இசுட்ரோன்சியம் செலீனைடு

இசுட்ரோன்சியம் செலீனைடு

இனங்காட்டிகள்
சிஏஎசு எண்	1315-07-7 Y
EC number	215-258-1
InChI InChI=1S/Se.Sr/q-2;+2 Key: BCTHFFLRHBNYHU-UHFFFAOYSA-N
யேமல் -3D படிமங்கள்	Image
பப்கெம்	73978
SMILES [Se-2].[Sr+2]
பண்புகள்
மூலக்கூறு வாய்பாடு	SrSe
வாய்ப்பாட்டு எடை	166.58
தோற்றம்	வெண்மையான தூள், காற்றில் வெளிப்பட்டால் செம்பழுப்பு நிறத்திற்கு மாறும்.[1]
அடர்த்தி	4.5
மாறுதலாக ஏதும் சொல்லவில்லை என்றால் கொடுக்கப்பட்ட தரவுகள் யாவும் பொருள்கள் அவைகளின் இயல்பான வெப்ப அழுத்த நிலையில் (25°C, 100kPa) இருக்கும். வார்ப்புரு மேற்கோள்கள்

இசுட்ரோன்சியம் செலீனைடு (Strontium selenide) என்பது SrSe என்ற மூலக்கூற்று வாய்ப்பாட்டால் விவரிக்கப்படும் ஒரு வேதியியல் சேர்மமாகும்.

இசுட்ரோன்சியம் செலினேட்டுடன் ஐதரசன் வாயுவைச் சேர்த்து 600 பாகை செல்சியசு வெப்பநிலைக்கு சூடுபடுத்தி ஒடுக்க வினைக்கு உட்படுத்துவதன் மூலம் இசுட்ரோன்சியம் செலீனைடை தயாரிக்கலாம்.^[2] நீர்ம அம்மோனியாவில் இசுட்ரோன்சியத்தையும் ஐதரசன் செலீனைடையும் சேர்த்து வினைபுரியச் செய்தும் இதை தயாரிக்க இயலும்.^[3]

இசுட்ரோன்சியம் செலீனைடு செஞ்சாய்சதுர படிக அமைப்பில் Fm3m என்ற இடக்குழுவுடன் படிகமாக்குகிறது. மேலும், இது NaCl அமைப்பைக் கொண்டுள்ளது.^[4][5] உயர் அழுத்தத்தின் கீழ் (14 கிகாபாசுக்கல்) இடக்குழு Pm3m உடன் CsCl கட்டமைப்பாக மாறுகிறது.^[6]

இசுட்ரோன்சியம் செலீனைடு அதிக வெப்பநிலையில் பாதரச செலீனைடு மற்றும் செருமேனியம் இருசெலீனைடு ஆகியவற்றுடன் வினைபுரிந்து SrHgGeSe₄ படிகத்தைக் கொடுக்கிறது.^[7] இசுட்ரோன்சியம் செலீனைடு வெள்ளீயத்தின் முன்னிலையில் அதிக வெப்பநிலையில் தோரியம் மற்றும் செலினியத்துடன் வினைபுரிந்து SrTh₂Se₅ சேர்மத்தைக் கொடுக்கிறது.^[8]