Юбілейны медаль «100 год органам дзяржаўнага кіравання сельскай гаспадаркай і харчаваннем Беларусі»

Юбілейны медаль «100 год органам дзяржаўнага кіравання сельскай гаспадаркай і харчаваннем Беларусі»
Краіна	Беларусь
Тып	медаль
Кім уручаецца	Міністэрства сельскай гаспадаркі і харчавання Рэспублікі Беларусь
Дата заснавання	12 лютага 2019
Статус	уручаецца
Першае	14 лютага 2019
Чарговасць узнагарод
Старэйшая	юбілейны медаль «100 год дыпламатычнай службе Беларусі»

Юбілейны медаль «100 год органам дзяржаўнага кіравання сельскай гаспадаркай і харчаваннем Беларусі» — юбілейная ўзнагарода Рэспублікі Беларусь. Заснавана 12 лютага 2019 года ўказам Прэзідэнта Рэспублікі Беларусь. Уручаецца міністрам сельскай гаспадаркі і харчавання або па яго даручэнні адным з яго намеснікаў.

Юбілейным медалём «100 год органам дзяржаўнага кіравання сельскай гаспадаркай і харчаваннем Беларусі» узнагароджваюцца:

• работнікі Міністэрства сельскай гаспадаркі і харчавання, камітэтаў па сельскай гаспадарцы і харчаванні аблвыканкамаў, упраўленняў (аддзелаў) па сельскай гаспадарцы і харчаванні райвыканкамаў, арганізацый, якія ўваходзяць у іх сістэму, іншых арганізацый, якія ажыццяўляюць дзейнасць у галінах сельскай гаспадаркі, рыбалоўства, рыбаводства, вытворчасці харчовых прадуктаў, а таксама ў галінах насенняводства, сортавыпрабавання, каранціну і абароны раслін, захавання і павышэння ўрадлівасці глебы, племянной справы, ветэрынарыі, забеспячэння якасці харчовай сыравіны і харчовых прадуктаў, меліярацыі, механізацыі і электрыфікацыі сельскагаспадарчай вытворчасці, сялянскіх (фермерскіх) гаспадарак за ўзорнае выкананне службовых абавязкаў, дасягненне высокіх вынікаў работы;
• ветэраны працы за значны ўклад у развіццё аграпрамысловага комплексу;
• іншыя асобы, у тым ліку замежных дзяржаў, за значны ўклад у арганізацыю ўзаемадзеяння дзяржаўных органаў і іншых арганізацый у рашэнні задач па забеспячэнні харчовай бяспекі Беларусі.

Медаль на левым баку грудзей форменнага або цывільнага адзення і пры наяўнасці іншых медалёў размяшчаецца пасля юбілейнага медаля «100 год дыпламатычнай службе Беларусі».

Юбілейны медаль вырабляецца з металу залацістага колеру і мае форму круга дыяметрам 33 мм. У цэнтры круга размешчана выява шасцярні з заклёпкамі і аблямоўкай. Унутры шасцярні — выява сонца з праменямі і каравай з сальніцай у цэнтры на ручніку з нацыянальным арнаментам чырвонага колеру на канцах. У аснове каравая па дыяметры размешчаны віты жгут. Над шасцярнёй — арка з каласоў пшаніцы, пад шасцярнёй — надпіс «100 год» у два радкі. Па акружнасці медаля размешчаны надпіс «органам дзяржаўнага кіравання сельскай гаспадаркай і харчаваннем Беларусі».

На адваротным боку медаля размешчаны надпіс «Міністэрства сельскай гаспадаркі і харчавання Рэспублікі Беларусь» у чатыры радкі, ніжэй якога — лаўровыя галінкі.

Юбілейны медаль пры дапамозе вушка і кольца злучаецца з пяцівугольнай калодкай серабрыстага колеру, на якой размешчана стужка зялёнага колеру шырынёй 25 мм з аблямоўкай чырвонага колеру шырынёй 2 мм. У цэнтры стужкі — чырвоная паласа шырынёй 9 мм з аблямоўкай белага колеру шырынёй 1 мм і ўзорам беларускага арнаменту белага колеру.

На адваротным боку калодкі знаходзіцца шпілька для мацавання юбілейнага медаля да адзення.

Памеры калодкі: вышыня — 45 мм, шырыня — 43 мм.

• Указ Прэзідэнта Рэспублікі Беларусь ад 12 лютага 2019 г. № 65 «Аб устанаўленні юбілейнага медаля» (бел.)
• Юбілейны медаль «100 год органам дзяржаўнага кіравання сельскай гаспадаркай і харчаваннем Беларусі» Архівавана 17 кастрычніка 2021. на сайце «Дзяржаўныя ўзнагароды Рэспублікі Беларусь» (руск.)