நேரடிப் பலன் பரிமாற்றம்

நேரடிப் பலன் பரிமாற்றம் (DBT)
நாடு	இந்தியா
பிரதமர்	மன்மோகன் சிங் & நரேந்திர மோதி
Ministry	நேரடிப் பலன் மாற்ற இயக்கம் (DBT Mission), நடுவண் தலைமைச் செயலகம்
துவங்கியது	1 சனவரி 2013; 12 ஆண்டுகள் முன்னர்
தற்போதைய நிலை	செயற்பாட்டில்
இணையத்தளம்	dbtbharat.gov.in

நேரடி பலன் பரிமாற்றம் (Direct Benefit Transfer சுருக்கமாக:DBT), இந்திய அரசு வழங்கும் மானியங்கள் மற்றும் நிதியுதவித் தொகைகள் பயனர்களின் வங்கிக் கணக்கில் நேரடியாக செலுத்தும் முறையாகும். இதனால் இடைத்தரகர்கள் இன்றி பயனர்கள் முழு உதவித் தொகை பெற முடிகிறது.^[1]^[2]^[3]^[4] இத்திட்டத்தை இந்தியப் பிரதமர் மன்மோகன் சிங் அரசால் 1 சனவரி 2013ஆம் ஆண்டில் துவக்கப்பட்டது. இத்திட்டத்தை முழுவீச்சில் நடைமுறைப்படுத்தியவர் பிரதமர் நரேந்திர மோதி ஆவார். இத்திட்டப் பயனர்கள் ஜன் தன் திட்டத்தின்படி, அரசுடமை வங்கிகளில் சேமிப்பு கணக்கு வைத்திருக்க வேண்டும். மேலும் ஆதார் அடையாள அட்டை மற்றும் அலைபேசி எண் வங்கி கணக்குடன் இணைந்திருக்க வேண்டும்.^[5]^[6]^[7]

துவக்க காலத்தில் இந்திய அரசின் பிரதான் மந்திரி கிசான் சம்மான் நிதி போன்ற சில திட்டங்களில் பயனர்களுக்கு நேரடி நிதிப் பரிமாற்றம் செய்யப்பட்டது.^[8]^[9]^[10]

திட்டங்களும் நேரடிப் பலன் பரிமாற்றத் தொகையும்

ஏப்ரல் 2022 முதல் மார்ச் 2023 முடிய நேரடி பலன் பரிமாற்றம் மூலம் பயனர் வங்கிக் கணக்கில் செலுத்தப்பட்ட தொகை விவரம்^[11].

அமைச்சகங்களும் திட்டங்களும் மற்றும் நேரடி பலன் பரிமாற்றத் தொகைகளும்
அமைச்சகம்	திட்டம்	நேரடி பலன் பரிமாற்றத் தொகை (கோடிகளில்)
பெட்ரோலியம் மற்றும் இயற்கை எரிவாயு அமைச்சகம்	உஜ்வாலா எரிவாயு உருளை மானியத் திட்டம் (LPG Scheme)	7,34,4334
உணவு & பொது விநியோக அமைச்சகம்	பொது விநியோகத் திட்டம்	1,85,573.28
ஊரக வளர்ச்சி அமைச்சகம்	நூறு நாள் வேலைவாய்ப்புத் திட்டம்^[12]	42,534
ஊரக வளர்ச்சி அமைச்சகம்	சமூகப் பாதுகாப்பு & ஓய்வூதியத் திட்டம்^[13] (National Social Security and Pension Scheme NSAP)	537.10
சிறுபான்மையினர் நலத்துறை அமைச்சகம்	கல்வி உதவித் தொகை	1,916.79
சமூக நீதி மற்றும் அதிகாரமளித்தல் அமைச்சகம்	கல்வி உதவித் தொகை	702.44
மகளிர் மற்றும் குழந்தைகள் மேம்பாட்டு அமைச்சகம்	மகளிர் & குழந்தைகள் நலத்திட்டங்கள்	1,523.75
இரசாயனங்கள் மற்றும் உரங்கள் அமைச்சகம்	உர மானியம்	18,699.89
வேளாண்மை அமைச்சகம்	பிரதான் மந்திரி கிசான் சம்மான் நிதி (PM-KISAN)	22,106.14
பிற அமைச்சகங்கள்	ஆயுஸ்மான் பாரத் மருத்துவக் காப்பீட்டுத் திட்டம் போன்ற 74 நலத் திட்டங்கள்	1,175.58