நீரிணை குடியேற்றங்கள்

நீரிணைக் குடியேற்றங்கள்
Straits Settlements
நீரிணைக் குடியேற்றங்கள்; Straits Settlements
	Flag; (1925–1946) சின்னம்
	நாட்டுப்பண்: "God Save the King"; (1826–1837; 1901–1942; 1945–1946); "God Save the Queen" (1837–1901)
	Malaya in 1922: Unfederated Malay States Federated Malay States Straits Settlements
நிலை	காலனி
தலைநகரம்	ஜார்ஜ் டவுன்; (1826–1832); சிங்கப்பூர்; (1832–1946)
ஆட்சி மொழி(கள்)	ஆங்கிலம்
பேசப்படும் மொழிகள்	ஆங்கிலம்; மலாய்; சீனம்; தமிழ்;
அரசாங்கம்	முடியாட்சி காலனி
வரலாற்று சகாப்தம்	British Empire
நாணயம்	சிங்கப்பூர் டாலர்; (1898–1939); மலாயன் டாலர்; (1939–1946);

நீரிணைக் குடியேற்றங்கள் அல்லது தொடுவாய்க் குடியேற்றப் பகுதிகள்; ஆங்கிலம்: Straits Settlements; மலாய்: Negeri-Negeri Selat) என்பது 1826-ஆம் ஆண்டில், தென்கிழக்கு ஆசியாவில், மலாக்கா நீரிணையை ஒட்டி உருவாக்கப்பட்ட பிரித்தானியக் குடியேற்றப் பகுதிகள் ஆகும்.

அந்த நீரிணைக் குடியிருப்புகள் பினாங்கு, மலாக்கா, சிங்கப்பூர் மாநிலங்களை உள்ளடக்கியவை. இந்த மாநிலங்கள் அனைத்தும் முன்பு பிரித்தானிய ஆட்சியின் கீழ் இருந்தன.

வரலாறு

1824-ஆம் ஆண்டு ஆங்கிலோ-டச்சு (Anglo-Dutch Treaty of 1824) ஒப்பந்தத்திற்குப் பிறகு, பினாங்கு மாநிலம், லெப்டினன்ட் கவர்னர் (Lieutenant Governor) என்பவரால் நிர்வகிக்கப் பட்டது. மலாக்கா; மற்றும் சிங்கப்பூர் மாநிலங்கள் ஆளுநர் (Resident) என்பவரால் நிர்வகிக்கப் பட்டன.

1826-ஆம் ஆண்டில், பினாங்கு, மலாக்கா, சிங்கப்பூர் ஆகிய மூன்று மாநிலங்களும் ஒன்றிணைக்கப்பட்டன. சில ஆண்டுகள் கழித்து பேராக் மாநிலத்தில் இருந்த டிண்டிங் (Dinding) எனும் பகுதியும் சேர்த்துக் கொள்ளப்பட்டது.^[1]

கொக்கோசு (கீலிங்) தீவுகள்

இந்த நான்கு பகுதிகளும் நீரிணைக் குடியிருப்புகள் (Straits Settlements) எனும் பெயரில் அழைக்கப்பட்டன. இந்த ஒருங்கிணைப்பு, நிர்வாகச் செலவுகளைக் குறைப்பதையும்; நிர்வாகத் தரதை மேம்படுத்துவதையும் முக்கிய நோக்கமாகக் கொண்டது.

1886-ஆம் ஆண்டில் கிறிஸ்மஸ் தீவு (Christmas Island) மற்றும் கொக்கோசு தீவுகள் (Cocos Islands); நீரிணைக் குடியிருப்புகளில் சேர்க்கப்பட்டன.^[2]^[3]

லபுவான் தீவு

1 சனவரி 1907 முதல் போர்னியோ கடற்கரைக்கு அப்பால் உள்ள லபுவான் தீவும் நீரிணைக் குடியேற்றக் காலனியில் இணைக்கப்பட்டது. இருப்பினும் 1912-ஆம் ஆண்டில் லபுவான் தனி மாநிலமாகப் பிரிக்கப்பட்டது. நீரிணைக் குடியேற்றப் பகுதியில் இருந்த பெரும்பாலான பிரதேசங்கள், தற்சமயம் மலேசியாவின் ஒரு பகுதியாக உள்ளன. 1965-இல் சிங்கப்பூர் மலேசியாவில் இருந்து பிரிந்து சென்றது.

1955-ஆம் ஆண்டில், கொக்கோசு தீவுகள் ஆஸ்திரேலியா நாட்டின் கட்டுப்பாட்டிற்குள் மாற்றப்பட்டன. அதன் பின்னர் எஞ்சி இருந்த கிறிஸ்மஸ் தீவு 1958-இல், அதே ஆஸ்திரேலியாவின் கட்டுப்பாட்டிற்குள் மாற்றப்பட்டது.