ஜெராண்டுட் மாவட்டம்

ஜெராண்டுட் மாவட்டம்
ஜெராண்டுட் மாவட்டம்
	Jerantut District
	Daerah Jerantut
	ஜெராண்டுட் நகரம்
	; ஜெராண்டுட் மாவட்டம்
	ஜெராண்டுட் மாவட்டம் ஜெராண்டுட் மாவட்டம் மலேசியா
	ஆள்கூறுகள்: 3°56′N 102°22′E / 3.933°N 102.367°E
நாடு	மலேசியா
மாநிலம்	பகாங்
மாவட்டம்	ஜெராண்டுட்
தொகுதி	ஜெராண்டுட்
உள்ளூராட்சி	ஜெராண்டுட் நகராண்மைக் கழகம்
பரப்பளவு
• மொத்தம்	7,207.6 km2 (2,782.9 sq mi)
மக்கள்தொகை (2010)
• மொத்தம்	86,840
நேர வலயம்	ஒசநே+8 (மலேசிய நேரம்)
மலேசிய அஞ்சல் குறியீடு	27xxx
மலேசியத் தொலைபேசி	+6-09
மலேசியப் போக்குவரத்து எண்	C

ஜெராண்டுட் மாவட்டம் (ஆங்கிலம்: Jerantut District; மலாய்: Daerah Jerantut; சீனம்: 而连突县; ஜாவி: ﺟﺮﻧﺘﻮﺕ ); என்பது மலேசியா, பகாங் மாநிலத்தில் உள்ள ஒரு மாவட்டம். இதன் தலைப் பட்டணம் ஜெராண்டுட்.

ஜெராண்டுட் மாவட்டம் பகாங் மாநிலத்தின் மிகப் பெரிய மாவட்டமாகும். இந்த மாவட்டத்தின் வட எல்லையில் கிளாந்தான், திராங்கானு மாநிலங்கள் உள்ளன. தெற்கே தெமர்லோ மாவட்டம், மாரான் மாவட்டம்; மேற்கே லிப்பிஸ் மாவட்டம், ரவுப் மாவட்டம்; கிழக்கே குவாந்தான் மாவட்டம் ஆகிய மாவட்டங்கள் உள்ளன. ஜெராண்டுட் மாவட்டத்தில் தெம்பிலிங் ஆறு ஓடுகிறது.

வரலாறு

பகாங் மாநிலத்தின் முதல் அரசரான சுல்தான் அகமட் வான் அகமட் காலத்திலேயே, ஜெராண்டுட் எனும் பெயர் புழக்கத்தில் இருந்ததாக வரலாற்றுச் சான்றுகள் கூறுகின்றன.

ஜெராண்டுட் மாவட்டத்தின் பழைய பெயர் சிம்பாங் அம்பாட் (Simpang Empat). பிரித்தானியர்களின் ஆட்சி காலத்தில் ஜெராண்டுட் நகரத்திற்கு சங்சன் 4 (Junction 4) என்று பெயர் வைத்தார்கள்.

சுற்றுலா இடங்கள்

பகாங் ஆற்றின் ஜெராண்டுட் பகுதியில் நீர் பெருக்கம் ஏற்படுவது உண்டு. மீன் பிடிப்பவர்கள் அதை ‘அவாங் துட்’ (Awang Tut) என்று அழைத்தார்கள். அந்தப் பெயரே, காலப் போக்கில் ஜெராண்டுட் என்று பெயர் மாற்றம் கண்டது.

சுற்றுலா பயணிகளை ஈர்க்கும் இடங்களாக லதா மெராவுங் நீர்வீழ்ச்சி (Lata Meraung Waterfall), மலேசியப் பழங்குடியினர் குடியிருப்புகள், குனோங் தகான், குனோங் பெனோம், ராபிள்சியா பாதுகாப்பு மையம் (ஆங்கிலம்: Rafflesia Conservation Center) போன்றவை அமைகின்றன. பகாங் மாநிலத்தின் பெரிய மாவட்டமான ஜெராண்டுட், அண்மைய காலங்களில் மிகத் துரிதமான வளர்ச்சியைக் கண்டு வருகிறது.

துணை மாவட்டங்கள்

ஜெராண்டுட் மாவட்டம் 10 துணை மாவட்டங்களைக் கொண்டது. இந்த மாவட்டத்தில் 125 கிராமங்கள் உள்ளன.^[1]

உலு தெம்பிலிங் - Hulu Tembeling
தெம்பிலிங் தெங்ஙா - Tembeling Tengah
புலாவ் தாவர் - Pulau Tawar
தெபிங் திங்கி - Tebing Tinggi
உலு செக்கா - Hulu Cheka
பெடா - Pedah
புராவ் - Burau
கோலா தெம்பிலிங் - Kuala Tembeling
தே - Teh
கெலோலா - Kelola

அரசியல்

நாடாளுமன்ற மக்களவைத் தொகுதி

நாடாளுமன்றம்	தொகுதி	நாடாளுமன்ற உறுப்பினர்	கட்சி
P81	ஜெராண்டுட்	செகு அகமட் நாஸ்லான்	பாரிசான் நேசனல்

மாநிலச் சட்டமன்றம்

நாடாளுமன்றம்	மாநிலச் சட்டமன்றம்	தொகுதி	சட்டமன்ற உறுப்பினர்	கட்சி
P81	N9	தகான்	வான் அமீசா வான் அப்துல் ரசாக்	பாரிசான் நேசனல்
P81	N10	டாமாக்	லாவ் லீ	பாரிசான் நேசனல்
P81	N11	புலாவ் தாவார்	அகமட் சுக்ரி இஸ்மாயில்	பாரிசான் நேசனல்