Суво Грло (Демирхисарско)

Суво Грло
Суво Грло Местоположба на Суво Грло во Македонија Суво Грло на карта
Координати 41°18′5″N 21°9′57″E / 41.30139°N 21.16583°E / 41.30139; 21.16583
Општина	Демир Хисар
Население	7 жит. (поп. 2021)[1]
Пошт. бр.	7244
Шифра на КО	10036
Надм. вис.	735 м
Суво Грло на општинската карта Атарот на Суво Грло во рамките на општината
Суво Грло на Ризницата

Суво Грло — село во Општина Демир Хисар, во областа Железник, во околината на градот Демир Хисар.

Селото се наоѓа областа Железник, во источните падини на Плакенска Планина, на левиот брег на Црна Река. Оддалечено е 11 километри северно од Демир Хисар.

Според статистиката на Васил К’нчов („Македонија, Етнографија и статистика“) од 1900 година, во Суво Грло живееле 55 жители, сите Македонци.^[2] Според егзархискиот секретар Димитар Мишев, („La Macédoine et sa Population Chrétienne“) во 1905 година во Суво Грло имало 48 Македонци, под врховенството на Бугарската егзархија.^[3]

На Етнографската карта на Битолскиот Вилает од 1901 г. Сухо Грло се води како чисто македонско село во Битолската каза на Битолскиот санџак со 7 куќи.^[4]

Според германска карта издадена во 1941 година, а заснована на пописот на Кралството Југославија од 1931 година, селото имало 100 Македонци.^[5]

Според пописот од 2002 година, во селото Суво Грло живеат 8 жители, сите Македонци.^[6]

Според последниот попис од 2021 година, во селото живееле 7 жители, сите Македонци.

Во табелата во продолжение е направен преглед на населението во сите пописни години:

Извор за 1900 г.: Македонија. Етнографија и статистика.^[7]; за 1905 г.: La Macédoine et sa Population Chrétienne.^[8]; за 1948-2002 г.: Државен завод за статистика на РМ.^[9]; за 2021 г.: Државен завод за статистика на РМ.^[10]

Суво Грло е македонско село.

Според истражувањата на Бранислав Русиќ во 1951 година родови во селото:^[11]

• Староседелци: Кузмановци (10 к.) и Грујовци (7 к.).
• Доселеници: Богојовци (3 к.) доселени се од селото Зашле, каде припаѓале на родот Шулевци; Трајковци (4 к.) доселени се од селото Ракитница; Митревци (3 к.) доселени се од селото Слепче во 1905 година.

Во селото постои избирачкото место бр. 656 според Државната изборна комисија, сместени во просториите на приватен објект.^[12]

На претседателските избори во 2019 година, на ова избирачко место биле запишани вкупно 3 гласачи.^[13]

Цркви

• Црква „Св. Атанасиј“ — главната селска црква;
• Црква „Св. Богородица“ — црква што се наоѓа на 300 метри над селото

Археолошки наоѓалишта^[14]

• Горна Црква — црква и некропола од средниот век;

• Јанкула Трајчев Груовски — македонски револуционер, илинденец.^[15]

Ова село било едно од ретките села од каде населението не се селело до 1952 година, иселеници имало само во Битола (1 семејство).^[11]

Поголем бран на иселување имало после 1960 година, па така денес селото е пред целосно изумирање

• Суво Грло (Демирхисарско) на Ризницата

п р у Населени места во Општина Демир Хисар Бабино Базерник Бараково Белче Боиште Брезово Вардино Велмевци Вирово Големо Илино Граиште Демир Хисар Доленци‎ Единаковци Жван Железнец Журче Загориче Зашле Кочиште Кутретино Мало Илино Мренога Ново Село Обедник Прибилци Радово Ракитница Растојца Света Сладуево Слепче Слоештица Смилево Сопотница Стругово Суво Грло Суводол Утово Раселени Лесково Церово Историски Добромирово Метимирци Мургашево1 Крагуево Чегел 1 денес населба на Демир Хисар