Беларусы Нарвегіі

Белару́сы Нарве́гіі ― беларуская дыяспара ў Каралеўстве Нарвегія.

Першыя беларускія грамадзяне, якія пераехалі ў Нарвегію, зарэгістраваны Цэнтральным статыстычным бюро Нарвегіі (SSB) ў 1993 годзе. Станам на 2021 год у Нарвегіі зарэгістравана 1286 выхадцаў з Беларусі^[1], яны жывуць у розных рэгіёнах краіны, найбольшая колькасць ў сталічным рэгіёне Нарвегіі — Осла.

Беларускія ваеннапалонныя ў гады Другой сусветнай вайны

Падчас Другой сусветнай вайны некалькі тысяч ваеннапалонных беларусаў, а таксама остарбайтараў^[ru], выкарыстоўвалі на тэрыторыі Нарвегіі як рабочую сілу на буйных прадпрыемствах, у тым ліку Нарвежскіх дзяржаўных чыгунках^[ru] (NSB), Norsk Hydro^[ru], Нарвежскай дарожнай адміністрацыі^[en] (Statens Veivesen) і Orkla^[ru]. Многія ваеннапалонныя змаглі вярнуцца на радзіму пасля вайны. Падчас вайны на тэрыторыі Нарвегіі нарадзілася 11 беларускіх дзяцей, якія са сваімі маці таксама вярнуліся ў Беларусь. Некалькі сотняў беларусаў пахавана на ваенных могілках ў розных месцах Нарвегіі. Пасля 2020 года ідэнтыфікацыяй месцаў паходжання суайчыннікаў, чые магілы знаходзяцца на тэрыторыі Нарвегіі, займаецца суполка «РАЗАМ»^[2].

Суполка беларусаў Нарвегіі «РАЗАМ»

У Нарвегіі дзейнічае згуртаванне беларусаў «Суполка беларусаў Нарвегіі РАЗАМ»^[3], заснаванае ў 2020 годзе. Суполка прадстаўляе інтарэсы беларусаў і іх сем’яў у Нарвегіі, мае мэтай наладжванне камунікацыі паміж беларускай і нарвежскай культурай і грамадствам, беларусамі і нарвежцамі.^[4]

Суполка праводзіць сустрэчы і мерапрыемства, у тым ліку Дні беларускага кіно ў Нарвегіі.

Адной з важных задач суполкі была змена афіцыйнай назвы Беларусі ў нарвежскай мове з «Hviterussland» (літаральна «Белая Расія») на «Belarus». Афіцыйная змена назвы Беларусі ў Нарвегіі адбылася 29 траўня 2022 года.

У чэрвені 2023 года пад уплывам арганізацыі створана парламенцкая група у падтрымку дэмакратычнай Беларусі на чале з дэпутатамі з Цэнтральнай, Левай і Правай партыі.^[5]

Крыніцы

↑ Innvandrere og norskfødte med innvandrerforeldre - Tabeller - SSB (нявызн.). web.archive.org (1 красавіка 2023). Архівавана з першакрыніцы 1 красавіка 2023. Праверана 5 жніўня 2023.
↑ Søk etter krigsgraver i Norge- Krigsgraver.no (нявызн.). krigsgraver.no. Праверана 5 жніўня 2023.
↑ Belarusisk forening i Norge Razam (бел.)(недаступная спасылка). Belarusisk forening i Norge RAZAM (11 кастрычніка 2020). Архівавана з першакрыніцы 10 снежня 2021. Праверана 5 жніўня 2023.
↑ Belarusisk Forening i Norge RAZAM (бел.). www.facebook.com. Праверана 5 жніўня 2023.
↑ Altinget - Alt om politikk: altinget.no (нявызн.)(недаступная спасылка). www.altinget.no. Архівавана з першакрыніцы 5 жніўня 2023. Праверана 5 жніўня 2023.