Хламур

Хламур Φλαμούρι
Хламур
Местоположба во областа Хламур Местоположба на Хламур во Лагадина и областа Централна Македонија
Координати: 40°51.21′N 23°14.0′E / 40.85350°N 23.2333°E / 40.85350; 23.2333
Земја	Грција
Област	Централна Македонија
Округ	Солунски
Општина	Лагадина
Надм. вис.	&10000000000000795000000795 м
Население
• Вкупно	иселено
Час. појас	EET (UTC+2)
• Лето (ЛСВ)	EEST (UTC+3)

Хламур (грчки: Φλαμούρι, Фламури) — поранешно село во Лагадинско, Егејска Македонија, на територијата на денешната општина Лагадина на Солунскиот округ, Грција.

Селото се наоѓало високо на средиштето на Богданска Планина, на 5 км северно од селото Сухо.

Во XIX век Хламур било големо турско село во Лагадинската каза. Во „Етнографија на вилаетите Адријанопол, Монастир и Салоника“ се вели дека во 1873 г. Хламур (Hlamour) било село со 300 домаќинства на 760 жители муслимани.^[1] Според статистиката на Васил К’нчов („Македонија. Етнографија и статистика“) во 1900 г. во Хламур живееле 1.600 Турци.^[2]

По Втората балканска војна селото е припоено кон Грција согласно Букурешкиот договор. Во 1920-тите населението е иселено во Турција по сила на Лозанскиот договор, а на негово место се доведени грчки колонисти. На пописот од 1928 г. Хламур е претставен како чисто дојденско село со 303 жители (100 семејства).^[3]

Селото е напуштено во 1961 г.