிர்தி-கீழ்அரசம்பட்டு-கணியம்பாடி-வேலூர் சாலை
• ஆரணி - போளூர் - சமுனாமரத்தூர் சாலை
• திருவண்ணாமலை - போளூர் - சமுனாமரத்தூர் சாலை
• செங்கம் - சமுனாமரத்தூர் சாலை
• சமுனாமரத்தூர் - ஆலங்காயம் - வாணியம்பாடி சாலை
• திருப்பத்தூர் - ஆலங்காயம் - சமுனாமரத்தூர் சாலை
• சமுனாமரத்தூர் - ஆலங்காயம் - ஒடுகத்தூர் - அணைக்கட்டு - வேலூர் சாலை

ஆகிய முக்கிய சாலைகள் சமுனாமரத்தூர் நகரை இணைக்கிறது.

சமுனாமரத்தூர் நகரில் போக்குவரத்து நிர்வாக வசதிக்காக பேருந்து நிலையம் அமைக்கப்பட்டுள்ளது.

சென்னை, வேலூர், திருவண்ணாமலை, ஆலங்காயம், திருப்பத்தூர், போளூர், ஆம்பூர், வாணியம்பாடி, கலசப்பாக்கம் ஆகிய நகரங்களில் இருந்து நேரடியாக பேருந்து சேவைகள் உள்ளன.

2001 ஆம் ஆண்டு கணக்கெடுப்பின்படி இங்கு 6,000 மக்கள் வாழ்கிறார்கள். இது சவ்வாது மலை ஊராட்சி ஒன்றியத்தின் தலைமையகம் ஆகும்.