மார்ச் 2015

மார்ச் 2015 (March 2015), 2015 ஆம் ஆண்டின் மூன்றாவது மாதமாகும். இம்மாதம் ஒரு ஞாயிற்றுக்கிழமை ஆரம்பித்து 31 நாட்களின் பின்னர் ஒரு செவ்வாய்க்கிழமை முடிவடைகிறது. தமிழ் நாட்காட்டியின் படி பங்குனி மாதம் மார்ச் 15, ஞாயிற்றுக்கிழமை தொடங்கி, ஏப்ரல் 13 திங்கட்கிழமை முடிவடைகிறது.

• மார்ச் 4 - மாசி மகம்
• மார்ச் 5 - ஹோலி
• மார்ச் 8 - எறிபத்த நாயனார் குருபூசை
• மார்ச் 19 - தண்டியடிகள் நாயனார் குருபூசை
• மார்ச் 21 - தெலுங்கு புத்தாண்டு
• மார்ச் 25 - நேச நாயனார் குருபூசை
• மார்ச் 27 - கணநாத நாயனார் குருபூசை
• மார்ச் 28 - ராம நவமி
• மார்ச் 29 - முனையடுவார் நாயனார் குருபூசை
• மார்ச் 29 - குருத்தோலை ஞாயிறு

• மார்ச் 31:
  • இலங்கையில் 2006 இல் படுகொலை செய்யப்பட்ட தமிழ்த் தேசியக் கூட்டமைப்பு நாடாளுமன்ற உறுப்பினர் நடராஜா ரவிராஜின் படுகொலை தொடர்பாக கடற்படை அதிகாரி ஒருவரும், முன்னாள் கடற்படையினர் இருவரும் கைது செய்யப்பட்டனர். (பிபிசி)
  • இந்தியாவின் சம்மு காசுமீர் மாநிலத்தில் இடம்பெற்ற நிலச்சரிவுகளில் குறைந்தது 6 பேர் கொல்லப்பட்டனர். (பிபிசி)
  • செருமன்விங்ஸ் விமானம் 9525: விமானத்தின் துணை விமானி மனநோயாளர் என்பது தமக்கு முன்கூட்டியே தெரிந்திருந்தது என லுஃப்தான்சா விமானநிறுவனம் அதிகாரபூர்வமாக அறிவித்தது. (நியூயோர்க் டைம்சு)
  • செருமன் விங்சு விமானத்தின் இறந்த பயணிகளில் ஒருவரின் செல்பேசி காணொளி ஒன்று தமக்குக் கிடைத்திருப்பதாக செருமனி செய்தித்தாள் ஒன்று கூறியுள்ளது. (பிபிசி)
• மார்ச் 30:
  • ஏமனில் சவூதி அரேபியா தலைமையில் இராணுவ முகாம் ஒன்றின் அருகில் அமைந்துள்ள அகதிகள் முகாம் மீது அகதிகள் முகாம் மீது நடத்தப்பட்ட வான் தாக்குதலில் 21 பேர் கொல்லப்பட்டனர். (ராய்ட்டர்சு)
  • பப்புவா நியூ கினியில் 7.7 அளவு நிலநடுக்கம் ஏற்பட்டது. (ஏபி)
  • ஐக்கிய இராச்சியத்தின் நாடாளுமன்றம் கலைக்கப்பட்டு தேர்தல்கள் மே 7 இற்கு அறிவிக்கப்பட்டது. (ராய்ட்டர்சு)
• மார்ச் 29:
  • ஏர் கனடா 624 விமானம் ஹாலிபாக்சு ஸ்டான்ஃபீல்டு பன்னாட்டு விமான நிலைய ஓடுபாதையில் விபத்துக்குள்ளானது. பயணம் செய்த அனைத்து 138 பேரும் உயிர் தப்பினர். 23 பேர் சிறு காயங்களுக்கு உள்ளாயினர். (பிபிசி)
  • சிங்கப்பூரின் முதல் பிரதமர் லீ குவான் யூவின் இறுதி நிகழ்வுகள் இடம்பெற்றன. (ஏபி)
  • 2015 துடுப்பாட்ட உலகக்கிண்ணம்: ஆத்திரேலியா 7 விக்கெட்டுகளால் நியூசிலாந்தை வென்று 5வது தடவையாக உலகக்கிண்ணத்தைப் பெற்றுக் கொண்டது. (ஏபிசி)
• மார்ச் 28:
  • ஏமனில் மூன்றாவது நாளாக சவூதி அரேபியா வான் தாக்குதல்களைத் தொடர்ந்தது. (அல்ஜசீரா)
  • சோமாலியாவில் தலைநகர் மொகதிசுவில் மக்கா அல்-முக்கராமா உணவு விடுதி மீதான தாக்குதலில் இறந்தோரின் எண்ணிக்கை 27 ஆக உயர்ந்தது. (சீஎனென்)
  • நைஜீரியாவில் பொதுத் தேர்தலுக்கான வாக்கெடுப்பு இடம்பெற்றது. (சீஎனென்)
• மார்ச் 27:
  • வங்காளதேசத்தில் லங்கல்பாந்த் என்ற இடத்தில் இந்துக் கோயில் ஒன்றில் இடம்பெற்ற விழாவ்ல் கூட்டநெரிசல் ஏற்பட்டதில் 10 பேர் உயிரிழந்தனர். (பங்க்ளா நியூசு)
  • சோயூஸ் திட்டத்தின் கீழ் ஒரு உருசிய, ஒரு அமெரிக்க விண்ணோடிகள் ஓராண்டு-காலப் பயணமாக அனைத்துலக விண்வெளி நிலையம் நோக்கிச் சென்றனர். (ஏஎஃப்பி)
• மார்ச் 26:
  • ஏமனில் சனா பன்னாட்டு வானூர்தி நிலையம், மற்றும் துலாய்மி இராணுவ வானூர்தி நிலையம் மீது, சவூதி அரேபியாவின் வான் படையினர் நடத்திய தாக்குதல்களில் குறைந்தது 17 பேர் கொல்லப்பட்டனர். (ராய்ட்டர்சு), (அல்ஜசீரா)
  • 500 ஆண்டுகளுக்கு முன்னர் கொல்லப்பட்ட இங்கிலாந்தின் மூன்றாம் ரிச்சர்டு மன்னனின் உடல் எச்சம் மறு அடக்கம் செய்யப்பட்டது. (ஏபிசி),(பிபிசி)
  • வியட்நாமில் சாரம் ஒன்று உடைந்து வீழ்ந்ததில் குறைந்தது 14 பேர் உயிரிழந்தனர். (ஏபி), (ராய்ட்டர்சு)
  • செருமன்விங்ஸ் விமானம் 9525: துணை விமானியே விமானத்தை விமானத்தை மலையில் மோதி விட்டதாக பிரெஞ்சு அதிகாரிகள் முடிவுக்கு வந்தனர். (த கார்டியன்)
• மார்ச் 25:
  • ஏமனில் அரசின் தற்காலிகத் தலைநகரை ஔத்தி போராளிகள் கைப்பற்றியதை அடுத்து அரசுத்தலைவர் அபெது ராபோ மன்சூர் ஹாடி ஏமனில் இருந்து படகு மூலம் வெளியேறினார். (ஏபி)
  • ஏமனில் ஔத்தி போராளிகளின் தளங்கள் மீது சவூதி அரேபியா வான்தாக்குதல்களை ஆரம்பித்தது. (சிபிஎஸ்)
• மார்ச் 24:
  • செருமன்விங்ஸ் விமானம் 9525: பார்செலோனாவில் இருந்து தியூசல்டோர்ஃபு சென்ற செருமனிய விமானம் ஆல்ப்ஸ் மலையில் மோதி விபத்துக்குள்ளானதில் அதில் பயணம் செய்த அனைத்து 150 பேரும் கொல்லப்பட்டனர். (ராய்ட்டர்சு)
  • மத்திய ஆத்திரேலியாவில் 300 மில்லியன் ஆண்டுகளுக்கு முன்னர் மிகப்பெரும் சிறுகோள் ஒன்று பூமியைத் தாக்கிய பகுதி கண்டுபிடிக்கப்பட்டது. (பிபிசி)
  • ஆப்பர்சூனிட்டி தளவுளவி செவ்வாய்க் கோளில் 26.2 மைல்களைக் கடந்து சாதனை படைத்தது. பூமியைத் தவிர்த்து வேறோர் உலகில் இவ்வளவு தூரம் ஒரு வாகனம் சென்றது இதுவே முதல் தடவையாகும். (சீஎனென்)
  • இலங்கை அரசியலமைப்பின் 19வது 19வது திருத்தத்துக்கான முன்வரைவு மசோதாவை பிரதமர் ரணில் விக்கிரமசிங்க நாடாளுமன்றத்தில் சமர்ப்பித்தார். (பிபிசி)
• மார்ச் 23:
  • ஈராக்க்கின் பக்தாத் நகரில் இடம்பெற்ற தொடர் குண்டுவெடிப்புகளில் குறைந்தது 19 பேர் கொல்லப்பட்டனர், 36 பேர் காயமடைந்தனர். (ஏபி)
  • பெருவின் வடக்கே பேருந்து ஒன்று சாலையில் விபத்துக்குள்ளானதில் 37 பேர் உயிரிழந்தனர். (ஏபிசி)
  • 1915-1923 காலப்பகுதியில் உதுமானியப் பேரரசினால் கிரேக்க, அசிரிய இனத்தவர் மீது நடத்தப்பட்ட படுகொலைகள் இனப்படுகொலைகள் என ஆர்மீனியாவின் தேசியப் பேரவை அங்கீகரித்தது. (ஆர்மென்பிரசு)
  • அமெரிக்காவின் யூட்டா மரணதண்டனையை நிறைவேற்ற நச்சு ஊசி கிடைக்காத பட்சத்தில் துப்பாக்கியால் சும் முறையிலான மரணதண்டனையை அங்கீகரித்தது. (சீஎனென்)
  • இலங்கையின் வடக்கே பலாலி பிரதேசத்தில் உள்ள வளலாய் பகுதியில் அதியுயர் பாதுகாப்பு வலயத்திலிருந்து விடுவிக்கப்பட்ட சில காணிகளை உரிமையாளர்களுக்கு கையளிக்கும் வைபவம் அரசுதலைவர் மைத்திரிபால சிறிசேன தலைமையில் இடம்பெற்றது. (தினகரன்)
  • சிஙகப்பூரின் நிறுவனரும் முதல் பிரதமருமான லீ குவான் யூ தனது 91-வது அகவையில் காலமானார். (பிபிசி)
• மார்ச் 22:
  • ஏமனில் சியா ஔத்தீசுப் போராளிகள் டாய்திசு என்ற முக்கிய நகரைக் கைப்பற்றினர். (பிபிசி)
  • 2012 ஆம் ஆண்டில் லெஸ்டர் நகரிக் கண்டெடுக்கப்பட்ட இங்கிலாந்தின் மூன்றாம் ரிச்சர்டு மன்னனின் எச்சங்கள் மார்ச் 26 இல் அடக்கம் செய்யப்படுவதற்காக லெஸ்டர் கதீட்ரலுக்குக் கொண்டு வரப்பட்டது. (பிபிசி)
  • வெனிசுவேலாவில் பேருந்து ஒன்று ஏரி ஒன்றில் வீழ்ந்ததில் 11 பேர் கொல்லப்பட்டனர். (பிபிசி)
  • இலங்கையில் சிறீலங்கா சுதந்திரக் கட்சியைச் சேர்ந்த 26 பேர் தேசிய அரசாங்கத்தில் இணைந்து அனைவரும் அமைச்சுப் பதவிகளையும் பொறுப்பேற்றுக்கொண்டனர். (தினகரன்)
• மார்ச் 21:
  • ஏமனில் பாதுகாப்பு நிலைமைகள் சீர்குலைந்ததை அடுத்து அமெரிக்கப் படையினர் அங்கிருந்த தமது கடைசி 100 சிறப்புப் படையினரை வெளியேற்றினர். (சீஎனென்)
  • அமெரிக்காவின் நியூ யோர்க் மாநிலம், புரூக்ளினில் இடம்பெற்ற தீவிபத்தில் ஏழு குழந்தைகள் உயிரிழந்தனர். (ஏபி)
• மார்ச் 20:
  • சுன்னாகம் நிலத்தடி நீர் மாசடைவு: யாழ்ப்பாணம் சுன்னாகம் நிலத்தடி நீரில் ஆபத்தான நஞ்சு மாசுக்கள் இல்லை என இது தொடர்பாக ஆராய்வதற்காக வட மாகாண சபையால் நியமிக்கப்பட்ட நிபுணர் குழு அறிவித்துள்ளது. (பிபிசி)
  • வடக்கு ஈராக்கில் மூன்று குர்தியருக்கு மரணதண்டனையை நிறைவேற்றிய காணொளியை இசுலாமிய தேசம் வெளியிட்டது. (ராய்ட்டர்சு)
  • ஏமன் தலைநகர் சனாவில் 142 பேர் கொல்லப்பட்ட சியா மசூதிகள் மீதான தற்கொலைத் தாக்குதல்களுக்கு தாமே பொறுப்பு என இசுலாமிய தேசம் அறிவித்தது. (ஏஎஃப்பி)
  • வடக்கு இந்தியாவில் உத்தரப் பிரதேசத்தில் பயணிகள் விரைவித் தொடருந்து ஒன்று விபத்துக்குள்ளானதில் 30 பேர் கொல்லப்பட்டனர், பலர் காயமடைந்தனர். (ஏபி)
  • உருகுவையில் வான்படை விமானம் ஒன்று விபத்துக்குள்ளானதில் 10 பேர் கொல்லப்பட்டனர். (ஏபி)
  • உலகின் வட பகுதிகளில் சூரிய கிரகணம் நிகழ்ந்தது. சம இரவு நாள், பெருமுழுநிலவு இரண்டும் ஒரே நாளில் இடம்பெற்றன. (இன்டெபென்டென்ட்),(பிபிசி)
  • அமெரிக்காவின் உணவு, மருந்து நிருவாகம் மரபணு மாற்றப்பட்ட உருளைக்கிழங்கு, ஆப்பிள்களை அங்கீகரித்தது. (மெர்க்குரி நியூஸ்)
• மார்ச் 19:
  • யாழ்ப்பாணம் ஏழாலை பாடசாலை ஒன்றில் குடிநீர்த் தாங்கி ஒன்றில் இருந்து நஞ்சு கலந்த நீரை அருந்திய 27 மாணவர்கள் மருத்துவமனையில் அனுமதிக்கப்பட்டனர். (தினகரன்)
• மார்ச் 18:
  • துனீசியாவின் பார்டோ தேசிய அருங்காட்சியகத்தில் துப்பாக்கி நபர்கள் சுட்டதில் 17 வெளிநாட்டு சுற்றுலாப் பயணிகள் உட்பட 19 பேர் கொல்லப்பட்டனர். (டெலிகிராப்)
  • அமெரிக்காவின் ஆளில்லா விமானம் ஒன்றை சுட்டு வீழ்த்தியுள்ளதாக சிரியா இராணுவம் அறிவித்தது. (பிபிசி)
  • பாக்கித்தானில் வெவ்வேறு சிறைகளில் அடைக்கப்பட்டிருந்த மேலும் 9 கைதிகள் தூக்கிலிடப்பட்டனர். டிசம்பர் 17 முதல் இன்றுவரை 48 கைதிகளுக்கு தூக்கு தண்டனை நிறைவேற்றப்பட்டுள்ளது. ( இன்டர்நேஷனல் பிசினஸ் டைம்ஸ்),(டெக்கான்)
  • இந்தோனேசியாவில் கடலுக்கடியில் 6.6 அளவு நிலநடுக்கம் ஏற்பட்டதாக அமெரிக்க புவியியல் ஆய்வு மையம் தெரிவித்துள்ளது. (ராய்ட்டர்ஸ்),(சின்குவாநெட்)
• மார்ச் 17:
  • பாக்கித்தானில் பயங்கரவாதம் மற்றும் கொலைக் குற்றத்துக்காக மரண தண்டனை பெற்ற 12 பேருக்கு தண்டனை நிறைவேற்றப்பட்டது. (பிபிசி),(ராய்ட்டர்ஸ்)
  • பிரதமர் பெஞ்சமின் நெத்தனியாகு தலைமையிலான லிக்குட் கட்சி இசுரேலிய நாடாளுமன்றத் தேர்தலில் 120 இடங்களில் 30 இடங்களைக் கைப்பற்றி முதலிடைத்தைப் பெற்றது. (நியூயோக் டைம்சு)
• மார்ச் 16:
  • சப்பானின் தென்பகுதியிலனுள்ள சாகுராஜிமா எரிமலை வெடித்து கற்குழம்பை உமிழ்ந்தது. (டெய்லி மெயில்)
  • நேபாளத்தில் பயணிகள் பேருந்து மலைப் பாதையிலிருந்து உருண்டு விழுந்ததில், அதிலிருந்த 17 பேர் கொல்லப்பட்டனர். (இந்தியன் எக்ஸ்பிரஸ்)
  • நியூசிலாந்தின் கிழக்குக் கரையை சூறாவளி பேம் தாக்கியதில் வெள்ளப்பெருக்கு, மற்றும் பலத்த சேதம் ஏற்பட்டது. (நியூசிலாந்து எரால்டு)
  • வனுவாட்டுவில் சூறாவளியினால் பாடசாலைகள் அனைத்தும் சேதமடைந்துள்ளதாக ஐநா அறிவித்துள்ளது. (ஏபிசி)
  • மலேசியாவின் முன்னாள் எதிர்க்கட்சித் தலைவர் அன்வர் இப்ராகீமின் மகளும் நாடாளுமன்ற உறுப்பினருமான நூருள் இசா அன்வர் ஆட்சிவிரோதக் குற்றச்சாட்டின் பேரில் கைது செய்யப்பட்டார் (ஸ்ட்ரெயிட் டைம்சு)
• மார்ச் 15:
  • பிரேசிலில் சுற்றுலா பேருந்து விபத்துக்குள்ளானதில் 54 பயணிகள் கொல்லப்பட்டனர்.(தி இந்து)
  • நைஜீரியாவில் விவசாயிகள் மீது பழங்குடியினர் நடத்திய தாக்குதலில் 80 பேர் உயிரிழந்தனர்.(தினமணி)
  • லிபியாவின் மேற்கே சிர்ட்டே நகரில் இசுலாமிய தேசத் தீவிரவாதிகளுக்கும், உள்ளூர் ஆயுதக் குழுக்களுக்குமிடையே சண்டை மூண்டது. (பிபிசி)
  • பாக்கித்தான், லாகூர் நகரில் கிறித்தவக் கோவில்கள் இரண்டில் மேற்கொள்ளப்பட்ட தற்கொலைத் தாக்குதல்களில் குறைந்த்து 14 பேர் கொல்லப்பட்டனர், 70 இற்கும் அதிகமானோர் காயமடைந்தனர். (பாக்கித்தான் நியூஸ்)(அல்ஜசீரா)
• மார்ச் 14
  • இங்கிலாந்தின் ஆக்ஸ்போர்ட் பல்கலைக்கழகத்தின் அறிவியலாளர்கள் மனித மூளையின் வலியை உணரச் செய்யும் பகுதியை கண்டுபிடித்து சாதனை படைத்தனர். (தினமணி)
  • இந்தியப் பிரதமர் நரேந்திர மோதி மன்னாருக்குப் பயணம் மேற்கொண்டு தலைமன்னார் வரையான தொடருந்து சேவையை ஆரம்பித்து வைத்தார். (தினகரன்)
  • நரேந்திர மோதி யாழ்ப்பாணத்தில் யாழ்ப்பாண கலாசார நிலையத்திற்கான அடிக்கல் நாட்டினார். மடமாகாண முதல்வர் க. வி. விக்னேசுவரனை சந்தித்து உரையாடினார். யாழ்ப்பாணம் வந்த முதலாவது இந்தியப் பிரதமர் என்ற பெருமையையும் மோதி பெற்றார். (தினகரன்), (பிபிசி)(அல்ஜசீரா)
  • முன்னாள் மாலைதீவுகள் அரசுத்தலைவர் முகம்மது நசீது தீவிரவாதக் குற்றச்சாட்டுகள் சுமத்தப்பட்ட நிலையில் 13 ஆண்டுகள் சிறைத்தண்டனை பெற்றார். (கார்டியன்)
• மார்ச் 13
  • செருமனியில் முஸ்லிம் ஆசிரியைகள் ஹிஜாப் (முகம் தெரியும்படியாக அணியும் முக்காடு) அணிவதற்கு விதிக்கப்பட்டிருந்த தடையை அந்நாட்டின் உயர் அறமன்றம் தள்ளுபடி செய்துள்ளது. (பிபிசி)
  • மியான்மர் தனது எல்லைப்பகுதியில் உள்ள லிங்காங் என்ற சீன நகரில் கிளர்ச்சியாளர்கள் மீது வான் தாக்குதல் நடத்தியதில் நான்கு பேர் கொல்லப்பட்டனர். (ஏபி)
  • தெற்கு பசிபிக் நாடான வனுவாட்டுவில் பேம் சூறாவாளி தாக்கியதில் 40 இற்கும் அதிகமானோர் உயிரிழந்ததாக உறுதிப்படுத்தப்படாத தகவல்கள் தெரிவித்தன. (ஏபிசி)
  • மியான்மரின் ராகினே நகரில் படகு ஒன்று விபத்துக்குள்ளானதில் குறைந்தது 50 கொல்லப்பட்டனர். (ராய்ட்டர்ஸ்)
  • இந்தியப் பிரதமர் நரேந்திர மோதி மூன்று நாள் பயணமாக இலங்கை வந்தார். 28 ஆண்டுகளுக்குப் பின்னர் [[இலங்கை வந்த முதலாவது இந்தியப் பிரதமர் இவராவார். (தினகரன்),(தி ஐலண்டு)(பிபிசி)
• மார்ச் 12
  • 1999-ம் ஆண்டு துண்டிக்கப்பட்ட அமெரிக்கா- கியூபா இடையிலான நேரடி தொலைபேசி சேவை மீண்டும் தொடங்கப்பட்டது.(டெலி கிராப்)
  • வங்கதேசத்தில் சீமைக்காரை ஆலை இடிந்து விழுந்ததில் 4 பேர் உயிரிழந்தனர், 100 பேருக்கு மேல் இடிபாட்டிற்குள் சிக்கிக்கொண்டிருக்கலாம் என அஞ்சப்படுகிறது. (ராய்ட்டர்சு)
  • கென்யா தலைநகர் நைரோபியில் 2013 செப்டம்பரில் பல்பொருள் அங்காடியின் மீது நடத்தப்பட்ட தாக்குதலை திட்டமிட்டதாகக் கருதப்படும் அல் சபாப் தீவிரவாதி அமெரிக்க ஆளில்லா விமானத் தாக்குதல் ஒன்றில் சோமாலியாவில் கொல்லப்பட்டார். (ஏபி)
• மார்ச் 11:
  • பிரான்சில் பேர்கன்டி நகரில் மில்லியன்கள் யூரோக்கள் பெறுமதியான நகைகளைக் கொண்டு சென்ற இரண்டு வாகனங்கள் மீது குறைந்தது 15 ஆயுததாரிகள் தாக்குதல் நடத்தி கடத்திச் சென்றனர். (ஏபி)
• மார்ச் 10:
  • அமெரிக்காவின் புளோரிடா மாநிலத்தில் இராணுவ உலங்கு வானூர்தி ஒன்று விபத்துக்குள்ளானதில் 11 படைத்துறையினர் காணாமல் போயினர். (ஏபி)
  • விக்கிமீடியா நிறுவனம் உட்பட ஒன்பது அமைப்புகள் ஐக்கிய அமெரிக்காவின் பன்னாட்டு ரீதியாக நபர்களைக் கண்காணிக்கும் திட்டத்திற்கு எதிராக தேசிய பாதுகாப்பு முகவர் மற்றும் அமெரிக்க நீதித்துறை மீது மேரிலாந்து மாநிலத்தில் வழக்குத் தொடுத்தன. (என்பிசி)
  • மரணதண்டனைக்கு எதிரான இடைக்காலத் தடைச் சட்டத்தை பாக்கித்தான் திரும்பப் பெற்றுக் கொண்டது. (ஆர்டிடி)
  • இலங்கையில் விடுதலைப் புலிகள் இயக்கத்தை மீண்டும் மீளமைக்க முயற்சி செய்த கோபி என்பவருக்கு ஆதரவு அளித்தார் என்ற குற்றச்சாட்டின் பேரில் பயங்கரவாத தடுப்புச் சட்டத்தின் கீழ் குற்றப் பத்திரிகை எதுவும் தாக்கல் செய்யப்படாமல் 362 நாட்கள் தடுத்து வைக்கப்பட்டிருந்த கிளிநொச்சியைச் சேர்ந்த மனித உரிமை ஆர்வலர் பாலேந்திரன் ஜெயகுமாரி பிணையில் விடுதலை செய்யப்பட்டார். (தினகரன்)
  • இலங்கையில் தமிழ் அரசியல் கைதிகளின் விடுதலையைத் துரிதப்படுத்துவதற்காக சட்டமா அதிபர் குழுவொன்றை நியமித்துள்ளார். (தினகரன்)
• மார்ச் 9:
  • அர்கெந்தீனாவின் வடமேற்கே இரண்டு உலங்கு வானூர்திகள் நடுவானில் மோதிக் கொண்டதில் குறைந்தது 10 பேர் கொல்லப்பட்டனர். இவர்களில் பிரான்சின் ஒலிம்பிக் பதக்கவீரர்களும் அடங்குவர். (ஏபி),(பிபிசி)
  • சூரிய-மின்கலத்தில் இயங்கும் சோலார் இம்பல்சு 2 வானூர்தி உலகை வலம் வர ஆரம்பித்தது. (பிபிசி)
  • பேரரசர் அலெக்சாந்தர் காலத்து 2,300 ஆண்டுகள் பழமையான வெள்ளி நாணயங்கள் இசுரேலின் கலீலி பகுதியில் கண்டுபிடிக்கப்பட்டன. (ராய்ட்டர்சு)
• மார்ச் 8:
  • வடக்கு நைஜீரியாவில் போகோ அராம் தீவிரவாதிகள் மீது நைஜர், சாட் படைகள் தரை, மற்றும் வான் தாக்குதல்களை ஆரம்பித்தனர். (பிபிசி)
  • உருசியாவின் எதிர்க்கட்சித் தலைவர் போரிசு நெம்த்சோவ்வின் படுகொலை தொடர்பாக செச்சினிய நபர்கள் இருவர் கைது செய்யப்பட்டனர். (ஏஎஃப்பி)
• மார்ச் 7:
  • நைஜீரியாவின் வடகிழக்கே மைதுகுரி நகரில் மேற்கொள்ளப்பட்ட ஐந்து தற்கொலைத் தாக்குதல்களில் 54 பேர் கொல்லப்பட்டனர். (ஏபி)
  • மாலியின் பமாக்கோ நகரில் இடம்பெற்ற தாக்குதலில் 5 பேர் கொல்லப்பட்டனர். (சீஎனென்)
  • ஈராக்கில் ஆத்ரா என்ற பண்டைய நகரம் ஒன்றை இசுலாமிய தேசக் கிளர்ச்சியாளர்கள் அழித்தனர். (பிபிசி)
• மார்ச் 6:
  • நாசாவின் டோன் விண்கலம் சிரிசு குறுங்கோளின் சுற்றுவட்டத்தை அடைந்தது. (ஏபி)(ஜேபிஎல்)
• மார்ச் 5:
  • 2012 தில்லி கும்பல்-வல்லுறவுக் கொலையை மையமாக வைத்து தயாரிக்கப்பட்ட இந்தியாவின் மகள் என்ற ஆவணப் படத்தை வெளியிட இந்திய அரசு தடை விதித்தது. (டெய்லிமெயில்),(டைம்சு ஒஃப் இந்தியா)
  • கலிபோர்னியாவில் இரண்டாம் உலகப் போர்-பயிற்சி விமானம் ஒன்று விபத்துக்குள்ளானதில் அமெரிக்க நடிகர் ஹாரிசன் போர்ட் படுகாயமடைந்தார். (ஏபி)
  • மேற்கு ஆபிரிக்காவில் எபோலா நோய்ப் பரவல், 2014: லைபீரியாவில் கடைசி நோயாளி மருத்துவமனையில் இருந்து சுகமடைந்து வெளியேறினார். (நியூயோர்க் டைம்சு)
  • இந்தியாவின் நாகாலாந்து மாநிலத்தில் வன்கலவியில் ஈடுபட்டதாகக் கைது செய்யப்பட்ட வங்காளதேச நபர் ஒருவரை வன்முறைக் கும்பல் ஒன்று சிறைச்சாலையைத் தாக்கி அவரைக் கொன்றனர். (இந்து)
• மார்ச் 4:
  • இத்தாலி, சிசிலியின் தெற்கே 941 சட்டவிரோதக் குடியேறிகளை ஏற்றி வந்த ஏழு படகுகளை கரையோரக் காவல்படையினர் மீட்டனர். (ஏபி)
  • உக்ரைனில் பிரிவினைவாதிகள் வசமுள்ள தோனெத்ஸ்க் பகுதியில் சுரங்கம் ஒன்றில் இடம்பெற்ற வெடிப்பில் குறைந்தது 33 சுரங்கத் தொழிலாளர்கள் உயிரிழந்தனர். (பிபிசி)
  • இரண்டாம் உலகப் போர்: பிலிப்பீன்சின் சிபுயன் கடற்பகுதியில் 1944 இல் அமெரிக்கக் கடற்படையினரால மூழ்கடிக்கப்பட்ட முசாசி என்ற சப்பானியக் கப்பலை மைக்ரோசாப்ட்டின் நிறுவனர் பவுல் ஆல்லென் மற்றும் அவரது சக ஆராய்ச்சிக் குழுவினரும் கண்டுபிடித்தனர். (சீஎனென்)
  • இந்தோனேசியா[வில் மரணதண்டனையை எதிர்நோக்கியுள்ள ஆத்திரேலியாவின் பாலி ஒன்பது குழுவின் மயூரன் சுகுமாரன் ஆன்ட்ரூ சான் ஆகியோர் தண்டனையை நிறைவேற்றுவதற்காக பாலியின் கெரோபொக்கான் சிறையில் இருந்து நுசக்கம்பங்கன் சிறைச்சாலைக்கு கொண்டு செல்லப்பட்டனர். (சிட்னி மோர்னிங் எரால்டு)
• மார்ச் 3:
  • சிலியின் தெற்கேயுள்ள வில்லாரிக்கா எரிமலை வெடித்ததில் 3,000 இடம்பெயர்ந்தனர். (சின்குவா)
  • சுலோவீனியா ஒருபால் திருமணத்தை சட்டபூர்வமாக்கியது. (ராய்ட்டர்சு)
  • விடுதலைப் புலிகளின் கடற்புலி மகளிர் பிரிவுத் தலைவியாக பணியாற்றிய முருகேசு பகீரதி என்பவரும், அவரது 8 வயது மகளும் கட்டுநாயக்க விமான நிலையத்தில் கைது செய்யப்பட்டனர். பெப்ரவரி 9 இல் இலங்கை வந்த இவர்கள் பிரான்சு செல்ல முற்பட்ட போதே கைது செய்யப்பட்டதாக காவல்துறையினர் தெரிவித்தனர். (தி ஐலண்டு)
  • இலங்கையின் கிழக்கு மாகாண சபையில் சிறீலங்கா முஸ்லிம் காங்கிரசும், தமிழ்த் தேசியக் கூட்டமைப்பும் இணைந்து ஆட்சியமைத்தது. (தினகரன்)
  • ஒந்துராசின் வடகிழக்கே 11-14ம் நூற்றாண்டுகளைச் சேர்ந்த தொல்பொருட்களுடன் கூடிய பண்டைய நகரம் ஒன்றாஇ தொல்லியலாளர்கள் கண்டுபிடித்தனர். (நேசனல் ஜியோகிரபிக்)
• மார்ச் 2:
  • வட கொரியா இரு குறுகிய தூர ஏவுகணைகளைக் கடலில் வெடிக்கச் செய்தது. (ராய்ட்டர்சு)
• மார்ச் 1:
  • எசுத்தோனியா நாடாளுமன்றத் தேர்தலில் ஆளும் எசுத்தோனிய சீர்திருத்தக் கட்சி வெற்றி பெற்றது. ஆனாலும் நாடாளுமன்றத்தில் பெரும்பான்மையை இழந்தது. ஈபிபி
  • உருகுவை அரசுத்தலைவர் ஒசே முகிக்கா தனது தவணைக் காலம் முடிந்து அரசுத்தலைவர் பதவியில் இருந்த விலகிக் கொண்டார். புதிய தலைவராக மருத்துவர் தபாரே வாஸ்கசு பதவி ஏற்றார். (பிபிசி)

• மார்ச் 1 - யோசுவா ஃபிஷ்மன், யூத அமெரிக்க சமூகவியலாளர், மொழியியலாளர் (பி. 1926)
• மார்ச் 6 - கிஷோர், தமிழ்த் திரைப்படத் தொகுப்பாளர் (பி. 1978)
• மார்ச் 8 - கி. பி. அரவிந்தன், ஈழத்து எழுத்தாளர், கவிஞர், ஈழ விடுதலைப் போராளி (பி. 1953)
• மார்ச் 8 - வினோத் மேத்தா, இந்தியப் பத்திரிகையாளர் (பி. 1941)
• மார்ச் 16 - தோடகொப்பலு காரியப்பா இரவி, இந்திய ஆட்சிப் பணியாளர் (பி. 1979)
• மார்ச் 17 - பாப் ஆப்பிள்யார்ட், இங்கிலாந்துத் துடுப்பாட்டக்காரர் (பி. 1924)
• மார்ச் 20 - மால்கம் பிரேசர், ஆத்திரேலியாவின் முன்னாள் பிரதமர் (பி. 1930)
• மார்ச் 23 - லீ குவான் யூ, சிங்கப்பூரின் நிறுவனரும், முதலாவது பிரதமரும் (பி. 1923)