குரோமியம்(II) ஆக்சலேட்டு

குரோமியம்(II) ஆக்சலேட்டு

பெயர்கள்
ஐயூபிஏசி பெயர் குரோமியம்(2+) ஆக்சலேட்டு
இனங்காட்டிகள்
சிஏஎசு எண்	814-90-4 Y
ChemSpider	12595
InChI InChI=1S/C2H2O4.Cr/c3-1(4)2(5)6;/h(H,3,4)(H,5,6);/q;+2/p-2 Key: XVHFYNOGAFYRJV-UHFFFAOYSA-L InChI=1/C2H2O4.Cr/c3-1(4)2(5)6;/h(H,3,4)(H,5,6);/q;+2/p-2 Key: XVHFYNOGAFYRJV-NUQVWONBAE
யேமல் -3D படிமங்கள்	Image
பப்கெம்	13147
SMILES C(=O)(C(=O)[O-])[O-].[Cr+2]
UNII	RV83VA978Q Y
பண்புகள்
மூலக்கூறு வாய்பாடு	Cr(C2O4)
வாய்ப்பாட்டு எடை	140.02 கி/மோல்
தோற்றம்	இளம் பச்சை படிகங்கள்
அடர்த்தி	2.461 கி/செ.மீ3
நீரில் கரைதிறன்	126 கி/100 மி.லி (0 °செல்சியசு)
கரைதிறன்	சிறிதளவு எத்தனாலில் கரையும்
தொடர்புடைய சேர்மங்கள்
ஏனைய நேர் மின்அயனிகள்	இரும்பு(II) ஆக்சலேட்டு
மாறுதலாக ஏதும் சொல்லவில்லை என்றால் கொடுக்கப்பட்ட தரவுகள் யாவும் பொருள்கள் அவைகளின் இயல்பான வெப்ப அழுத்த நிலையில் (25°C, 100kPa) இருக்கும். வார்ப்புரு மேற்கோள்கள்

குரோமியம்(II) ஆக்சலேட்டு (Chromium(II) oxalate) என்பது CrC₂O₄ என்ற மூலக்கூற்று வாய்ப்பாடால் விவரிக்கப்படும் ஒரு கனிம வேதியியல் சேர்மமாகும்.

நிகும்பு மற்றும் பலரின் கூற்றுப்படி, CrC₂O₄·2H₂O சேர்மத்தை குரோமியம்(II) சல்பேட்டு ஐந்துநீரேற்றிலிருந்து வாயு நீக்கப்பட்ட நீர் கரைசலில் சோடியம் ஆக்சலேட்டு மற்றும் ஆக்சாலிக் அமிலத்தின் கலவையுடன் வினைபுரியச் செய்து தயாரிக்கலாம். எரிப்பு தனிம பகுப்பாய்வு, அகச்சிவப்பு நிறமாலை, வெப்பப்பருமனறி பகுப்பாய்வு மற்றும் தூள் எக்சு-கதிர் விளிம்பு விளைவு ஆகிய சோதனைகளின் மூலம் வகைப்படுத்தப்படும் ஒரு வெளிர் பச்சை நிற படிகப் பொருளை இவ்வினை உருவாக்குகிறது.^[1] 4.65 போர் மேக்னட்டான் என்ற அளவிடப்பட்ட காந்தத் திருப்புத்திறன், குரோமியம் அயனி Cr-Cr பிணைப்பை உருவாக்கவில்லை என்றும், உயர்-சுழல் எண்முக ஒருங்கிணைப்பு வடிவவியலைக் கொண்டுள்ளது என்றும் கூறுகிறது. இது MC₂O₄·2H₂O (M = Mg, Fe, முதலியன) என்ற பொது வாய்ப்பாட்டைக் கொண்ட பிற நேரியல் பலபடிசார் உலோக(II) ஆக்சலேட்டுகளின் அமைப்புடன் ஒத்துப்போகும்.^[2] மந்தவாயு வளிமண்டலச் சூழலில் 140 ° செல்சியசு வெப்பநிலைக்கு மேல் வெப்பப்படுத்தப்படும்போது, ​​இருநீரேற்று தண்ணீரை இழந்து நீரற்ற CrC₂O₄ சேர்மத்தை உருவாக்குகிறது. 320 °செல்சியசு வெப்பநிலைக்கு மேல் வெப்பப்படுத்துவது குரோமியம் ஆக்சைடுகளின் கலவையை உருவாக்குகிறது.^[1]

அமில நீர் கரைசல்களில் குரோமியம்(II) சில நிமிடங்களில் ஆக்சலேட்டை கிளைகோலேட்டாகக் குறைக்கும் என்பதைக் குறிக்கும் தரவுகளை மில்பர்ன் மற்றும் டாப் ஆகியோர் வழங்கியுள்ளனர். அமில நீர் கரைசல்களிலிருந்து தயாரிக்கப்பட்டால் குரோமியம்(II) ஆக்சலேட்டை ஒரு நிலையான Cr²⁺ இனமாக உருவாக்குவது குறித்து சில சந்தேகங்களை எழுப்புகிறது.^[3]