ஸ்டார்ட்-அப் இந்தியா

ஸ்டார்ட்-அப் இந்தியா, (Startup India), இந்திய அரசின் வர்த்தகம் மற்றும் தொழில் துறை அமைச்சகத்தில் உள்ள தொழில் மேம்பாட்டு மற்றும் உள்நாட்டு வணிகத் துறையின் கீழ் ஸ்டார்ட்-அப் இந்தியா இயக்கம் இந்தியப் பிரதமர் நரேந்திர மோதியால் 16 சனவரி 2016 அன்று துவக்கி வைக்கப்பட்டது.^[1][2]ஸ்டார்ட்அப் இந்தியா என்பது இந்திய அரசின் ஒரு முதன்மை முயற்சியாகும். இது ஸ்டார்ட்அப் கலாச்சாரத்தை ஊக்குவிப்பதற்கும், இந்தியாவில் புதுமையான மற்றும் தொழில்முனைவோருக்கான வலுவான மற்றும் உள்ளடக்கிய சுற்றுச்சூழல் அமைப்பை உருவாக்குவதற்கும் நோக்கமாக தொடங்கப்பட்டது. ஸ்டார்ட்அப் இந்தியா திட்டம் மூலம் தொழில்முனைவோர்களை ஆதரிப்பதற்கும், இந்தியாவை வேலை தேடுபவர்களுக்குப் பதிலாக, வேலை உருவாக்குபவர்களின் நாடாக மாற்றுவதற்கும் ஸ்டார்ட்-அப் திட்டம் அறிமுகப்படுத்தியுள்ளது.

ஸ்டார்ட்அப் இந்தியாவின் திட்டங்களின் பரந்த நோக்கம் கீழே உள்ள செயல் திட்டத்தில் கோடிட்டுக் காட்டப்பட்டுள்ளது. மேலும் இது தொழில்துறை கொள்கை மற்றும் ஊக்குவிப்புத் துறைக்கு (DPIIT) அறிக்கை அளிக்கும் ஒரு சிறப்பு ஸ்டார்ட்-அப் இந்தியா குழுவால் நிர்வகிக்கப்படுகிறது. 19 அம்ச செயல் திட்டம் மூலம் ஸ்டார்ட்அப் நிறுவனங்களுக்கு பின்வரும் செயல் வடிவம் வழங்குகிறது^[3]

• தொழில்/வணிகத்தை அடைக்காக்கும் மையங்கள் உட்பட மேம்படுத்தப்பட்ட உள்கட்டமைப்பு
• காப்புரிமை மற்றும் அறிவுசார் சொத்துரிமையைப் பாதுகாக்கிறது.
• வரிச் சலுகைகள், எளிதான இணக்கம், ஒரு நிறுவனத்தை அமைப்பதில் மேம்படுத்தப்பட்ட தன்மை, விரைவான வெளியேறும் வழிமுறைகள் மற்றும் பலவற்றை உள்ளடக்கிய சிறந்த ஒழுங்குமுறை சூழல் கொண்டுள்ளது.
• நிதி வாய்ப்புகளை அதிகரிக்கும் குறிக்கோளுடன், இந்தியாவின் சிறு தொழில்கள் வளர்ச்சி வங்கி (Small Industries Development Bank of India) (SIDBI) ஆல் நிர்வகிக்கப்படும் ரூபாய் 10,000 கோடி நிதிப் பொருளாதார ஊக்கமாகக் கொண்டுள்ளது.

நாட்டில் புதுமையான மற்றும் தொடக்க நிலை நிறுவனங்களை வளர்ப்பதற்கான வலுவான சூழலை உருவாக்கும் நோக்கத்துடன் ஸ்டார்ட் அப் இந்தியா இயக்கம் துவக்கப்பட்டது. மேலும் வணிகம் அல்லது தொழில் செய்வதை எளிதாக்கும் நோக்கததுடன் இந்த இயக்கம் செயல்படுகிறது.

• இந்தத் திட்டத்தின் கீழ் ஸ்டார்ட்-அப் தொழில் நிறுவனங்களை பதிவுசெய்து பல்வேறு சலுகைகளைப் பெறலாம். இதில் வரி விலக்குகள், எளிதான இணக்கம் மற்றும் அரசாங்க கொள்முதல் வாய்ப்புகளுக்கான அணுகல் ஆகியவை அடங்கும்.
• நிதி ஆதரவு: ஸ்டார்ட்-அப் நிறுவனங்களுக்கு நிதி உதவி மற்றும் துணிகர மூலதனத்தை வழங்க அரசாங்கம் நிதிகளை அமைத்துள்ளது.
• அறிவுசார் சொத்துரிமைகள் (IPR) பாதுகாப்பு: தொடக்க நிறுவனங்களின் (ஸ்டார்ட்-அப்) காப்புரிமைகள் மற்றும் வர்த்தக முத்திரைகளை தாக்கல் செய்வதில் உதவி வழங்குகிறது மற்றும் அறிவுசார் சொத்துக்களின் பாதுகாப்பை ஊக்குவிக்க சலுகைகளை வழங்குகிறது.
• இன்குபேட்டர்கள் மற்றும் முடுக்கிகள்:தொடக்க நிறுவனங்களை வளர்ப்பதற்கும் வழிகாட்டுவதற்கும் இன்குபேட்டர்கள் மற்றும் முடுக்கிகளை நிறுவுவதை ஆதரிக்கிறது. அவர்களுக்குத் தேவையான வளங்கள் மற்றும் வழிகாட்டுதலை வழங்குகிறது.
• வரிச் சலுகைகள்:தகுதியுள்ள தொடக்க நிறுவனங்கள், தொழில்முனைவோரை ஊக்குவிக்க மூன்று ஆண்டு வரி விடுமுறை போன்ற வருமான வரிச் சலுகைகள் அரசு வழங்குகிறது. ஸ்டார்ட்அப் இந்தியா திட்டத்தின் கீழ் தகுதியுள்ள அனைத்து நிறுவனங்களும் ஈட்டிய இலாபத்திற்கு தொடர்ச்சியாக 3 ஆண்டுகள் வரி விடுமுறை அளிக்கப்படுகிறது.
• வலையமைப்பு மற்றும் ஒத்துழைப்பு: ஸ்டார்ட்அப் நிறுவனங்களின் அறிவு பரிமாற்றம் மற்றும் கூட்டாண்மைகளை எளிதாக்குவதற்காக தொடக்க நிறுவனங்கள், தொழில் சங்கங்கள் மற்றும் கல்வி நிறுவனங்களிடையே வலையமைப்பு மற்றும் ஒத்துழைப்பை ஊக்குவிக்கிறது.
• புதுமை மையம்: புதுமை மையங்கள் மற்றும் ஆராய்ச்சி பூங்காக்களை நிறுவுவதன் மூலம் ஸ்டார்ட்-அப் நிறுவனங்களுக்கு ஆராய்ச்சி மற்றும் புதுமைகளை ஊக்குவிக்கிறது.

1. ஸ்டார்ட்-அப் நிறுவனங்களை வரையறுக்கப்பட்ட பொறுப்பு கூட்டு நிறுவனம், கூட்டு நிறுவனம் அல்லது தனியார் நிறுவனமாக இணைக்க வேண்டும் அல்லது பதிவு செய்ய வேண்டும்.
2. நிறுவனம் பதிவு செய்த நாளிலிருந்து 7 ஆண்டுகளுக்குள் இத்திட்டத்தில் சேரமுடியும்.
3. எந்தவொரு நிதியாண்டிலும் நிகர இலாபம் ரூபாய் 10 கோடிக்கு.மிகாமல் இருத்தல் வேண்டும்.
4. ஏற்கனவே இருக்கும் வணிகத்தை இணைப்பதன் மூலமோ, பிரிப்பதன் மூலமோ அல்லது மறுகட்டமைப்பதன் மூலமோ ஸ்டார்ட்-அப் நிறுவனம் நிறுவக்கூடாது.
5. இந்தியாவில் வேலைவாய்ப்பை உருவாக்கும் தயாரிப்புகள் மற்றும் சேவைகளின் புதுமை, ஆராய்ச்சி மற்றும் மேம்பாட்டை நோக்கி செயல்படும் நிறுவனமாக இருத்தல் வேண்டும். .

நவம்பர் 2018ஆம் ஆண்டு வரையான காலத்தில் 14,036 தொடக்க நிறுவனங்களின் விண்ணப்பங்கள் தொழில் மேம்பாடு மற்றும் உள்நாட்டு வணிகத் துறையால் (Department for Promotion of Industry and Internal Trade) தொடக்க நிறுவனங்களாக (ஸ்டார்ட்-அப்) அங்கீகரிக்கப்பட்டுள்ளது.^[4]

ஸ்டார்ட்-அப் நிறுவனங்களின் நீண்ட கர்ப்ப காலத்தை மனதில் கொண்டு, திட்டங்களில சில மாற்றஙகள் செய்யப்பட்டுள்ளது.

• ஒரு பயோடெக்னாலஜி நிறுவனங்கள் அதன் இணைப்பு/பதிவு செய்யப்பட்ட நாளிலிருந்து 10 ஆண்டுகள் வரை ஸ்டார்ட்அப்பாகவும் கருதப்படும்.

பெறப்பட்ட விண்ணப்பங்களில், 14,036 நிறுவனங்கள் தொழில் மேம்பாடு மற்றும் உள்நாட்டு வணிகத் துறையால் ஸ்டார்ட்அப்களாக அங்கீகரிக்கப்பட்டுள்ளன. நவம்பர், 2018 நிலவரப்படி, தொடக்க நிறுவனங்கள் வரிச் சலுகைகளைப் பெற அங்கீகரிக்கப்பட்டுள்ளது.

தொடக்க நிறுவனங்கள் மீதான ஒழுங்குமுறைச் சுமையைக் குறைப்பதற்காக இணக்க விதிமுறைகள் தளர்த்தப்பட்டுள்ளது. இதன் மூலம் அவைகள் வணிகத்தில் கவனம் செலுத்த அனுமதிக்கப்படுகிறது.

• 36 "வெள்ளை" வகை தொழில்களின் பட்டியலின் கீழ் வரும் தொடக்க நிறுவனங்களுக்குத் தேவையில்லாத நடைமுறைகளை நீக்குதல்.
• சுற்றுச்சூழல் தொடர்பான கீழ்கண்ட 3 சட்டங்களின் கீழ் ஸ்டார்ட் அப் நிறுவனங்கள் சுற்றுச்சூழல் அனுமதி பெறத் தேவையில்லை.

1. நீர் (மாசு தடுப்பு மற்றும் கட்டுப்பாடு) சட்டம், 1974

2. நீர் (மாசு தடுப்பு மற்றும் கட்டுப்பாடு) செஸ் (திருத்தம்) சட்டம், 2003

3 காற்று (மாசு தடுப்பு மற்றும் கட்டுப்பாடு) சட்டம், 1981

• திறன் மேம்பாடு மற்றும் தொழில்முனைவோர் அமைச்சகத்தின் (MSDE), திறன் பயிற்சி விதிகளின் கீழ் 1 ஆண்டு காலத்திற்கு ஸ்டார்ட்அப்கள் சுய சான்றிதழ் பெற அனுமதிக்குமாறு மாநிலங்களுக்கு ஆலோசனை வழங்கியுள்ளது.
• 12.01.2016 அன்று தொழிலாளர் மற்றும் வேலைவாய்ப்பு அமைச்சகத்தின் (MoLE) ஆலோசனையின்படி, 6 தொழிலாளர் சட்டங்களின் கீழ் ஸ்டார்ட்அப்கள் சுய சான்றிதழ் பெறலாம். தற்போது 6 தொழிலாளர் சட்டங்களின் கீழ் சுய சான்றிதழ் பெறுவதற்கான காலத்தை 3 இலிருந்து 5 ஆண்டுகளாக அதிகரித்துள்ளது.

• தொடக்க ஸ்டார்ட் அப் நிறுவனங்களின் ஐயங்களை தீர்க்கவும், கையடக்க ஆதரவை வழங்கவும், தொடக்க நிறுவனங்களின் 1,14,000 க்கும் மேற்பட்ட கேள்விகளை இந்த மையம் கையாண்டுள்ளது."தொடக்க நிறுவனமாக" அங்கீகாரச் சான்றிதழ், வரிச் சலுகைகளைப் பெறுவதற்கான தகுதிச் சான்றிதழ்,

இன்குபேட்டர்கள் அல்லது நிதியுதவி பற்றிய தகவல்களைத் தேட, மையத்தை தொடர்பு கொள்ள கட்டணமில்லா எண்: 1800115565 மற்றும் மின்னஞ்சல் முகவரி: dipp-startups@nic.in. வழங்கப்பட்டுள்ளது. இந்த மையம் 660க்கும் மேற்பட்ட ஸ்டார்ட்அப்களுக்கு ஆரம்ப நிதி உதவி, வணிகத் திட்டங்கள் போன்றவற்றுக்கு வழிகாட்டியுள்ளது. 2.7 லட்சத்திற்கும் மேற்பட்ட பயனர்கள் ஸ்டார்ட் அப் இந்தியா மையத்தில் பதிவு செய்துள்ளனர்.

• ஏப்ரல் 1, 2016 க்குப் பிறகு, ஸ்டார்ட்அப்கள் இணைக்கப்பட்டால், 7 ஆண்டுகளில் 3 ஆண்டுகளுக்கு வருமான வரி விலக்கு பெறலாம்.

• ஸ்டார்ட் அப் நிறுவனங்களுக்காகவே இந்தியாவின் சிறு தொழில் மேம்பாட்டு வங்கி (SIDBI) ரூபாய் 10,000 கோடி நிதி கையாள்கிறது.

• ஸ்டார்ட் அப் இந்தியா இயக்கத்திற்கு 6 தொகுதிகளை உள்ளடக்கிய 4 வார இலவச கற்றல் மற்றும் மேம்பாட்டுத் திட்டம் தொடங்கப்பட்டுள்ளது. இந்தப் பாடநெறியில் 2,27,000 க்கும் மேற்பட்ட விண்ணப்பதாரர்கள் பதிவு செய்துள்ளனர். மேலும் 10,000+ விண்ணப்பதாரர்கள் இந்தப் பாடநெறியை 100% வெற்றிகரமாக முடித்துள்ளனர்.

• அறிவுசார் சொத்து (IP) விண்ணப்பங்களை தாக்கல் செய்வதற்கும், காப்புரிமை தாக்கல் மற்றும் கையகப்படுத்தல் செயல்முறையை விரைவுபடுத்துவதற்கும் காப்புரிமை மற்றும் வடிவமைப்பு விண்ணப்பங்களுக்கான 427 வசதியாளர்களையும், வர்த்தக முத்திரை விண்ணப்பங்களுக்கான 670 வசதியாளர்களையும் கொண்ட ஒரு குழு அமைக்கப்பட்டுள்ளது.

• தொடக்க நிறுவனங்களின் சார்பாக வசதிச் செலவை தொழில் மேம்பாட்டு மற்றும் உள்நாட்டு வணிகத் துறை (DIPP) ஏற்கிறது மற்றும் விண்ணப்பத்தை தாக்கல் செய்வதற்கான சட்டப்பூர்வ கட்டணத்தில் தள்ளுபடியையும் வழங்குகிறது.

• தொடக்க நிறுவனங்களுக்கான அறிவுசார் சொத்து பாதுகாப்புத் திட்டத்தின் கீழ், காப்புரிமை விண்ணப்பதாரர்கள் காப்புரிமை கட்டணங்களில் 80% வரை தள்ளுபடி மற்றும் இலவச சட்ட உதவியைப் பெற்றுள்ளனர்.

• தொடக்க நிறுவனங்களுக்கு வர்த்தக முத்திரை தாக்கல் கட்டணத்தில் 50% தள்ளுபடி வழங்குவதற்காக வர்த்தக முத்திரை விதிகள், 2017 சமீபத்தில் திருத்தப்பட்டது. ஒட்டுமொத்தமாக, இந்தத் திட்டத்தின் கீழ் 2,000க்கும் மேற்பட்ட தொடக்க நிறுவன வழக்குகள் எளிதாக்கப்பட்டுள்ளன.

• தொடக்க நிறுவனங்களின் வளர்ச்சிக்கு உகந்த சுற்றுச்சூழல் அமைப்பை உருவாக்கவும், பொது கொள்முதலில் அனுபவம் வாய்ந்த தொழில்முனைவோர்/நிறுவனங்களுடன் ஒப்பிடும்போது தொடக்க நிறுவனங்களுக்கு சமமான தளத்தை வழங்கவும், நுண் மற்றும் சிறு நிறுவனங்களுக்கான பொது கொள்முதல் விதிமுறைகள் தளர்த்தப்பட்டுள்ளது.

• குறு, சிறு மற்றும் நடுத்தரத் தொழில் அமைச்சகம் (MSME) வெளியிட்ட கொள்முதல் கொள்கையில், தொடக்க நிறுவனங்களுக்கான முன் வருவாய், முன் அனுபவம் மற்றும் முன் பண வைப்புத்தொகை (EMD) சமர்ப்பிப்பதில் இருந்து விலக்கு அளிக்கும் விதிகளை இணைத்துள்ளது.

• வருமான வரி விலக்கு: நிதிச் சட்டம், 2016 இன் கீழ் ஸ்டார்ட்அப் நிறுவனங்கள் 5 ஆண்டுகள் கொண்ட ஒரு தொகுதியில் 3 ஆண்டுகளுக்கு வருமான வரி விலக்கு பெற வழிவகுத்துள்ளது. 2017-18 வரவு-செலவு திட்டத்தில் தகுதிவாய்ந்த ஸ்டார்ட்அப்களுக்குக் கிடைக்கும் லாபத்துடன் இணைக்கப்பட்ட விலக்குகளின் காலத்தை இந்திய அரசு 7 ஆண்டுகளாக உயர்த்தியுள்ளது.

• மூலதன ஆதாயங்களுக்கு வரி விலக்கு: நிதிச் சட்டம், 2016 இன் கீழ் பிரிவு 54 EE அறிமுகப்படுத்தப்பட்டுள்ளது. இது மத்திய அரசால் அறிவிக்கப்பட்ட நிதியில் முதலீடு செய்யப்பட்ட நீண்டகால மூலதன சொத்தை மாற்றுவதன் மூலம் எழும் ரூபாய் 50 லட்சம் வரை மூலதன ஆதாயத்திற்கு விலக்கு அளிக்கிறது.

• ஏஞ்சல் வரி நீக்கம். ஸ்டார்ட்அப்களுக்கு நியாயமான சந்தை மதிப்பு (அல்லது ஏஞ்சல் வரி)க்கு மேல் முதலீடுகளுக்கு வரி விலக்கு அளிக்கப்பட்டுள்ளது.

புதுமை சார்ந்த ஸ்டார்ட்அப்களை ஆதரிப்பதற்காக ரூபாய் 10,000 கோடி மதிப்புள்ள நிதியை சிறு தொழில் மேம்பாட்டு வங்கியால் (SIDBI) நிர்வகிக்கப்படுகிறது.இந்நிதி ஸ்டார்ட்அப் நிறுவனங்களில் முதலீடு செய்யும்.

ஸ்டார்ட்அப் இந்தியா, ஸ்டார்ட்அப்கள் மற்றும் ஆர்வமுள்ள தொழில்முனைவோருக்கு கல்வி கற்பிப்பதற்காக ஒரு ஊடாடும் நிகழ்நிலை கற்றல் மற்றும் மேம்பாட்டு தொகுதியை அறிமுகப்படுத்தியுள்ளது. 2,30,000 க்கும் மேற்பட்ட விண்ணப்பதாரர்கள் இந்தப் பாடநெறிக்காகப் பதிவு செய்துள்ளனர், அதில் 10,000 க்கும் மேற்பட்ட விண்ணப்பதாரர்கள் 100% பாடத்திட்டத்தை வெற்றிகரமாக முடித்துள்ளனர்.

குஜராத் மாநிலத்தின் காந்திநகரில் உள்ள காந்திநகர் இந்திய தொழில்நுட்பக் கழகத்தில் ரூபாய் 40 கோடி செலவில் ஸ்டார்ட் அப் நிறுவனங்களுக்கான ஆராய்ச்சி பூங்கா அமைக்கப்பட்டுள்ளது.