புரட்சித் தலைவர் டாக்டர் எம். ஜி. ஆர். பேருந்து நிலையம், ஆரணி

புரட்சித் தலைவர் டாக்டர் எம்.ஜி.ஆர். பேருந்து நிலையம் (Puratchi Thalaivar Dr.MGR Bus Terminus) (அல்லது) ஆரணி பழைய பேருந்து நிலையம் (Arani Old Bus stand Terminus) தமிழ் நாட்டின் உள்ள பேருந்து நிலையம் ஆகும். ஆரணி நகரின் முதன்மையான பேருந்து நிலையம் மற்றும் திருவண்ணாமலை மாவட்டத்தில் இந்தப் பேருந்து நிலையமானது மூன்றாவது பெரிய பேருந்து நிலையமாகும். இது ஆரணி, திருவண்ணாமலை நகரின் மையப்பகுதியில் சத்திய மூர்த்தி சாலையில் அமைந்துள்ளது. இந்தப் பேருந்து நிலையத்தை ஆரணி நகராட்சி நிர்வாகம் தூய்மைப்படுத்தி வருகிறது.

• தமிழகத்தின் தலைநகரான சென்னைக்கு (தடம் எண் - 202) 10 நிமிடங்களுக்கு ஒரு பேருந்து இயக்கப்படுகிறது. இவற்றில் (தடம் எண் - 202UD) UD(ULTRA DELUXE) எனப்படும் சொகுசு பேருந்துகள், விரைவு பேருந்து சேவைகளும் மற்றும் இடைநில்லா பேருந்து எனப்படும் அதிவிரைவு பேருந்து சேவைகளும் இயக்கப்படுகிறது.

• அதுமட்டுமில்லாமல் சென்னையின் வளர்ச்சிப்பெற்ற உள் நகரான தியாகராயநகர், அடையாறு, தாம்பரம், பூவிருந்தவல்லி ஆகிய இடங்களுக்கும் பேருந்து சேவைகள் இயக்கப்படுகிறது.

• வேலூர், ஆற்காடு, காஞ்சிபுரம், செய்யாறு, இராணிப்பேட்டை, வாலாஜா, கண்ணமங்கலம் ஆகிய நகரங்களுக்கு 5 லிருந்து 10 நிமிடத்திற்கு ஒரு பேருந்து சேவைகள் இயக்கப்படுகிறது.

• வெம்பாக்கம், திருத்தணி, திருப்பதி, பெங்களூரு, கிருஷ்ணகிரி, ஓசூர், திருப்பத்தூர், கலவை, குடியாத்தம், ஆகிய ஊர்களுக்கு ஒரு மணி நேரத்திற்கு ஒரு முறை பேருந்து சேவைகள் இயக்கப்படுகிறது.

• அரக்கோணம், திருவள்ளூர், காளஹஸ்தி, சித்தூர் ஆகிய ஊர்களுக்கு குறிப்பிட்ட நேரத்தில் பேருந்து சேவைகள் இயக்கப்படுகிறது.

• ஆதனூர், முள்ளண்டிரம், குன்னத்தூர், பொன்னம்பலம், வாழைப்பந்தல், லாடவரம், விளாப்பாக்கம், பூசிமலைக்குப்பம், நஞ்சுகொண்டாபுரம், அமிர்தி, ரெட்டிப்பாளையம், காளசமுத்திரம், வாழியூர், சிறுமூர், அய்யம்பாளையம், திமிரி, ஒண்ணுபுரம், மட்டதாரி ஆகிய கிராமப்புற ஊர்களுக்கு நகரப் பேருந்துகள் மூலம் பேருந்து சேவைகள் உள்ளது.

1. ↑ "Tamil Nadu State Transport Corporation".