Бајловце

Бајловце
Бајловце Местоположба на Бајловце во Македонија Бајловце на карта
Координати 42°13′49″N 21°57′43″E / 42.23028°N 21.96194°E / 42.23028; 21.96194
Регион	Североисточен
Општина	Старо Нагоричане
Област	Козјачија
Население	61 жит. (поп. 2021)[1]
Пошт. бр.	1302
Повик. бр.	031
Шифра на КО	17006
Надм. вис.	628 м
Бајловце на општинската карта Атарот на Бајловце во рамките на општината
Бајловце на Ризницата

Бајловце — село во Општина Старо Нагоричане, во областа Козјачија, во околината на градот Куманово.

Населбата се наоѓа во североисточниот дел на територијата на Општината Старо Нагоричане, во ридско-планинската област Козјачија. Населбата е ридска и лежи на надморска височина од 600 до 760 метри. Од градот Куманово селото е оддалечено 32 км.

Атарот е голем и зафаќа простор од 23 км². На него преовладуваат пасиштата на површината од 1380,4 ха, потоа обработливото земјиште на кое отпаѓаат 634,6 ха, и шумите на 39,2 ха. Селото има полјоделско-сточарска функција.^[2]

Според германска карта издадена во 1941 година, а заснована на пописот на Кралството Југославија од 1931 година, селото имало 900 Македонци.^[3]

Според пописот од 2002 година, во селото Бајловце имало 129 жители, од кои 126 Македонци, 2 Срби и 1 останат.^[4]

Според последниот попис од 2021 година, во селото живеел 61 жител, од кои 57 Македонци и 4 лица без податоци.^[5]

Во табелата во продолжение е направен преглед на населението во сите пописни години:

Извор за 1900 г.: Македонија. Етнографија и статистика.^[6]; за 1905 г.: La Macédoine et sa Population Chrétienne.^[7]; за 1948-2002 г.: Државен завод за статистика на РМ.^[8]; за 2021 г.: Државен завод за статистика на РМ.^[9]

Бајловце е македонско село.

Според истражувањата од 1971 година родови во селото се:

• Доселени со познато потекло: Височани (19 к.), Тресоглавци (9 к.), Рудињци (8 к.) и Герасинци (6 к.) сите потекнуваат од ист предок, според преданието доселени се од околината на Крагуевац, Србија.
• Доселеници со непознато потекло: Павлевци (15 к.), Крстинци (6 к.), Долнобозовчани (13 к.), Горнобозовчани (8 к.), Таверци (8 к.), Грмаѓани (7 к.), Белчинци (4 к.), Грујинци/Грујовци (4 к.) и Ремењарци (4 к.).^[10]

Личности родени во Бајловце:

• Драгинка Илиева Величковска — учесник во НОВ на Македонија
• Крстана Димитриевска — учесник во НОВ на Македонија
• Гајта Димовска — учесник во НОВ на Македонија
• Росанда Зафироска — учесник во НОВ на Македонија

Археолошки наоѓалишта^[11]

• Блатец — средновековна населба и некропола
• Високо — градиште од средниот век
• Далјан Бозовиќ — средновековна некропола
• Рамњанска Драка — средновековна населба

Во селото постои мошне стара црква „Св. Димитрие“, но не е познато кога е изградена.

Бајловце нема многу добри услови за живот, и затоа од него се иселувало населението. Машкото население најпрво одело на печалба во Скопје и Куманово, а потоа го повлекувало и семејството со себе. Па така од Бајловце има огромен број на иселено население во Скопје (200 семејства) и во Куманово (100 семејства).

Има и други постари иселеници во некои кумановски и скопски села. Орманци иселени се во селото Пелинце. Тодоровци иселени се во селото Карловце. Пирајци иселени се во селото Пузајка. Трајановци иселени се во селото Дељадровци.^[10]

• Бајловце на Ризницата

п р у Населени места во Општина Старо Нагоричане Алгуња Аљинце Арбанашко Бајловце Брешко Буковљане Војник Враготурце Врачевце Дејловце Длабочица Добрача Драгоманце Дренок Жегљане Жељувино Канарево Карловце Коинце Кокино М’гленце Макреш Малотино Младо Нагоричане Никуљане Облавце Орах Пелинце Пузајка Рамно Руѓинце Старо Нагоричане Степанце Стрезовце Стрновац Цветишница Цвиланце Челопек Раселени Осиче