காஞ்சிபுரம் இராமேசம் / இலட்சுமீசம். பெயர் பெயர் :காஞ்சிபுரம் இராமேசம் / இலட்சுமீசம். அமைவிடம் ஊர் :காஞ்சிபுரம் மாவட்டம் :காஞ்சிபுரம் மாநிலம் :தமிழ்நாடு நாடு :இந்தியா கோயில் தகவல்கள் மூலவர் :இராமேஸ்வரர், இலட்சுமீஸ்வரர்.
காஞ்சிபுரம் இராமேசுவரர், இலட்சுமீசுவரர் கோயில் (இராமேசம் - இலட்சுமீசம்) என்றழைக்கப் பெற்ற இது, காஞ்சிபுரத்திலுள்ள சிவக்கோயில்களில் ஒன்றாகும். இது, சர்வ தீர்த்தம் (குளத்தின்) தெங்கரையில் தாபிக்கப்பட்டுள்ளது. மேலும், இக்கோயில் பற்றிய குறிப்புகள் காஞ்சி புராண படலத்துள் உட்கோயில்களாகச் சொல்லப்பட்டுள்ளது.[ 1]
இறைவர்: இராமேஸ்வரர், இலட்சுமீஸ்வரர்.
வழிபட்டோர்: இராமர் , லட்சுமி .
இராமர் வழிபட்டதாக சொல்லப்படுவது இராமேசம் கோயில் என்றும், இலட்சுமி வழிபட்டதாக சொல்லப்படுவது லட்சுமீசம் என்றும் வழங்குகிறது.[ 2]
பாடல் : (1) (இராமேச்சரம் - பரமாநந்த மண்டபம் )உருவமென் கமலம் பூத்த உயர்சிவ கங்கைத் தென்பால் திருவிரா மேச்ச ரத்துச் சிவபிரான் திருமுன் னாக
இருவினைப் பிறவிக் கஞ்சி எய்தினோர்க் குறுபே ரின்பம்
மருவுறும் பரமா நந்த மண்டபம் ஒன்று மாதோ. வடிவுடைய மெல்லிய தாமரை மலர்கள் கெழுமிய உயர்ந்த சிவ கங்கையின் தென் திசையில் உள்ள திருவிராமேச்சரத்தில் சிவபிரான்
திருமுன்னாக இருவகையாய வினையால்வரும் பிறவியை அஞ்சி அடைந்தவர்க்கு உறுகின்ற பேரின்பம் பொருந்தும் பரமானந்த மண்டபம்
ஒன்று; மண்டபம் இனைய மூன்றும் வைகறை எழுந்து நேசங் கொண்டுளம் நினையப் பெற்றோர் உணர்வெலாங் கொள்ளை கொண்ட
பண்டைவல் வினையின் வீறும் பற்றிய மலங்கள் மூன்றும்
விண்டுபே ரின்ப வெள்ள வேலையில் திளைத்து வாழ்வார். இம் மூன்று மண்டபங்களையும் வைகறையில் எழுந்து விருப்பம் வைத்து உள்ளத்தில் எண்ணப் பெற்றோர் தம் அறிவு முழுதினையும்
அகப்படுத்த பழைய வலிய வினையினுடைய செருக்கையும், பற்றிய மலங்கள் மூன்றனையும் நீங்கிப் பேரின்பக் கடலில் துளைந்து வாழ்வார்.[ 3]
தமிழ்நாட்டிலுள்ள காஞ்சிபுரம் மாவட்டத்தின் தலைநகரான காஞ்சிபுரத்தின் மேற்குப் பகுதியில் வேலூர் செல்லும் சாலையிலுள்ள சர்வதீர்த்தத்தின் (குளத்தின்) தென்கரையில் மல்லிகார்சூனர் கோயிலையடுத்துள்ளது. மேலும், தமிழ்நாட்டின் தலைநகர் சென்னையிலிருந்து 75 கிலோமீட்டர் தொலைவிலுள்ள, காஞ்சிபுரம் பேருந்து நிலையத்தின் தென்மேற்கு திசையில், சுமார் 1 கிலோமீட்டர் தொலைவிலுள்ளது. மற்றும் காஞ்சி பேருந்து நிலையத்திலிருந்து, காஞ்சி கச்சபேசுவரர் கோயிலின் வழியாக காஞ்சி சங்கர மடத்தை கடந்து சற்று தூரம் சென்றால் இந்த மண்டபத்தை அடையலாம்.[ 4]
வகை படுத்தப்பட்டவை பாடல்பெற்றவை பிற
