வாலாசாபேட்டை

வாலாசாபேட்டை (இரண்டாம் நிலை நகராட்சி)
வாலாசாபேட்டை அமைவிடம்: வாலாசாபேட்டை, தமிழ்நாடு , இந்தியா
ஆள்கூறு	12°55′31″N 79°21′51″E / 12.9254°N 79.3641°E / 12.9254; 79.3641
நாடு	இந்தியா
மாநிலம்	தமிழ்நாடு
மாவட்டம்	இராணிப்பேட்டை
வட்டம்	வாலாஜாபேட்டை
ஆளுநர்	ஆர். என். ரவி[1]
முதலமைச்சர்	மு. க. ஸ்டாலின்[2]
மாவட்ட ஆட்சியர்	ஜெ. யூ. சந்திரகலா, இ. ஆ. ப
நகராட்சி தலைவர்
மக்கள் தொகை	47,498 (2011[update])
நேர வலயம்	இந்திய சீர் நேரம் (ஒ.ச.நே + 05:30)
பரப்பளவு • உயரம்	• 184.7 மீட்டர்கள் (606 அடி)
இணையதளம்	https://ranipet.nic.in

வாலாசாபேட்டை அல்லது வாலாஜாபேட்டை (ஆங்கிலம்: Walajapet) இந்தியாவின் தமிழ்நாடு மாநிலத்தில் உள்ள வேலூர் மாவட்டப் பகுதிகளைக் கொண்டு 28 நவம்பர் 2019 அன்று புதிதாக நிறுவப்பட்ட இராணிப்பேட்டை மாவட்டத்தின் 4 வட்டங்களில் ஒன்றாகும். வாலாஜா வட்டம் மற்றும் வாலாஜாபேட்டை ஊராட்சி ஒன்றியம் ஆகியவற்றின் நிர்வாகத் தலைமையிட நகரமும், நகராட்சியும் ஆகும். வாலாஜாபேட்டை நகரம் முந்தைய வட ஆற்காடு மாவட்டத்தில் ஒரு பகுதியாக இருந்தது.

வாலாஜாப்பேட்டையிலிருந்து சென்னை 107 கி.மீ.; வேலூர் 30 கி.மீ.; அரக்கோணம் 50 கி.மீ.; காஞ்சிபுரம் 40 கி.மீ., வேலூர் 90 கி.மீ. மற்றும் ஆரணி 35 கி.மீ. தொலைவில் உள்ளது.

இவ்வூரின் அமைவிடம் 12°55′31″N 79°21′51″E / 12.9254°N 79.3641°E / 12.9254; 79.3641 ஆகும்.^[3] கடல் மட்டத்தில் இருந்து இவ்வூர் சராசரியாக 184.7 மீட்டர்கள் (606 அடி) உயரத்தில் இருக்கின்றது.

2011-ஆம் ஆண்டு மக்கள் தொகை கணக்கெடுப்பின்படி, 25 நகராட்சி மன்ற உறுப்பினர்களையும், 11,289 குடும்பங்களையும் கொண்ட இந்நகரத்தின் மக்கள்தொகை 47,498 ஆகும். இந்நகரத்தின் எழுத்தறிவு 84.6% மற்றும் பாலின விகிதம் 1000 ஆண்களுக்கு 1,028 பெண்கள் வீதம் உள்ளனர். 6 வயதிற்குட்பட்ட குழந்தைகளின் எண்ணிக்கை 4940 ஆகவுள்ளது. குழந்தைகள் பாலின விகிதம், 1000 ஆண் குழந்தைகளுக்கு, 916 பெண் குழந்தைகள் வீதம் உள்ளனர். பட்டியல் சமூகத்தினரும், பட்டியல் பழங்குடியினரும் முறையே 7,027 மற்றும் 102 ஆகவுள்ளனர். மக்கள்தொகையில் இந்துக்கள் 86.2%, இசுலாமியர்கள் 12.26%, கிறித்தவர்கள் 1.21% , தமிழ்ச் சமணர்கள் 011%, பிறர் 0.21% ஆகவுள்ளனர்.^[4]

• வேங்கடரமண பாகவதர்

1. ↑ "தமிழக ஆளுநர் பற்றிய குறிப்பு". tn.gov.in. தமிழ்நாடு அரசு. 2015. Retrieved நவம்பர் 3, 2015.
2. ↑ "தமிழக முதலமைச்சர் பற்றிய குறிப்பு". tn.gov.in. தமிழ்நாடு அரசு. Retrieved நவம்பர் 3, 2015.
3. ↑ "Walajapet". Falling Rain Genomics, Inc. Retrieved ஜனவரி 30, 2007. {{cite web}}: Check date values in: |accessdate= (help)
4. ↑ வாலாஜாப்பேட்டை நகர மக்கள்தொகை பரம்பல்