புக்கிட் பக்ரி

புக்கிட் பக்ரி
புக்கிட் பக்ரி
	Bukit Bakri
	ஜொகூர்
	மூவார் - யோங் பெங் சாலை
	ஆள்கூறுகள்: 2°03′N 102°40′E / 2.050°N 102.667°E
நாடு	மலேசியா
மாநிலம்	ஜொகூர்
மாவட்டம்	மூவார் மாவட்டம்
அரசு
• வகை	மலேசிய உள்ளாட்சி மன்றங்கள்
• நிர்வாகம்	மூவார் நகராட்சி
மக்கள்தொகை (2022)
• மொத்தம்	30,280
நேர வலயம்	மலேசிய நேரம் ஒ.ச.நே + 08:00
அஞ்சல் குறியீடு	84200
தொலைபேசி எண்	+6-07
போக்குவரத்துப் பதிவெண்	J

பக்ரி அல்லது புக்கிட் பக்ரி (மலாய்; ஆங்கிலம்: Bakri அல்லது Bukit Bakri; சீனம்: 巴口); என்பது மலேசியா, ஜொகூர், மூவார் மாவட்டத்தில் அமைந்துள்ள ஒரு சிறிய நகரம் ஆகும். மலேசியக் கூட்டரசு சாலை 24-இல் அமைந்துள்ள இந்த நகரம், மூவார் நகரத்திலிருந்து கிழக்கே பத்து கிலோமீட்டர் தொலைவில் உள்ளது.^[1] இந்த நகரத்தின் பழைய பெயர் கம்போங் ஜாவா. 1980-ஆம் ஆண்டுகளில் புக்கிட் பக்ரி என்று மாற்றம் செய்யப்பட்டது.^[2]

மலேசியக் கூட்டரசு சாலை 24, பக்ரி நகரத்தை பண்டார் மகாராணி நகர மையத்தை இணைக்கும் முக்கிய சாலையாகும். 'பக்ரி' என்ற பெயர் ஜொகூர் சுல்தான் அபு பக்காரின் (Sultan Abu Bakar of Johor) பெயரிலிருந்து பெறப்பட்டதாக நம்பப்படுகிறது.

பொது

பக்ரி நகரில் பல முசுலீம், சீன, இந்து மற்றும் கிறித்தவ கல்லறைகள் உள்ளன. அவற்றில் இரண்டாம் உலகப் போரின் சப்பானிய போர் கல்லறையும் உள்ளது. பக்ரி சுற்றுப்புறக் கிராமப் பகுதிகளில் நடந்த மூவார் போரில் 700-க்கும் மேற்பட்ட சப்பானிய போர் வீரர்கள் வீழ்த்தப்பட்டார்கள். அவர்களுக்காக சப்பானிய போர் கல்லறை பக்ரி நகரில் கட்டப்பட்டு உள்ளது.

இங்கு சீனர்கள் அதிகமாக வாழ்கின்றனர். மேலும் இங்கு ஒரு சீனர்க் கோயில் உள்ளது. டு பூ டா ரென் (Du Fu Da Ren) எனும் சீனர்களின் தெய்வத்திற்கு அர்ப்பணிக்கப்பட்ட அந்தக் கோயில், சியாங் காங் சான் கோயில் என்று அழைக்கப்படுகிறது.^[3]