Актаныш технология техникумы

Актаныш технология техникумы
Нигезләнү датасы	1975
Дәүләт	Россия
Административ-территориаль берәмлек	Идел буе федераль округы, Татарстан, Актаныш районы һәм Актаныш
Идарә итүче орган	Татарстан Республикасы Мәгариф һәм фән министрлыгы
Адрес	423740, Россия Федерациясе, Татарстан республикасы, Актаныш районы, Актаныш авылы, Ленин проспекты, 61 йорт
Рәсми веб-сайт	edu.tatar.ru/aktanysh/org6177

Актаныш технология техникумы, «Актаныш технология техникумы» дәүләт автоном һөнәри мәгариф оешмасы (рус. Актанышский технологический техникум) — Татарстанның Актаныш районы үзәге Актаныш авылында (1988-1991 елларда эшчеләр бистәсе) урнашкан махсус урта белем бирүче уку йорты. Гамәлгә куючысы (2013 елдан) — Татарстан мәгариф һәм фән министрлыгы^[1].

1975 елда Бөгелмә районы Карабаш эшчеләр бистәсендә урнашкан 40нчы санлы Карабаш урта һөнәри техник уку йорты (СПТУ) базасында «12нче санлы һөнәри техник уку йорты» (ПТУ) буларак оештырылган^[2].

1977 елның 11 апреленнән «12нче санлы Актаныш авыл урта һөнәри техник уку йорты» (ССПТУ).

1983 елдан «80нче санлы урта һөнәри техник уку йорты» (СПТУ).

1994 елдан «Актаныш районының 80нче санлы һөнәри уку йорты» (ПТУ)^[3].

2007 елда «80нче санлы һөнәри уку йорты» дәүләт бюджеттагы башлангыч һөнәри белем бирүче уку йорты ТР хезмәт, мәшгульлек һәм социаль яклау министрлыгы карамагына күчерелә^[4].

2011 елдан лицей — «80нче санлы һөнәри лицей» дәүләт автоном башлангыч һөнәри белем бирүче уку йорты^[5].

2013 елдан техникум — «Актаныш технология техникумы» дәүләт автоном урта һөнәри белем бирүче уку йорты (ГАОУ СПО) ^[6]. 2013 елдан гамәлгә куючысы — Татарстан мәгариф һәм фән министрлыгы^[7].

2014 елда «Актаныш технология техникумы» дәүләт автоном урта һөнәри белем бирүче уку йорты (ГАОУ СПО) «Актаныш технология техникумы» дәүләт автоном һөнәри мәгариф оешмасы (ДАҺМУ, ГАПОУ) итеп үзгәртелә^[8].

• Авыл хуҗалыгы җитештерүе тракторчы-машинисты — 9 сыйныфтан соң, уку вакыты 2 ел, 10 ай (торып уку);
• Терлекчелек остасы (мастер) — 9 сыйныфтан соң, уку вакыты 2 ел, 10 ай (торып уку);
• Авыл хуҗалыгын электрлаштыру һәм автоматлаштыру — 9 сыйныфтан соң, уку вакыты 3 ел, 10 ай (торып уку);
• Авыл хуҗалыгын механикалаштыру — 9 сыйныфтан соң, уку вакыты 3 ел, 10 ай (торып уку);
• Җәмәгать туклануы системалары азык-төлек технологиясе — 9 сыйныфтан соң, уку вакыты 3 ел, 10 ай (торып уку);
• Икътисад һәм бухгалтер хисабы — 9 сыйныфтан соң, уку вакыты 2 ел, 10 ай (торып уку);
• Тегү җиһазлары операторы (тегүче) — 8нче төр коррекция мәктәбе базасында, уку вакыты 2 ел (торып уку). 2017-2018 уку елында кабул итү юк.

Уку бинасы 1977 елда 440 укучы урынына исәпләп төзелгән. 1992 елда бина өстәмә 180 укучы урынына киңәйтелгән. 168 урынлык тулай торагы бар^[9].

• 1975-1977 — Инсаф Гыйлемҗан улы Андерьянов
• 1977-1982 — Марс Гали улы Шәйхин
• 1982-1987 — Ясур Фәрухҗан улы Әхтәмов
• 1987-2003 — Баязит Шәймәрдан улы Мөхәммәтов
• 2003-2009 — Фидания Кәндел кызы Фәтхиева
• 2009-2015 — Клара Разетдин кызы Вәлиева («Ел директоры-2011»)
• 2015-2016 — Таһир Зиннур улы Әхмәев
• 2017 елдан ― Ләйсән Фоат кызы Нурлыева
• 2020 елдан ― Ландыш Җәүдәт кызы Шәмсунова ^[10]

35 ел эчендә уку йорты 14 меңнән артык белгеч әзерләгән, шул исәптән 5 111 тракторчы-машинист, 5 626 шофер, 213 комбайнчы, 1 039 аш-су остасы, 208 сыер саву операторы, 303 ташчы, 25 штукатур-буяучы, 24 төзүче, 92 сугару остасы, 95 сатучы, 593 авыл хуҗалыгы бухгалтеры, 379 тегүче, 122 эретеп ябштыручы, 32 терлекчелек остасы, 15 чәчәк үстерүче, 18 мәдәниятне оештыручы, 25 ветеринария хезмәткәре, 20 токарь, 61 электромонтер, 25 социаль хезмәткәр.

1. Татарский энциклопедический словарь. Казань: Институт татарской энциклопедии АН РТ, 1999. ISBN 0-9530650-3-0

• Уку йортының «Татарстан республикасы электрон мәгарифе» порталындагы бите(үле сылтама)
• Техникум сайты 2018 елның 7 март көнендә архивланган.