Уладзімір Аляксандравіч Шаталаў

Уладзімір Аляксандравіч Шаталаў
руск.: Владимир Александрович Шаталов
Род дзейнасці	лётчык, касманаўт, пісьменнік, ваенны, палітык
Дата нараджэння	8 снежня 1927(1927-12-08)[1]
Месца нараджэння	Петрапаўлаўск, Петрапаўлаўскі павет[d], Акмолінская губерня[d], КазАССР, РСФСР, СССР
Дата смерці	15 чэрвеня 2021(2021-06-15)[2] (93 гады)
Месца смерці	Масква, Расія[3]
Грамадзянства	Расія
Бацька	Aleksandr Shatalov[d]
Альма-матар	Ваенна-паветраная акадэмія імя Ю. А. Гагарына (1956) Качынскае вышэйшае ваеннае авіяцыйнае вучылішча лётчыкаў[d] (1949)
Партыя	КПСС
Прыналежнасць	СССР
Узнагароды і прэміі	Залаты медаль імя К. Э. Цыялкоўскага[d] Залаты медаль імя Ю. А. Гагарына[d] (1971) Medal Brotherhood in Arms[d]
Медыяфайлы на Вікісховішчы

Уладзімір Аляксандравіч Шаталаў (руск.: Влади́мир Алекса́ндрович Шата́лов; 8 снежня 1927, Петрапаўлаўск, Казахстан — 15 чэрвеня 2021) — савецкі касманаўт, генерал-лейтэнант авіяцыі. Двойчы Герой Савецкага Саюза (1969 — двойчы). Заслужаны майстар спорту СССР (1969), кандыдат тэхнічных навук (1972).

Скончыў спецыяльную школу ВПС у 1945 годзе, Качынскае вышэйшае ваенна-авіяцыйнае вучылішча ў 1949 годзе, Ваенна-паветраную акадэмію ў 1956 годзе. У 1963-91 гадах у Цэнтры падрыхтоўкі касманаўтаў імя Ю. А. Гагарына (з 1987 года — начальнік). 14-17 студзеня 1969 года здзейсніў палёт на касмічным караблі (КК) «Саюз-4» (стыкоўка з КК «Саюз-5»), 13-18 кастрычніка 1969 года з А. С. Елісеевым — палёт на КК «Саюз-8», 23-25 красавіка 1971 года з Елісеевым і М. М. Рукавішнікавым — палёт на КК «Саюз-10» (стыкоўка з арбітальнай станцыяй «Салют»), ва ўсіх палётах як камандзір. У космасе правёў 9,9 сутак. Дзяржаўная прэмія СССР (1981). Залаты медаль імя К. Э. Цыялкоўскага АН СССР і медаль Гагарына (ФАІ). Яго імем названы кратар на адваротным баку Месяца.

• Беларуская энцыклапедыя: У 18 т. Т. 17: Хвінявічы — Шчытні / Рэдкал.: Г. П. Пашкоў і інш. — Мн. : БелЭн, 2003. — Т. 17. — 512 с. — 10 000 экз. — ISBN 985-11-0035-8. — ISBN 985-11-0279-2 (т. 17).