சமாரியம்(III) மாலிப்டேட்டு

சமாரியம்(III) மாலிப்டேட்டு

இனங்காட்டிகள்
சிஏஎசு எண்	15702-43-9 Y
பண்புகள்
மூலக்கூறு வாய்பாடு	Sm2(MoO4)3
தோற்றம்	வெண்மையான திண்மம்[1]
நீரில் கரைதிறன்	கரையாது
மாறுதலாக ஏதும் சொல்லவில்லை என்றால் கொடுக்கப்பட்ட தரவுகள் யாவும் பொருள்கள் அவைகளின் இயல்பான வெப்ப அழுத்த நிலையில் (25°C, 100kPa) இருக்கும். வார்ப்புரு மேற்கோள்கள்

சமாரியம்(III) மாலிப்டேட்டு (Samarium(III) molybdate) என்பது Sm₂(MoO₄)₃ என்ற மூலக்கூற்று வாய்பாடால் விவரிக்கப்படும் ஒரு கனிம வேதியியல் சேர்மமாகும். சமாரியம், மாலிப்டினம், ஆக்சிசன் ஆகிய மூன்று தனிமங்கள் சேர்ந்து சமாரியம்(III) மாலிப்டேட்டு உருவாகிறது.

சமாரியம்(III) நைட்ரேட்டு மற்றும் சோடியம் மாலிப்டேட்டு சேர்மங்களை 5.5~6.0 காரகாடித்தன்மைச் சுட்டெண் (pH) வரம்பில் வினைபுரியச் செய்வதன் மூலம் சமாரியம்(III) மாலிப்டேட்டை தயாரிக்கலாம்.^[2] இதன் ஒற்றைப் படிகத்தை 1085 பாகை செல்சியசு வெப்பநிலையில் சொக்ரால்சுகி படிக வளர்ச்சி முறையில் வளர்க்கலாம்.

சமாரியம் மற்றும் மாலிப்டினம்(VI) ஆக்சைடை ஒன்றாகச் சேர்த்து வினைபுரியச் செய்வதன் மூலமும் சமாரியம்(III) மாலிப்டேட்டை தயாரிக்கலாம்:

Sm₂O₃ + 3MoO₃ ----> Sm₂(MoO₄)₃

சமாரியம்(III) மாலிப்டேட்டு பல மாற்றங்களுக்கு உட்பட்டு ஊதா நிறப் படிகங்களாக உருவாகிறது. 193 பாகை செல்சியசு வெப்பநிலைக்கு கீழ் இது P ba2 என்ற இடக்குழுவில் a = 1.04393 நானோமீட்டர், b = 1.04794 நானோமீட்டர், c = 1.07734 நானோமீட்டர், Z = 4 என்ற அலகு செல் அளவுருக்க்களுடன் செஞ்சாய் சதுர படிகத் திட்டத்தை ஏற்கிறது. 193 பாகை செல்சியசு வெப்பநிலைக்கு மேற்பட்ட வெப்பநிலையில் இது ஒற்றைச் சாய்வு படிகத் திட்டத்தை ஏற்று படிகமாகிறது.^[3][4]

சமாரியம்(III) மாலிப்டேட்டு பெர்ரோமின் பண்புகளை வெளிப்படுத்துகிறது.^[5] இது Sm₂(MoO₄)₃•2H₂O என்ற வாய்பாட்டிலான ஒரு படிக நீரேற்றாகவும் உருவாகிறது.

சமாரியம்(III) மாலிப்டேட்டை 500~650 °செல்சியசு வெப்பநிலையில் ஐதரசனுடன் சேர்த்து ஒடுக்க வினைக்கு உட்படுத்தினால் நான்கிணைய மாலிப்டினம் சேர்மமான Sm₂Mo₃O₉ உருவாகும்.