Рамна (Гуменџиско)
Рамна (грчки: Ομαλό, Омало; до 1926 г. Ράμνα[2]) — село во Гуменџиско, Егејска Македонија, денес во општината Пајонија на Кукушкиот округ, Грција. Населението брои 104 жители (2021). До денес е населено исклучиво со Македонци.[3] ГеографијаСелото се наоѓа на 10 км југозападно од Гуменџе, на југоисточните падини на планината Пајак. ИсторијаВо Отоманското ЦарствоВо XIX век Рамна било чисто македонско село во Ениџевардарската каза. Црквата „Рождество на пресв. Богородица“ е од средината на XIX век.[4] На австроунгарската воена карта селото е означено како Рамна (Ramna),[5] а на картата на Кондојанис тоа се води исто како Рамна (Ράμνα), христијанско село. Според Николаос Схинас („Οδοιπορικαί σημειώσεις Μακεδονίας, Ηπείρου, Νέας οροθετικής γραμμής και Θεσσαλίας“) во средината на 1880-тите Рамна (Ράμνα) било село со 20 христијански семејства.[6] Според статистиката на Васил К’нчов („Македонија. Етнографија и статистика“) во 1900 г. во Рамна живееле 150 Македонци христијани.[7][8] За време на Илинденското востание на 9 септември 1903 г. кај Рамна војводата Апостол Петков со својот одред од 63 четници се судрил во борба со 110 турски војници, каде загинале еден четник и един војник.[9] По востанието во 1904 г. целото село прешло под врховенството на Бугарската егзархија.[10] По податоци на егзархискиот секретар Димитар Мишев („La Macédoine et sa Population Chrétienne“) во 1905 г. Рамна (Ramna) имала 304 Македонци егзархисти.[7][11] По податоци на Егзархијата во 1910 г. Рамна било чифлигарско село со 30 семејства сочинети од 175 жители Македонци и една црква.[7][12] Во 1910 г. Халкиопулос напишал дека во селото (Ράμνα) имало 118 егзархисти.[6][13] Боривое Милоевиќ („Јужна Македонија“) дека Рамна се состоела од 20 куќи на Македонци христијани.[14] Во ГрцијаПо Балканските војни во 1913 г. Рамна била пропоена кон Грција согласно Букурешкиот договор. Во 1912 г. е заведена како населба со христијанска религија и македонски јазик. На пописот од 1913 г. селото (Ράμνα) се в оди со 167 лица (81 мажи и 86 жени).[6] Во 1920 г. 156 жители.[3] Во 1924 г. под притисок на грчките власти две семејства се иселиле во Бугарија[3] и ликвидирани се нивните 3 имоти.[6] Во тој период во Рамна се доселени мал број грчки семејства. Во 1928 г. селото имало 145 жители[3] од кои 44 лица (15 семејства) биле грчки дојденци.[6][15] Малку подоцна дојденците го напуштиле селото, па така Рамна останало чисто македонско село.[3] Во 1926 г. селото е преименувано во Омало.[6] Селото настрадало во Граѓанската војна кога зимата 1947 г. властите го преселиле населението во полските села Ашиклар и Бозец. По војната дел од жителите се вратиле во Рамна, така што во 1951 г. селото веќе имало 144 лица.[3] НаселениеЕве преглед на населението во сите пописни години, од 1940 г. до денес:
Културни и природни знаменитости
Наводи
Надворешни врски
|
|||||||||||||||||||||||||||||||||||||||||||||||||||||||||||||||||||||||||||||||||
Portal di Ensiklopedia Dunia
