Википедија:Именување на држави и изведени придавки

Оваа страница е напатствие на македонската Википедија. Општоприфатен стандард е уредувачите да ги следат правилата, но сепак треба да се користи здрав разум и да се прават повремени исклучоци. Ако ја уредувате оваа страница, Ве молиме прво уверете се дека за вашата промена постои консензус. Ако се двоумите, прво дискутирајте на страницата за разговор.

Кратенки: ВП:ИМЕДРЖ ВП:ДРЖАВИ ВП:Држави

Правилникот за именување држави и изведени придавки е создаден да им помогне на корисниците во правилната употреба на имињата на државите. Исто така, правилникот ги посочува точните придавки изведени од државите како и правилник за именување статии поврзани со државите.

Кога предавате (транскрибирате) поединечни странски поими на македонски јазик, водете се по Правилникот за транскрипција на странските јазици.

Статиите треба да се именуваат со целосни описни имиња. Така на пример, прифатливи се насловите „Економија на Танзанија“, „Политика на Египет“ или „Демографија на Македонија“, а не „Танзаниска економија“, „Египетска политика“ или „Македонска демографија“.

Треба да се прави разлика меѓу придавка за држава и придавка за етничка група или народ. Придавките за држава не се користат за народ, и обратно.

Во следната табела се наведени имињата на државите кои треба да се користат како наслови, потоа целосните имиња на државите, придавките за државите и целосните описни имиња кои се користат за статии поврзани со државите. Покрај овие, во табелата се наведени и придавки за националноста или народот.

Напомена: Имињата на државите кои се описни (освен ако пред името стои географска или општествена одредница) или се во множина се користат со член. Другите имиња на држави се користат без членот.

• Правопис на македонскиот јазик
• Правопис на географски и топографски поими во македонскиот јазик