Котугери

Котугери Καισαριανά
Котугери
Местоположба во областа Котугери Местоположба на Котугери во општината Воден и областа Централна Македонија
Координати: 40°45.70′N 22°03.81′E / 40.76167°N 22.06350°E / 40.76167; 22.06350
Земја	Грција
Област	Централна Македонија
Округ	Постол
Општина	Воден
Општ. единица	Воден
Надм. вис.	&10000000000000140000000140 м
Население (2011)[1]
• Вкупно	81
Час. појас	EET (UTC+2)
• Лето (ЛСВ)	EEST (UTC+3)

Котугери или Кутугери (грчки: Καισαριανά, Кесаријана, до 1926 г. Κουτούγερη, Кутугери или Κατούγερη, Катугери^[2]) — село во Воденско, Егејска Македонија, денес во општината Воден на Постолскиот округ во Централна Македонија, Грција. Населението брои 81 жител (2011). Сè до 1924 г. населението било исклучиво македонско.^[3]

Ова е полупланинско село, сместено на 8 км од градот Воден, на надморска височина од 140 м.^[3]

Се претпоставува дека селото го добило називот кој византиските власти го користеле за богомилските калуѓери кои живееле тука.^[3]

На крајот од XIX век Котугери е забележано како чисто македонско село во Воденската каза. Во „Етнографија на вилаетите Адријанопол, Монастир и Салоника“ 1873 г. Котуери (Cotouyéry) е посочено како село во Воденската каза со 12 куќи со 56 жители Македонци^[4].^[5] Според статистиката на Васил К’нчов („Македонија. Етнографија и статистика“) во 1900 г. во селото живет 60 жители Македонци^[4].^[6]

Целото население на селото било под врховенството на Цариградската патријаршија. Според податоците на егзархискиот секретар Димитар Мишев („La Macédoine et sa Population Chrétienne“), во 1905 г. Катугери (Katougueri) имало 48 Македонци^[4] под патријаршијата.^[7]

Со Букурашкиот договор во 1913 г. селото е припоено кон грчката држава, кога имало 44 жители^[3]. Во 1924 г. македонското население се иселило и на негово место се донесени грчки бегалци од Турција. Во 1926 г. селото е преименувано во Кесаријана. Во 1928 г. Котугери било аселено исклучиво со Грци доселеници — 38 семејства со вкупно 134 жители.^[8]

Еве преглед на населението во сите пописни години, од 1940 г. до денес:

Извор за 1940-1991 г.: Т. Симовски, Населените места во Егејска Македонија

Селото припаѓа на општинската единица Воден со седиште во истоимениот град, која припаѓа на поголемата општина Воден, во округот Постол. Воедно, селото е дел од општинскиот оддел Воден, каде покрај Котугери и градот Воден, спаѓаат и селата Пачарешко и Црковјани.

Селото е стопански пасивно, а главни гранки се полоделството (жито) и овоштарството (праски и јаболка).^[3]