Дељадровци

Дељадровци
Дељадровци Местоположба на Дељадровци во Македонија Дељадровци на карта
Координати 42°0′54″N 21°40′13″E / 42.01500°N 21.67028°E / 42.01500; 21.67028
Општина	Илинден
Население	535 жит. (поп. 2021)[1]
Шифра на КО	25033
Надм. вис.	295 м
Дељадровци на општинската карта Атарот на Дељадровци во рамките на општината
Дељадровци на Ризницата

Дељадровци — село во Општина Илинден, во околината на градот Скопје и седиште на Дељадровско-илинденска епархија на МПЦ - ОА.^[2]

Во XIX век, селото е дел од нахијата Чаирско Поле (Блатија) во Скопската каза во Отоманското Царство.

Според опширните османлиски дефтери за населението на Скопската Каза од 1832/33 година, селото е заведено под името Делихферли и било христијанско, каде имало 34 христијански домаќинства. На овој попис биле забележани 126 мажи христијани, со 18 новороденчиња. Се проценува дека селото во тој период имало 288 жители.^[3]

Според германска карта издадена во 1941 година, а заснована на пописот на Кралството Југославија во 1931 година, селото имало 150 Македонци.^[4]

Според пописот на населението на Македонија од 2002 година, селото има 532 жители, од кои 520 Македонци и 12 Срби.^[5]

Според последниот попис од 2021 година, во селото живееле 535 жители, од кои 499 Македонци, 2 Албанци, 17 Срби, 7 останати и 10 лица без податоци.^[6]

Во табелата во продолжение е направен преглед на населението во сите пописни години:

Извор за 1900 г.: Македонија. Етнографија и статистика.^[7]; за 1905 г.: La Macédoine et sa Population Chrétienne.^[8]; за 1948-2002 г.: Државен завод за статистика на РМ.^[9]; за 2021 г.: Државен завод за статистика на РМ.^[10]

Дељадровци е мешано православно село.

Според истражувањата од 1953 година, родови во селото се. Со доселеници од разни страни.

• Доселеници од разни места во Македонија: Јовчевци (5 к.) најстар селски род. Доселени се пред околу 180 до 190 години од селото Стањевци во Овче Поле; Марковци (2 к.), Сташовци (5 к.) и Мартиновци (3 к.) доселени се од некое сега албанско село во Кумановска Црна Гора. Во родот Марковци го знаат следното родословие: Величко (жив на 80 г. во 1953 година) Коле-Марко, основачот на родот кој се доселил; Мицевци (2 к.) и Витановци (1 к.) доселени се од селото Сарамзалино во Овче Поле; Колевци (1 к.) доселени се од селото Ранковце во Кривопаланечко; Јачменовци или Трајановци (1 к.) доселени се од селото Бајловце; Денковци (1 к.) и Милевци (1 к.) доселени се во 1942 година од селото Кокино; Кочка (1 к.) доселени се од селото Герман; Кирјановци (1 к.) доселени се од селото Радибуш во Кривопаланечко; Стојчевци (1 к.) доселени се од селото Милутинце во Кривопаланечко; Димитријевци (1 к.) доселени се од селото Трново во Кривопаланечко; Крстевци (1 к.) доселени се од селото Нерав во Кривопаланечко.
• Доселеници од Србија: Стојчевци (1 к.) доселени се од селото Шумата Трница во Горна Пчиња; Шкембаровци (2 к.) доселени се од селото Трнава кај Прешево. Денес тоа село е албанско, овде живеат од турско време; Милојковци (1 к.) доселени се во 1935 година од Књажевац; Милојевци (1 к.) доселени се од околината на Крушевац.
• Доселеници од разни страни: Бачевци (2 к.) доселени се во турско време од некое место во Грција; Мишевци (7 к.) ги викаат и Албанци. Доселени се однекаде од Албанија. Имаат роднини во селото Орах.^[11]

Манастири

• Дељадровски манастир

Цркви^[12]

• „Св. Ѓорѓи“ — главната манастирска црква на Дељадровскиот манастир;
• „Рождество на Пресвета Богородица“ — црква во Дељадровскиот манастир;
• „Св. Архангели Михаил и Гаврил“ — црква во Дељадровскиот манастир;
• „Св. Петка и Св. Недела“ — црква во Дељадровскиот манастир;
• „Св. Злата Мегленска“ — црква во Дељадровскиот манастир;

• ФК Дељадровци

• Дељадровци на Ризницата

п р у Населени места во Општина Илинден Ајватовци Бујковци Бунарџик Бучинци Дељадровци Илинден Кадино Марино Миладиновци Мралино Мршевци Текија