Мартин Касерес
Хосе Мартин Касерес Силва (роден на 7 април 1987 во Монтевидео) — уругвајски фудбалер, играч од одбраната на Либертад и поранешен уругвајски репрезентативец. Во својата кариера тој освоил „тројна круна“ со Барселона во сезоната 2008-2009, која се состоела од шпанското првенство, Купот на Шпанија и Лигата на шампионите; покрај тоа, тој исто така освоил 6 италијански првенства (во периодот меѓу 2012 и 2019 година), 2 Купа на Италија (2015 и 2016) и 3 Суперкупа на Италија (2012, 2013 и 2015) со Јувентус, и МЛС лигата (2024) со Лос Анџелес Галакси. Со уругвајската репрезентација тој ја освоил Копа Америка во Аргентина 2011 и учествувал на изданијата во 2019 и 2021, а исто така учествувал и на четири Светски првенства во Јужна Африка 2010, Бразил 2014, Русија 2018 и Катар 2022, како и на Купот на конфедерации во Бразил 2013. БиографијаТој бил наречен „El Pelado“ (во превод: Келавиот), прекар што произлегол од фактот дека како дете неговата мајка му ја избричила главата.[3] Касерес пораснал во соседството Сајаго, откако неговите родители Миријам и Хосе се преселиле во главниот град Монтевидео, напуштајќи го Саранди дел Ји за да бараат можности за работа. Уште од мал бил во врска со Наталија Сомаруга, соученичка во средното училиште каде што учел; со неа бил во брак и има две деца, Мартина (р. 2006) и Леон (р. 2014). Двојката се разделила во 2019 година. Технички карактеристики Централен дефанзивец, кој може да игра на која било позиција во одбраната, без оглед дали во формација со четири или со тројца играчи, а понекогаш бил користен и како страничен играч од средниот ред со пет играчи.[4] Неговите силни страни се храброста и карактерот.[5] Масимилијано Алегри, кога ги опишувал неговите карактеристики, за него рекол дека е дефанзивец кој ужива да го доведе противникот во дуел еден на еден, и дека има одлична техника во играта со нога.[6] Сигурен фудбалер, со одлична концентрација што ретко му дозволува да направи грешка во пристапот кон натпреварите. Исто така, неговите соиграчи од Јувентус го опишале како многу добар човек во соблекувалната.[7] Клупска кариераРани годиниТој ја започнал својата кариера во татковината со Дефенсор Спортинг, тим чијшто капитен станал на само деветнаесет години. Во две години, тој одиграл вкупно 26 натпревари, постигнувајќи 4 гола во уругвајското првенство. На почетокот на февруари 2007 година, тој потпишал за шпанскиот клуб Виљареал, на кој му се приклучил во јуни истата година откако неговиот договор со Дефенсор истекол. По пристигнувањето во Виљареал, Касерес веднаш бил испратен на позајмица во новопромовираниот клуб во Примера Дивисион, Рекреативо Уелва, и бил еден од најмногу користените играчи за време на сезоната 2007-2008 во шпанското првенство: одиграл 2988 минути, најчесто како партнер на португалецот Бето во срцето на одбраната. На 9 јануари 2008 година, тој постигнал гол против екипата со која бил под договор, Виљареал, во победата со 1-0 во Купот на Шпанија, иако Уелва била елиминирана со вкупен резултат 1-2. Сезоната ја завршил со 36 настапи и 3 гола (комбинирано во првенството и купот), помогајќи за останувањето на андалусијците во Примера, Барселона и ЈувентусНа 4 јуни 2008 година, Барселона ги обезбедила неговите услуги, плаќајќи 16,5 милиони евра за неговиот трансфер и вклучувајќи клаузула за ослободување од 50 милиони евра со важност до крајот на 2012 година.[8] Во сезоната 2008-2009, неговата единствена со „Блауграна“, тој нашол многу малку простор за игра поради големата конкуренција составена од Рафаел Маркес, Жерар Пике и Карлес Пујол,[9] завршувајќи го своето искуство во Каталонија со 14 настапи во лигата, 7 во Купот на Шпанија и 3 во Лигата на шампионите, но придонесувајќи, иако како спореден актер, во освојувањето на историската „тројна круна“.[10] На 7 август 2009 година, бил официјализиран неговиот трансфер од Барселона во Јувентус, на позајмица со опција за откуп поставена на 12 милиони евра. Својата авантура во клубот ја започнал одлично, постигнувајќи гол на своето деби за „бјанконерите“, со кој го отворил резултатот во натпреварот добиен со 2-0 против Лацио на Олимпико на 12 септември. Со текот на времето, тој успеал да си обезбеди простор да игра како стартер, главно по десната страна во одбраната, искористувајќи ги постојаните повреди на Џонатан Зебина и победувајќи ја конкуренцијата од Зденек Григера; во подоцнежниот дел од сезоната, проблемите со пубалгија го принудиле да остане надвор од теренот неколку месеци. На крајот од позитивната сезона на индивидуално ниво, Јувентус одлучиле да не го откупат поради високата цена,[11] по што, играчот се вратил во Каталонија. СевиљаНа 30 август 2010 година, Касерес се приклучил на Севиља на позајмица од Барселона до крајот на сезоната, со опција за откуп.[12] Тој играл редовно во тимот предводен од тренерот Грегорио Мансано, особено откако десниот бек Абдулај Конко го напуштил клубот и се вратил во Џенова, во јануари 2011 година. Сепак, на 1 мај 2011 година, Касерес претрпел тешка повреда по дуел со Михаел Јакобсен во натпреварот против Алмерија, по што тој чувствувал болка во бубрезите; како резултат на опасниот старт данецот добил директен црвен картон, а за Касерес првично било објавено дека ќе го пропушти остатокот од сезоната, но тој чудесно се опоравил за последните два натпревари, помагајќи Севиља да заврши на петтото место и да се избори за место во УЕФА Лига Европа за следната сезона. Сезоната ја завршил со 25 настапи и еден постигнат гол. На 31 мај 2011 година, Севиља се согласила да плати 3.000.000 евра, плус уште 1,5 милион евра во зависност од перформансите на тимот во идните сезони, на Барселона за да обезбеди трајно останување на Касерес на стадионот „Рамос Санчес Пизхуан“. Сепак, следната сезона тој одиграл 14 натпревари и постигнал еден гол во првенството, пред да си замине во јануари 2012 година, и да се врати во Јувентус, на позајмица со опција за откуп.[13] Враќање во Јувентус На 27 јануари 2012 година, по желба на самиот играч[14] и со помош на неговиот агент Даниел Фонсека (кој во минатото исто така го носел дресот на Јувентус),[15] Касерес се вратил во Јувентус на нова позајмица.[16] Своето второ деби со клубот го имал на 8 февруари, во првиот натпревар од полуфиналето на Купот на Италија во гости против Милан, и интересно исто како и првиот пат, тој повторно на своето деби постигнал гол за Јувентус, со таа разлика што овојпат ги постигнал и двата гола кој на тимот од Торино му донеле победа од 2-1.[17] На 25 март, тој го постигнал својот следен гол, негов прв во Серија А по враќањето во Јувентус, во уште еден многу важен натпревар - Дербито на Италија - добиено со 2-0 на домашен терен против Интер. На крајот од првенството, тој го освоил својот прв трофеј со Јувентус, скудетото, кое пристигнало на неутрален терен во Трст на 6 мај 2012 година, на едно коло пред крајот, благодарение на победата од 2-0 над Каљари и истовремениот пораз на нивниот главен конкурент Милан во градското дерби.[18][19][20] Овој триумф ја активирал договорната клаузула во врска со обврската за откуп,[16] по што на 25 мај[21] Јувентус го откупил Касерес за 8 милиони евра.[16] Повреда здобиена во летото 2012 година, за време на Трофејот TIM, го принудила уругваецот да го пропушти успехот на Јувентус во Суперкупот на Италија, освоен со победа над Наполи во Кина.[22][23] Против истиот противник, со удар со глава, на 20 октомври, тој го постигнал својот прв гол за сезоната, во победата со 2-0 во првенството.[24] На 5 мај 2013 година, благодарение на победата на Јувентус од 1-0 пред својте навивачи над Палермо, тие го освоиле своето второ последователно скудето на три натпревари до крајот.[25] Сезоната 2013-2014 не започнала на најдобар начин за Касерес, кој бил принуден да го пропушти првиот дел од сезоната поради повреда, враќајќи се во акција на крајот на октомври за натпреварот од Лигата на шампионите на гости против Реал Мадрид. Во текот на сезоната, неговите настапи се зголемиле, особено во европските натпреварувања, додека својот единствен гол во сезоната го реализирал на 18 декември 2013 година, во Купот на Италија против екипата од Серија Б, Авелино.[26] На 4 мај 2014 година, по победата на Катанија над главниот конкурент на „бјанконерите“ за титулата - Рома, на три кола до крајот, уругваецот го прославил со соиграчите третото последователно скудето на Јувентус.[27] Како и во претходните сезони, и во првиот дел од сезоната 2014-2015, Касерес бил жртва на повреда, овојпат здобиена во победата со 3-2 на домашен терен против Рома на почетокот на октомври, поради која отсуствувал три месеци.[28] На 11 јануари 2015 година, по неговото враќање на терените, тој го постигнал вториот гол за Јувентус во победата од 3-1 над Наполи;[29] Сепак, неколку месеци подоцна, тој доживеал нова повреда што му ја завршила сезоната предвреме.[30] Поради ова, тој го пропуштил финалето на Лигата на шампионите, што требало да биде второ за него по тоа со Барселона пет години порано, загубено токму од каталонците, иако на крајот на сезоната го освоил четврото скудето со клубот и првиот Куп на Италија. Во сезоната 2015-2016, тој играл како стартер во првиот натпревар од кампањата, Суперкупот на Италија, освоен со 2-0 во Шангај против Лацио.[31] Ноќта помеѓу 28 и 29 септември 2015 година, тој бил вклучен во сообраќајна несреќа во Торино, од која излегол неповреден; сепак, откако наодот за ниво на алкохол во крвта бил над законската граница,[32] Јувентус привремено го исклучил од тимот.[33] Ова, во комбинација со новата повреда (овојпат на десната Ахилова тетива),[34] која втора година по ред го принудува да ја заврши сезоната предвреме, се повеќе го оддалечува од Јувентус, завршувајќи го своето второ искуство со клубот по крајот на оваа сезона откако клубот не му го продолжил договорот валиден до 30 јуни 2016, со што уругваецот станал слободен играч.[35] Саутхемптон и ВеронаПо неколку месеци неактивност, на 16 февруари 2017 година, тој постигнал договор со англискиот тим Саутхемптон,[36] во чиј дрес излегол на теренот само еднаш, во победата на гости над Мидлсбро (1-2) во Премиер лигата на 13 мај 2017 година.[37] Откако не успеал да ги убеди раководните лица на клубот, на 25 мај го раскинал договорот со „Светците“.[38] На 4 август 2017, тој се вратил во Серија А, постигнувајќи договор со новопромовираниот клуб во лигата, Верона.[39] Тој го имал своето деби за клубот во Купот на Италија, во победата на 13 август против Авелино (3-1),[40] а потоа и во првенството шест дена подоцна, против Наполи. Тој го постигнал својот прв гол за „скалигерите“ на 20 ноември, во поразот на домашен терен од Болоња (2-3),[41] што за него бил прв во највисоката италијанска лига по 11 јануари 2015 година. Сепак, во Верона тој се задржал само шест месеци, кои биле многу позитивни пронаоѓајќи континуитет за играње и ја подигнал формата бележејќи добри настапи.[42] Лацио, второ враќање во Јувентус и ФјорентинаНа 8 јануари 2018 година, за време на зимскиот трансфер пазар, тој бил купен од Лацио.[43] Неговото деби се случило на 31 јануари, во полуфиналето на Купот на Италија против Милан, кое завршило нерешено 0-0. На 18 април 2018 година, тој го постигнал својот прв гол за „бјанкочелестите“, за време на победата на гостински терен над Фјорентина со 3-4. Тој ја завршил сезоната со 10 настапи и 1 постигнат гол. По уште шест месеци во Рим, на 29 јануари 2019 година, било официјализирано неговото второ враќање во Јувентус, откако бил земен на позајмица до крајот на сезоната.[44] На 2 февруари го имал првиот натпревар, на домашен терен против Парма кој завршил нерешено 3-3.[45] На крајот од сезоната, дури и само како спореден актер, тој освоил ново скудето со Јувентус, негово шестто во кариерата. Во летото 2019 година, како слободен агент тој се приклучил на Фјорентина,[46] со која го имал своето деби на 14 септември, во натпреварот против неговиот поранешен клуб Јувентус, кој завршил 0-0.[47] На 8 декември 2019 година, тој го постигнал својот прв гол во виолетовиот дрес, во поразот од 2-1 на гости против Торино.[48] Во двете сезони поминати во Фиренца, одиграл 61 натпревар и постигнал 4 гола. Последните години од кариератаОткако му истекол договорот со Фјорентина, на 1 септември 2021 година, тој постигнал договор со Каљари.[49] На 17 октомври истата година тој го постигнал првиот гол за сардинијците во победата од 3-1 на домашен терен над Сампдорија.[50] Сепак, неговата авантура во „рособлу“, како и онаа на тимот, се покажала како тешка, толку многу што во декември истата година бил исфрлен од составот.[51] Откако не се вратил повеќе во тимот на Каљари, на 30 јануари 2022 година, тој пронашол нов ангажман во Шпанија, каде се вратил после точно десет години потпишувајќи со екипата на Леванте.[52][53] Забележувајќи само 10 настапи во Примера Дивисион, тој го напуштил клубот на крајот од сезоната. По неколку месеци како слободен агент, на 24 август 2022 година, тој постигнал договор со американската екипа Лос Анџелес Галакси.[54] Дебитирал во МЛС лигата, на 5 септември 2022, влегувајќи како замена за последните пет минути од натпреварот на домашен терен против Спортинг Канзас Сити (2-2). Својот прв гол со клубот го постигнал на 15 мај 2023, во победата на домашен терен со 2-1 над Сан Хосе Ертквејкс.[55] Во 2024 година, Касерес со Лос Анџелес Галакси го освоил МЛС купот, иако не настапи во тој натпревар откако бил надвор од акција од 8 август поради повреда на Ахиловата тетива.[56] Откако по две ипол години го напуштил Лос Анџелес, во февруари 2025 година, како слободен играч Касерес потпишал договор со Либертад,[57] клуб кој игра во парагвајската врвна дивизија. Репрезентативна кариера Касерес играл за репрезентацијата на Уругвај под 20 години на Светското првенство под 20 години во Канада и на Јужноамериканското првенство под 20 години 2007. Во 2007 година, го имал своето деби за сениорската репрезентација на својата земја, во пријателски натпревар против Јужна Африка, и оттогаш се до своето повлекување во 2022 година бил речиси постојано присутен. На 14 октомври 2009 година, тој бил исклучен за време на решавачкиот натпревар против Аргентина во КОНМЕБОЛ квалификациите за Светското првенство 2010: црвениот картон го води неговиот тим кон бројчена инфериорност и пораз (0-1). Откако Уругвај сепак успеал да се квалификува на „Мундијалот 2010“ во Јужна Африка, таму тој постигнал историски резултат со националниот тим, стигајќи до полуфиналето против Холандија предводена од Весли Снајдер и Арјен Робен; по поразот од холанѓаните, уругвајците го загубиле и натпреварот за третото место од Германија со идентични 3-2. Следното лето, тој бил повикан во репрезентацијата за Копа Америка 2011. На 17 јули 2011 година, во четвртфиналето, тој го извел решавачкиот пенал во натпреварот против домаќинот Аргентина, со кој на Уругвај му донел пласман во полуфиналето; откако таму го добиле Перу (2-0), Касерес и соиграчите ја освоиле титулата со победа од 3-0 во финалето над Парагвај. На Светското првенство 2014 во Бразил, тој ги одиграл сите четири натпревари на „Селесте“ на турнирот кој завршил со елиминација од јужноамериканските ривали Колумбија во осминафиналето. После две години без настап за репрезентацијата, пропуштајќи ги Копа Америка 2015 и Копа Америка Сентенарио, тој се вратил во репрезентацијата во средината на 2017 година, а следната година се нашол на списокот со играчи за Светското првенство 2018, неговото трето во кариерата. Како и на претходниот мундијал, така и во Русија, тој ги одиграл сите натпревари на својата земја на турнирот, на кој Уругвај бил запрен во четвртфиналето од подоцнежниот шампион Франција со 2-0. Во подоцнежните години од кариерата, тој го претставувал Уругвај на Копа Америка 2019 и Копа Америка 2021, и двете одржани во Бразил, и на двете стигајќи до четвртфиналето каде биле елиминирани на пенали од Перу и Колумбија.[58][59] Неговиот последен турнир со репрезентацијата било Светското првенство 2022 во Катар, каде настапил само еднаш, во раната елиминација на „Селесте“. За репрезентацијата на Уругвај, Касерес одиграл 116 натпревари и постигнал 4 гола. Хронологија на репрезентативните настапиСтатистикаКлупска статистикаСтатистиката е ажурирана на 23 април 2025.
Репрезентативна статистика
ТитулиКлупскиБарселона
Јувентус
Лос Анџелес Галакси
Репрезентативни
Наводи
Надворешни врски
|
|||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
.svg){kind=small}
.svg){kind=small}
.png){kind=small}
Portal di Ensiklopedia Dunia
