Герман Сцяпанавіч Цітоў

Герман Сцяпанавіч Цітоў
Краіна:	СССР[1][2]  Расія
Воінскае званне:	генерал-палкоўнік, генерал-палкоўнік авіяцыі[d] і Савецкая гвардыя
Дата нараджэння:	11 верасня 1935(1935-09-11)[3][4][…]
Месца нараджэння:	Verkh-Zhilino[d], Касіхінскі раён, Заходне-Сібірскі край[d], РСФСР, СССР
Дата смерці:	20 верасня 2000(2000-09-20)[4][5][…] (65 гадоў)
Месца смерці:	Масква, Расія[6]
Аўтограф:
Узнагароды:	Заслужаны спецыяліст Узброеных Сіл СССР[d] (15 жніўня 1991)
Медыяфайлы на Вікісховішчы

Герман Сцяпанавіч Цітоў (11 верасня 1935, Полкаўнікава, Алтайскі край — 20 верасня 2000, Масква) — савецкі касманаўт, другі савецкі чалавек у космасе, Герой Савецкага Саюза (9 жніўня 1961). Дублёр Юрыя Гагарына.

Прызначаны ў атрад касманаўтаў у 1960. Абраны пілотам другога касмічнага карабля «Усход-2», запушчанага ў жніўні 1961. 6-7 жніўня 1961 г. Герман Цітоў здзейсніў касмічны палёт працягласцю 1 суткі 1 гадзіну, зрабіў 17 абаротаў вакол Зямлі, праляцеў больш за 700 тысяч кіламетраў.

У палёце меў пазыўныя «Арол». Спушчальны апарат прызямліўся паблізу горада Чырвоны Кут Саратаўскай вобласці.

На момант палёту Герману Цітову было без аднаго месяца 26 гадоў, дзякуючы чаму ён з’яўляецца самым маладым з усіх касманаўтаў, якія пабывалі ў космасе. Пасля палёту Цітоў удзельнічаў у розных касмічных праграмах, пакуль у 1992 годзе пайшоў у адстаўку.

Член КПСС з 1961 года, дэпутат Вярхоўнага Савета СССР (1962—1970).

Балатаваўся ў першым (1993) і другім (1995) скліканнях у Дзяржаўную Думу ад КПРФ. 14 мая 1995 года перамог на давыбарах у Каломенскай акрузе. Уваходзіў у фракцыю КПРФ у першым і другім скліканнях.

Сканаў ад сардэчнага прыступу 20 верасня 2000 года.