Серхіа Бускетс

Серхіа Бускетс
Серхіа Бускетс
Агульная інфармацыя
Поўнае імя	Серхіа Бускетс Бургас
Мянушка	Серхіа (ісп.: Sergi) Бісквітс
Нарадзіўся	16 ліпеня 1988[…] (37 гадоў); Сабадэль, Іспанія;
Грамадзянства	Іспанія
Рост	189 см
Вага	66 кг
Пазіцыя	паўабаронца
Інфармацыя пра клуб
Клуб	Інтэр Маямі
Нумар	5
Маладзёжныя клубы
	Бадыя
	Барбера Андулючыя
1999—2003	Лерыда
2003—2005	Уніа Хабак
2005—2007	Барселона
Клубная кар’ера
2023—	Інтэр Маямі
Нацыянальная зборная
Узнагароды і медалі
	Чэмпіянаты свету
Золата	ПАР 2010
	Кубкі канфедэрацый
Бронза	ПАР 2009
Срэбра	Бразілія 2013
	Чэмпіянаты Еўропы
Золата	Польшча/Украіна 2012
Бронза	Еўропа 2020
	↑ Колькасць гульняў і галоў за прафесійны клуб лічыцца толькі для розных ліг нацыянальных чэмпіянатаў, адкарэктавана станам на 18 ліпеня 2023. ; ↑ Колькасць гульняў і галоў за нацыянальную зборную ў афіцыйных матчах, адкарэктавана станам на 18 ліпеня 2023 ;
	Медыяфайлы на Вікісховішчы

Се́рхіа Буске́тс Бу́ргас (катал.: Sergi Busquets i Burgos; нар. 16 ліпеня 1988, Сабадэль, Іспанія) — іспанскі футбаліст, паўабаронца амерыканскага клуба «Інтэр Маямі» і былы ігрок нацыянальнай зборнай Іспаніі. Чэмпіён свету па футболе 2010. Сын Карлеса Бускетса, які абараняў браму «Барселоны» ў 1990-я гады^[4]. Серхіа быў параўнальна малавядомым іграком, калі ён далучыўся да першага складу «Барселоны» ў ліпені 2008 года, але ў выніку праз адносна кароткі перыяд часу, здолеў стаць не толькі выключным іграком клуба, але і важным іграком нацыянальнай зборнай менш за год пасля прафесійнага дэбюта ў клубе.

Клубная кар’ера

Дэбютаваў за галоўную каманду «Барселоны» 13 верасня 2008 года ў матчы супраць сантандэрскага «Расінга». А ў матчы 22 кастрычніка 2008 года ў Лізе чэмпіёнаў «Барселона» гуляла супраць швейцарскага «Базеля», дзе Серхіа забіў свой першы мяч за «Барселону», той матч «Барселона» перамагла з лікам 5:0. Таксама ў Лізе чэмпіёнаў у апошнім групавым матчы каталонская каманда выйшла рэзервовым складам супраць данецкага «Шахцёра», Серхіа тады забіў свой другі мяч за цяперашні клуб, і таксама ў Лізе чэмпіёнаў. 7 сакавіка 2008 года Бускетс забіў першы гол у Ла Лізе ў браму «Атлетыка» з Більбаа.

Серхіа ўдала канкураваў за месца ў асноўным складзе з Сейду Кейта і Яя Турэ. 27 мая 2009 года ён выйшаў у стартавым складзе «Барселоны» на фінал Лігі чэмпіёнаў, дзе іспанская каманда была мацней за «Манчэстэр Юнайтэд»» з лікам 2:0. З гэтай перамогай, Карлес і Серхіа Бускетс сталі толькі трэцімі бацькам і сынам, якія атрымлівалі перамогу ў найлепшым клубным турніры Еўропы, якія гулялі ў адным клубе. Да таго гэта зрабілі Мануэль Санчыс Марцінес і Мануэль Санчыс Антыюэла з мадрыдскага «Рэала», а таксама Чэзарэ і Паала Мальдзіні з італьянскага «Мілана».

На наступны сезон Гвардыёла падоўжыў выкарыстоўваць пераважна Бускетса замест Турэ. Серхіа наладзіў прадуктыўную гульню ў звязцы з Хаві і Іньестам. Выдатная гульня Бускетса падоўжылася і на сезоне 2010/11. Футбаліст нават выступаў на пазіцыі цэнтральнага абаронцы. 27 студзеня 2011 года Серхіа падоўжыў кантракт з каталонскім клубам да 2015 года^[5].

У маі 2023 года абвясціў пра свой сыход з каталонскага клуба па заканчэнні сезона 2022/23.

У ліпені 2023 года папоўніў склад амерыканскага клуба «Інтэр Маямі», падпісаўшы кантракт на 2,5 гады.

Міжнародная кар’ера

2 красавіка 2009 года правёў дэбютную гульню за нацыянальную зборную Іспаніі, замяніўшы ў другім тайме Давіда Сільву ў матчы супраць зборнай Турцыі, які скончыўся перамогай іспанцаў з лікам 2:1.