Васіль Рыгоравіч Доркін

Васіль Рыгоравіч Доркін
Васіль Рыгоравіч Доркін
	снежань 1963 — студзень 1964
Кіраўнік урада	Ціхан Кісялёў
Папярэднік	пасада заснаваная
Пераемнік	пасада скасаваная
	красавік 1954 — красавік 1955
Кіраўнік урада	Аляксей Кляшчоў
Папярэднік	Пётр Краскоў
Пераемнік	Павел Барысаў
	1951 — красавік 1954
Папярэднік	Іван Клімаў
Пераемнік	Сяргей Восіпавіч Прытыцкі
	1950 — 1951
Папярэднік	Фёдар Сіляеў
Пераемнік	С. Г. Сямёнаў
	1947 — 1950
Нараджэнне	14 (27) жніўня 1908; Канаеўка[d], Гарадзішчанскі павет[d], Пензенская губерня, Расійская імперыя;
Смерць	8 лістапада 1983 (75 гадоў)
Партыя	УКП(б) (з 1929)
Адукацыя	Куйбышаўскі педагагічны інстытут (1941); Вышэйшая партыйная школа пры ЦК КПСС (1948)
Навуковая ступень	кандыдат гістарычных навук
Месца працы	Брэсцкі дзяржаўны ўніверсітэт імя А. С. Пушкіна;

Васі́ль Рыго́равіч До́ркін (14 жніўня 1908, в. Канаеўка Пензенскай губерні, Расійская імперыя, цяпер Гарадзішчанскі раён Пензенскай вобласці — 8 лістапада 1983^[2]) — савецкі беларускі дзяржаўны дзеяч, старшыня Гродзенскага абласнога прамысловага выканаўчага камітэта (1963—1964), рэктар Брэсцкага педагагічнага інстытута імя А. С. Пушкіна. Кандыдат гістарычных навук. Член УКП(б)^[1].

Біяграфія

У 1930-я гады абіраўся сакратаром партыйных арганізацый фабрыкі «Чырвоны Кастрычнік», Чаадаеўскага саўгаса, быў дырэктарам сярэдняй школы і настаўнікам гісторыі.

У часы Вялікай Айчыннай вайны на партыйнай рабоце ў Пензенскай вобласці.

У 1944—1946 гадах пасля вызвалення Беларусі на пасадзе 3-га сакратара Баранавіцкага абласнога камітэта КП(б) Беларусі, пасля два гады знаходзіўся ў рэзерве ЦК КП(б)Б.

З 1947 года ў Брэсцкім гарадскім камітэце КП(б)Б на пасадзе другога сакратара, з 1950 года — першы сакратар.

З пачатка 1951 года быў на пасадзе першага сакратара Маладзечанскага абкама КП(б)Б, з красавіка 1954 года — старшыня Маладзечанскага аблвыканкама.

З 1956 па студзень 1963 года — інспектар ЦК КПБ.

Са студзеня 1963 па снежань 1964 года — старшынёй Гродзенскага аблвыканкама.

У 1964 годзе загадам міністра вышэйшай, сярэдняй спецыяльнай і прафесійнай адукацыі БССР Міхаіла Дарашэвіча прызначаны рэктарам Брэсцкага дзяржаўнага педагагічнага інстытута імя А.С. Пушкіна^[3].

Кандыдат у члены ЦК КПБ, неаднаразова абіраўся дэпутатам Вярхоўнага Савета БССР^[3].