Буа ветеринария техникумы

Буа ветеринария техникумы
Тармак	ветеринария
Нигезләнү датасы	1931[1]
Дәүләт	Россия
Административ-территориаль берәмлек	Буа, Буа районы һәм Татарстан
Ана ширкәт	Татарстан Республикасы Мәгариф һәм фән министрлыгы
Адрес	422430, Россия Федерациясе, Татарстан Республикасы, Буа шәһәре, Төньяк Коммуна урамы, 36 йорт[2] һәм 422430, Россия Федерациясе, Татарстан Республикасы, Буа шәһәре, Төньяк Коммуна урамы, 41 йорт[3]
Рәсми веб-сайт	edu.tatar.ru/buinsk/org6192

Буа ветеринария техникумы, «Буа ветеринария техникумы» дәүләт автоном һөнәри белем учреждениесе^[4] (рус. Буинский ветеринарный техникум) — Татарстанның Буа шәһәрендә (1780 елдан өяз шәһәре) урнашкан махсус урта белем бирүче уку йорты.
Гамәлгә куючы (2013 елдан) — Татарстан мәгариф һәм фән министрлыгы^[5].

1931 елда, урта буын ветеринария белгечләре хәзерләү максаты белән, Татнаркомзем коллегиясе карары^[6] буенча оештырылган.

РФ авыл хуҗалыгы министрлыгы фәрманы^[7] белән статусы «Буа ветеринария институты» федераль урта һөнәри белем бирү дәүләт оешмасы итеп үгәртелә.

2005 елда РФ мәгариф һәм фән министрлыгы карамагына күчерелә.

2017-2018 уку елына Буа ветеринария техникумына ТР мәгариф һәм фән министрлыгы фәрманы^[8] буенча 195 студент кабул ителә.

• Гомуми төзелеш эшләре остасы
• Электр җиһазларын ремонтлау һәм файдалану буенча электромонтер
• Аш-су остасы, кондитер
• Газ белән тәэмин итү корылма һәм системаларын монтажлау һәм файдалану
• Ветеринария
• Икътисад һәм бухгалтер исәп-хисабы

1907-1910 елларда Сембер губернасы Буа өяз шәһәренең элекке Зур Поп урамы белән Зират урамнары (хәзерге Төньяк Коммуна һәм Космовский урамнары) чатында кызыл кирпечтән төзелгән. Архитектор — Ф.О. Ливчак (1878-1919). Бина бизәлешендә XX гасыр башы сәнәгать модерны, эклектика һәм ампир стильләре кулланылган, төп керү юлының һәм фронтоны булган үзәк ризалитның корылышында готик архитектура мотивлары бар.

Бинада 1907-1919 елларда Буа түбән баскыч һөнәр мәктәбе (1899 елда ачылган), 1919-1931 елларда Буа һөнәри эшчеләр мәктәбе, 1931 елдан Буа ветеринария техникумы урнаша^[9].

• 1931-????
• ????-????
• 1990-1998 ― Илгизәр Гафиятулла улы Зәйнуллин.
• 1998-2015 — Вәгыйзь Сәгыйть улы Сөнгатов (1949), педагогия фәннәре кандидаты^[10].
• 2015-2025 — Илдар Мәҗит улы Гыйниятуллин.^[11]

85 ел эчендә 18 меңнән артык белгеч (шул исәптән, 12 000 ветеринария фельдшеры, 4 000 зоотехник, 150 фермер, 1 020 бухгалтер, 1 меңнән артык юрист, 500 газ буенча техник) әзерләнгән^[12]. Буа ветеринария техникумын тәмамлаучылар КГАВМ, Социаль мәгариф академиясе (элекке КСЮИ), ИСГЗ, КНИТУ, Татар агробизнес институты кебек югары уку йортларында укуларын дәвам итә ала.

• Газыйм Җиһанша улы Идрисов (1938), ТР ФА академигы, ТР дәүләт бүләге иясе, ветеринар-патологоанатом.
• Галимҗан Фазылҗан улы Кәбиров
• Азат Миргасыйм улы Алимов (1946), ветеринария фәннәре докторы, эпизоотолог.
• Аркадий Василий улы Иванов
• Иван Николай улы Никитин (1934), ТР дәүләт бүләге иясе, ветеринария фәннәре докторы, профессор, эпизоотолог.
• Шамил Әсгат улы Мостаев (1929-2012), ТАССР финанс министры (1969-1984), ТАССР Югары шурасы президиумы рәисе (1986-1990), РСФСР атказаган икътисадчысы һ.б.^[13]

1. В.С. Сунгатов. Академия Жизни (к 75-летию Буинского ветеринарного техникума).

• Уку йортының «Татарстан Республикасы электрон мәгарифе» порталындагы сәхифәсе 2020 елның 27 сентябрь көнендә архивланган.
• Энциклопедия «Одарённые дети - будущее России» 2020 елның 7 август көнендә архивланган.
• Буа ветеринария техникумы турында (видео, 5:19)
• Штрихи к портрету. Буинский ветеринарный техникум (видео, 24:07)