Севастопальскі парк

Севастопальскі парк
	; Парк летнім днём
Асноўная інфармацыя
Тып	парк
Плошча	71,1 га
Дата заснавання	1954
Размяшчэнне
	53°56′36″ пн. ш. 27°36′55″ у. д.HGЯO
Краіна	Беларусь;
Раён	Першамайскі раён
	Севастопальскі парк
Медыяфайлы на Вікісховішчы

Севастопальскі парк — лясны масіў у Першамайскім раёне Мінска.

Геаграфія

Геаграфічна парк знаходзіцца ў межах вуліц Севастопальская — Лагойскі тракт — Славінскага — Кедышкі.

Гісторыя

Гістарычна Севастопальскі парк складаецца з некалькіх участкаў: сквера, выдзеленага ад асноўнай часткі вуліцай Вялікая Слепня, і ляснога масіву ўздоўж вуліцы Севастопальская, які падзелены на дзве часткі вуліцай Кнорына.

Сквер па вул. Кедышкі, які мае плошчу 9,3 га, быў закладзены ў 1979 годзе для выкарыстання ў мэтах кароткачасовага і транзітнага адпачынку. Асноўнымі пародамі ў насаджэннях сквера з’яўляюцца клён вастралісты (Acer platanoides), елка блакітная (Picea pungens), віды родаў бяроза (Betula), ліпа (Tilia). На месцы знесенай сядзібнай забудовы — пладовыя дрэвы^[1].

Зялёны масіў па вул. Севастопальскай плошчай 67,1 га быў закладзены ў 1954 годзе^[2] і першапачаткова выконваў функцыі санітарна-ахоўнай зоны Зеляноўскага водазабору^[3], што і вызначыла склад і структуру пасадак дадзенага масіва. Насаджэнні закладваліся без пэўнага плана, пераважна ў выглядзе радавых пасадак. Асартымент парод таксама не быў разнастайны — у пасадках выкарыстоўваліся пераважна таполя (Populus), асіна (Populus tremula). Клён (Acer), ліпа (Tilia), бяроза (Betula) выкарыстоўваліся толькі як дадатковыя пароды. У наступныя гады і да цяперашняга часу праводзіцца дапаўненне пасадак^[1].

Паколькі плошчу Мінска павялічваецца, з часам Севастопальскі парк быў акружаны жылой забудовай. У гісторыі зялёнага масіву было некалькі спроб рэканструкцыі:

У 70-х гадах XX стагоддзя праект добраўпарадкавання быў распрацаваны ГПІ «Мінскпраект».
У канцы XX стагоддзя масіў быў вызначаны для рэканструкцыі «Праграмай па будаўніцтве і добраўпарадкаванні аб’ектаў добраўпарадкавання і азелянення ў г. Мінску на 1998—2002 гг.»

Паколькі ў Мінгарвыканкама быў намер пабудаваць праз парк хуткасную аўтадарогу^[4], якая павінна была стаць часткай III гарадскога кальца, то гэтыя праекты не былі рэалізаваныя. Пасля жыхары навакольных дамоў ўступілі ў гарачыя спрэчкі з уладамі Мінска, у выніку чаго рашэнне пытання было адкладзенае мінімум да 2020 года^[5]^[6].

У цяперашні час выкарыстоўваецца для адпачынку жыхарамі бліжэйшых дамоў. Статус парку павінен быць прысвоены ў выніку рэканструкцыі тэрыторыі з выкананнем адпаведнага добраўпарадкавання, але назва «Севастопальскі парк» ужо выкарыстоўваецца гараджанамі.

Праект рэканструкцыі

У цяперашні час распрацаваны план рэканструкцыі Севастопальскага парку^[3]^[7]. У адпаведнасці з Сістэмай горадабудаўнічых рэгламентаў Генеральнага плана Мінска праектаваная тэрыторыя ўключана ў склад ландшафтна-рэкрэацыйнай зоны 86ЛР2 з рэжымам асваення «рэканструкцыя са змяненнем параметраў выкарыстання».^[8] Тэрыторыя зоны ў межах праектавання (у межах чырвоных ліній) складае 84,1 га. Аднак пасля вываду аб’ектаў неадпаведных рэгламентам Генеральнага плана г. Мінска тэрыторыя павялічыцца яшчэ на 25,9 га.^[9]

У Севастопальскім парку плануецца стварыць некалькі зон адпачынку для дзяцей розных узроставых катэгорый. Асноўныя цэнтры — для дзяцей ад 6 да 12 гадоў. Падлеткам старэйшай узроставай групы 12-16 гадоў — адводзяцца пляцоўкі для заняткаў экстрэмальнымі відамі спорту.^[10]

Плануецца, што кафедра «Спартыўнай медыцыны» Беларускага дзяржаўнага універсітэта фізічнай культуры і Віцебскі вучэбна-метадычны цэнтр фізічнага выхавання насельніцтва сумесна распрацуюць маршруты для аздараўленчага бегу і хады на тэрыторыі будучага Севастопальскага парку. У праекце стварэнне так званых чорных, чырвоных і зялёных трас — розных па сілавых нагрузак, узросту і ўмовам рэльефу.^[11]

Таксама ў Севастопальскім парку праектуецца пляцоўка для «аджыліці».

Фаўна

Парк з’яўляецца прытулкам для мноства відаў птушак.

Тут можна сустрэць прадстаўнікоў сямействаў:

амялушкавыя (Bombycillidae) (амялушка (Bombycilla garrulus))
валасянкавыя (Sylviidae) (валасянка чорнагаловая (Sylvia atricapilla), леска-завірушка (Curruca curruca), пячураўка-трашчолка (Phylloscopus sibilatrix), пячураўка-ценькаўка (Phylloscopus collybita))
вераб’іныя (Passeridae) (дамавы верабей (Passer domesticus), палявы верабей (Passer montanus))
галубіныя (Columbidae) (вяхір (Columba palumbus)^[12])
дзятлавыя (Picidae) (вялікі дзяцел (Dendrocopos major))
драздовыя (Turdidae) (дрозд-спявун (Turdus philomelos), дрозд чорны (Turdus merula), рабіннік (Turdus pilaris), Turdus iliacus)
мухалоўкавыя (Muscicapidae) (гарыхвостка звычайная (Phoenicurus phoenicurus), заранка (Erithacus rubecula), салавей звычайны (Luscinia luscinia)^[13]^[14])
крумкачовыя (Corvidae) (грак (Corvus frugilegus), каўка (Corvus monedula), сарока звычайная (Pica pica), сойка звычайная (Garrulus glandarius), шэрая варона (Corvus cornix))
свіргулёвыя (Apodidae) (чорны свіргуль (Apus apus))
сініцавыя (Paridae) (вялікая сініца (Parus major), блакітніца звычайная (Cyanistes caeruleus), сініца-апалоўнік (Aegithalos caudatus))
сітаўкавыя (Motacillidae) (сітаўка (Motacilla alba))
уюрковыя (Fringillidae) (берасцянка (Fringilla coelebs), зелянушка звычайная (Chloris chloris), снягір (Pyrrhula pyrrhula), таўстадзюб звычайны (Coccothraustes coccothraustes))
чароткавыя (Acrocephalidae) (перасмешка зялёная (Hippolais icterina), чаротаўка трысняговая (Acrocephalus scirpaceus))
шпаковыя (Sturnidae) (шпак звычайны (Sturnus vulgaris)) і іншыя.

У парку таксама жывуць вавёркі (Sciurus vulgaris).

Флора

Парк утвораны рознымі дрэвамі, у раслінным покрыве цвіце мноства кветак, сустракаюцца грыбы.

Рознае

У Севастопальскім парку размешчаны Рэспубліканскі рэабілітацыйны цэнтр для дзяцей-інвалідаў і школа-інтэрнат № 14 для дзяцей, якія слаба чуюць (калектыўны архітэктурны праект пад кіраўніцтвам В. Бялянкіна).