ദി കിംഗ് ആന്റ് ദി കമ്മീഷണർ

ഇംഗ്ലീഷ് വിലാസം

https://ml.wikipedia.org/wiki/The_King_and_the_Commissioner

ഷാജി കൈലാസിന്റെ സംവിധാനത്തിൽ 1994 - ൽ സുരേഷ് ഗോപി നായകനായി പുറത്തിറങ്ങിയ കമ്മീഷണർ, 1995 - ൽ മമ്മൂട്ടി നായകനായി പുറത്തിറങ്ങിയ ദി കിംഗ്, എന്നീ ചലച്ചിത്രങ്ങളിലെ നായക കഥാപാത്രങ്ങളെ മുൻനിർത്തി ഷാജി കൈലാസ് തന്നെ സംവിധാനം ചെയ്ത് 2012 മാർച്ച് 23-ന് പുറത്തിറങ്ങിയ മലയാളചലച്ചിത്രമാണ് ദി കിംഗ് ആന്റ് ദി കമ്മീഷണർ. സുരേഷ് ഗോപി, മമ്മൂട്ടി എന്നിവരാണ് പ്രധാന ക ഥാപാത്രങ്ങളെ അവതരിപ്പിച്ചിരിക്കുന്നത്. സംവൃത സുനിൽ, ജനാർദ്ദനൻ, ജഗതി ശ്രീകുമാർ, വിജയരാഘവൻ എന്നിവർ മറ്റു കഥാപാത്രങ്ങളെ അവതരിപ്പിക്കുന്നു. ഈ രണ്ടു ചിത്രങ്ങൾക്കും തിരക്കഥ രചിച്ച രഞ്ജി പണിക്കരാണ് പുതിയ സംരംഭത്തിന്റേയും കഥ, തിരക്കഥ, സംഭാഷണം എന്നിവ തയ്യാറാക്കുന്നത്^[2]. ആന്റോ ജോസഫ് നിർമ്മിക്കുന്ന ചിത്രം പ്ലേഹൗസാണ് വിതരണത്തിനെത്തിക്കുന്നത്. ഡൽഹിയാണ് ചിത്രത്തിന്റെ പ്രധാന ലൊക്കേഷൻ. കൊച്ചി, തിരുവനന്തപുരം, കോഴിക്കോട് എന്നിവിടങ്ങളിലും ചില രംഗങ്ങൾ ചിത്രീകരിക്കുന്നു.

• ദി കിംഗ് ആന്റ് ദി കമ്മീഷണർ ഇന്റർനെറ്റ് മൂവി ഡാറ്റാബേസിൽ
• ദി കിംഗ് ആന്റ് ദി കമ്മീഷണർ – മലയാളസംഗീതം.ഇൻഫോ