ဟားခါးဘာသာစကား
ဟားခါးဘာသာစကား သို့မဟုတ် လိုင်ဘာသာစကားသည် လူပေါင်း ၄၄၆,၂၆၄ ယောက်မှ ပြောဆိုသော ကူကီး-ချင်း-မီဇိုနွယ်ဘာသာစကားတစ်ခု ဖြစ်သည်။ ပြောဆိုသူအများစုသည် ချင်းပြည်နယ်ရှိ ဟားခါးမြို့နယ်နှင့် စစ်ကိုင်းတိုင်းဒေသကြီးရှိ ကလေးမြို့တွင် နေထိုင်ကြပြီး အနည်းစုမှာ ဘင်္ဂလားဒေ့ရှ်နိုင်ငံ၏ အရှေ့တော်ဘက်နှင့် အိန္ဒိယနိုင်ငံ၊ မီဇိုရမ်ပြည်နယ်နှင့် မဏိပူရပြည်နယ်တို့တွင် နေထိုင်ကြသည်။ ဘာသာစကား၏ သဒ္ဒါတည်ဆောက်မှုမှာ ကတ္တား-ကံပုဒ်-ကြိယာ (Subject-object-verb - SOV) ဖြစ်သည်။ ပျံ့နှံ့မှုယခုအချိန်တွင် ဟားခါးဘာသာစကား ပြောဆိုသူ ငါးသောင်းကျော်သည် အမေရိကန်ပြည်ထောင်စု၊ ကနေဒါနိုင်ငံ၊ နော်ဝေးနိုင်ငံ၊ ဒိန်းမတ်နိုင်ငံ၊ ဂျာမနီနိုင်ငံ၊ ဩစတြေးလျနိုင်ငံနှင့် နယူးဇီလန်နိုင်ငံတို့ကဲ့သို့ အနောက်နိုင်ငံများတွင် နေထိုင်လျက်ရှိသည်။ အပြန်အလှန်နားလည်နိုင်စွမ်းဟားခါးဘာသာစကားသည် ချင်းပြည်နယ်၏ ဒေသအများစုတွင် အများသုံး ဘာသာစကားတစ်ခုဖြစ်ပြီး ဟားခါး၊ ထန်တလန်နှင့် မတူပီဒေသများရှိ မိခင်ဘာသာစကားဖြစ်သည်။ တူညီသော လိုင်ဘာသာစကားမှ ဆင်းသက်လာပြီး ၎င်းတို့၏ အသံပညာ (ဝါစဿဗေဒ) ၏ ၈၅ ရာခိုင်နှုန်းကို မျှဝေသောကြောင့် ဖလမ်းစကားပြောသူများသည် ဟားခါးစကားပြောဆိုသူများနှင့် အလွယ်တကူ ဆက်သွယ်နိုင်သည်။ ချင်းပြည်နယ်၏ မြို့တော်အဖြစ် ဟားခါးသည် ချင်းပြည်နယ်ရှိ အခြားနေရာများတွင် နေထိုင်သော ပြည်သူများအား အစိုးရ အလုပ်အကိုင်နှင့် စီးပွားရေး အခွင့်အလမ်းများ ပေးဆောင်သည်။ ဤလူများသည် ဤနေရာတွင် ယာယီ သို့မဟုတ် အမြဲတမ်းနေထိုင်ကြပြီး နောက်ဆုံးတွင် ၎င်းတို့၏မိသားစုများသည် ဟားခါးစကားပြောနည်းကို သင်ယူကြသည်။ ချင်းလူမျိုးအများစုသည် လက်တင်အက္ခရာကို ၎င်းတို့၏ အရေးအသားစနစ်အဖြစ် အသုံးပြုသောကြောင့် အခြားချင်းလူမျိုးများနှင့် ချင်းမဟုတ်သူများ ဟားခါးဘာသာစကားဖတ်ရှုရန် ပိုမိုလွယ်ကူစေသည်။ ကိုးကား
|
||||||||||||||||||||||||||||||||||||||||||||||||||||||||||||||||||||||||||||||
Portal di Ensiklopedia Dunia
