Түбән Кама керәшеннәре сөйләшенең зәй урынчылыгы

	Түбән Кама керәшеннәре сөйләшенең зәй урынчылыгы
Үзисем:	татарча
Илләр:	Россия
Төбәкләр:	Татартстан Зәй районы Әлмәт районы
Классификация
Төркем:	Алтай телләре Төрки телләр Кыпчак төркеме Идел-кыпчак телләре Татар теле Урта диалект Түбән Кама керәшеннәре сөйләше

Түбән Кама керәшеннәре сөйләшенең зәй урынчылыгы — татар теленең урта диалектына караган Түбән Кама керәшеннәре сөйләшләре төркеме урынчылыгы. Үз атамасын Зәй исеменнән ала, элек бу территорияләр Минзәлә өязенә кергән.

Таралышы

Түбән Кама керәшеннәре сөйләшенең зәй урынчылыгы Зәй районы Сəвəлəй, Якты Күл, Сарапала, Төгей, Әлмәт районы Илтән-Бота, Васильевка, Кәләй керәшен авылларында таралган.^[1]

Үзенчәлекләре

Чишмә-Зәй елгалары арасында яшәүче керәшеннәрнең формалауында ике этномәдәни ареал катнашуы билгеле. Урта диалектка караса да, тел үзенчәлекләре буенча бу урынчылык татар теленең мишәр диалектына якын тора. Монда мишәр диалекты вәкилләре дә килеп утырган. Элек күп кенә авылларда чуашлар, мордвалар да яшәгән, ләкин бүгенге көндә алар тулысынча татарлашканнар. Мәсәлән, Сәвәләй авылында бик өлкән яшьтәге кешеләр генә үзләренең чыгышы белән чуаш икәнлекләрен әйтәләр һәм кайбер җырларны татар һәм чуаш телләрендә башкаралар. Бу төркем чистай керәшеннәре белән казан-татар мәдәни үзенчәлекләре булган керәшен татарлары арасында торалар.

Искәрмәләр

↑ История и культура татар-кряшен (XVI–ХХ вв.): коллективная моногра-фия. – Казань: Институт истории им. Ш.Марджани АН РТ, 2017. – 960 с. + 36 с. цв. вкл.

Чыганаклар

Татар халык сөйләшләре: Ике китапта: Беренче китап / Ф. С. Баязитова, Д. Б. Рамазанова, Т. Х. Хәйретдинова һ.б. — Казан: Мәгариф, 2008. — 463 б.
Рамазанова Д. Б. Татар теленең Урта Кама тирәсендә таралган сөйләшләре: дис.канд. филол. наук. Казан, 1968. 519 б.