2022 год у гісторыі беларускага выяўленчага мастацтва

2022 год уключае шэраг падзей, якія пакінуць след у гісторыі беларускага выяўленчага мастацтва.

• 4 лютага — 13 сакавіка: выстаўка «Акім Шаўчэнка. (1902–1980). Жывапіс»^[1], прысвечаная 120–годдзю з дня нараджэння беларускага мастака, НММ Рэспублікі Беларусь.
• 21 красавіка — 12 чэрвеня: выставачны праект «Штодзённасці чароўнае імгненне», прымеркаваны да 120–годдзя з дня нараджэння беларускай мастачкі Ядвігі Раздзялоўскай, НММ Рэспублікі Беларусь.
• 21 красавіка — 19 чэрвеня: выстаўка «Барыс і Іван Казаковы: постскрыптум», якая прымеркавана да 85–годдзя Барыса Казакова (1937—2008), жывапісца і графіка, заслужанага дзеяча мастацтваў Беларусі, НММ Рэспублікі Беларусь.
• 6 траўня — 26 чэрвеня: выстаўка «Залаты век беларускага іканапісу. XVII стагоддзе», НММ Рэспублікі Беларусь.
• 8 чэрвеня — 26 чэрвеня: выстаўка жывапісу «Фарбы Радзімы»^[2], прысвечаная 80-гаддзю з дня нараджэння беларускага мастака Пятра Шарыпы ў мастацкай галерэі Міхаіла Савіцкага.
• 16 чэрвеня — 3 ліпеня — мастацкая выстаўка «Мне сняцца сны аб Беларусі…», прысвечаная 140-годдзю народных паэтаў Беларусі Янкі Купалы і Якуба Коласа ў Рэспубліканскай мастацкай галерэі Беларускага саюза мастакоў, Палац мастацтва (Мінск)^[3].
• 10 верасня — 13 лістапада: юбілейная выстаўка, прымеркаваная да 125-годдзя з дня нараджэння беларускага мастака–графіка Анатоля Тычыны, НММ Рэспублікі Беларусь.
• 1 кастрычніка — 11 снежня: выстаўка «Альгерд Малішэўскі. Рэтраспекцыя»^[4], прысвечаная 100–годдзю з дня нараджэння беларускага мастака і педагога, НММ Рэспублікі Беларусь.
• 19 кастрычніка — 18 лістапада : выстаўка «А сэрца ўсё імкне да бацькаўскага краю...», беларускіх скульптараў Льва і Сяргея Гумілеўскіх у Літаратурным музеі Максіма Багдановіча^[5].
• 8 лістапада — 3 снежня: выстаўка «Меер Аксельрод. Успаміны пра Менск», прымеркаваная да 120-годдзя з дня нараджэння мастака ў Літаратурным музеі Янкі Купалы^[6].
• 10 лістапада — 11 снежня: выстаўка «АРТ-ШКЛО» па выніках сімпозіума на шклозаводзе «Нёман» у межах Пятага Трыенале дэкаратыўнага мастацтва «ДЭКАРТ»^[7].
• 21 снежня — 8 студзеня 2023: выстаўка акварэлі «Сляды на зямлі» беларускага мастака Уладзіміра Рынкевіча^[8], прысвечаная 70-гаддзю з дня нараджэння аўтара ў мастацкай галерэі Міхаіла Савіцкага.

• 3 верасня ў Добрушы адкрылі помнік народнаму пісьменніку Івану Шамякіну работы беларускіх скульптараў Канстанціна Касцючэнкі і Уладзіміра Піпіна^[9].
• 3 лістапада ў Стоўбцах урачыста адкрыты помнік народнаму паэту Якубу Коласу. Над скульптурай працавалі беларускія скульптары Іван Міско, Сяргей Логвін, Уладзімір Піпін^[10].

• 22 сакавіка — Іван Пратасеня (нар. 1 лютага 1931), беларускі мастак-графік, акварэліст, сябра Беларускага саюза мастакоў з 1973.
• 3 красавіка — Уладзімір Крукоўскі (нар. 6 сакавіка 1937), беларускі мастак-графік, плакатыст, сябра Беларускага саюза мастакоў з 1975.
• 23 кастрычніка — Мікалай Гугнін (нар. 28 лістапада 1946), беларускі мастацтвазнавец, графік, педагог, сябра Беларускага саюза мастакоў з 1991.
• 23 кастрычніка — Генадзь Мурамцаў (нар. 18 лістапада 1931), беларускі скульптар, педагог, сябра Беларускага саюза мастакоў з 1961.
• 23 снежня — Леніна Міронава (нар. 2 сакавіка 1931), беларускі архітэктар, педагог, мастацтвазнаўца, прафесар Беларускай дзяржаўнай акадэміі мастацтваў.